Ægir - 01.01.1983, Qupperneq 40

£575 tonnið. Hásetahluturinn gerði um 40 þús.kr.,
en að öllu jöfnu þá þyrfti hluturinn að vera a.m.k.
það hár á mánuði. Eru menn bjartsýnir á að það
muni takast undir eðlilegum kringumstæðum, þvi
annars er grundvöllurinn fyrir þessum veiðiskap
brostinn miðað við það verð sem greitt er fyrir
aflann i dag. Olíukostnaðurinn hækkar hlutfalls-
lega það mikið lengist úthaldið umfram mánuð, að
úrslitum ræður hvort fjárhagslega hagkvæmt er að
gera út á þessar veiðar eða ekki. Oliukostnaðurinn
í þessum fyrsta túr reyndist vera um 30% af afla-
verðmæti, um 40% fór í mannakaup og það sem
eftir var fór i stofnfjárgjald, erlendan kostnað
o.s.frv., þannig að eftir þennan túr er ekkert eftir
til að greiða upp í kostnaðinn vegna breytinganna
og undirbúningsins.
Engu að síður eru Eldborgarmenn nokkuð
ánægðir með útkomuna af þessum fyrsta túr og þó
einkum að vera komnir með í kolmunnaslaginn.
Segja má að hingað til höfum við íslendingar lítið
sem ekkert veitt þessa fisktegund, þar sem yfir
90% af öllum kolmunnaveiðum hafa farið fram
innan breskrar landhelgi og okkur fiskveiðar þar
óheimilar með öllu, en upp úr áramótum, aðallega
i mars og apríl, þéttist kolmunninn í risastórar
torfur við landgrunnskantinn vestur af írlandi og
Skotlandi á leið sinni til og frá hrygningu. Á þess-
um slóðum hafa veiðiskipin aðallega mokað hon-
um upp. Allt fram á þennan dag hefur kolmunninn
farið í bræðslu hjá flestum þeim þjóðum er hann
hafa veitt, utan Sovétmönnum.
Þar eð útivistin á kolmunnaveiðunum verður
nokkuð ströng, verður aðstaða áhafnarinnar og
aðbúnaður allur að vera eins góður og hugsanlegt
er, ef haldast á á mannskap og því algjört skilyrði
að stór og góð skip séu notuð við þennan veiði-
skap. Verði úthaldið eins og að framan greinir þ.e.
um mánuður fari í hvern túr, þá verður lágmarks-
áhöfn að vera 50% umfram það sem um borð er
hverju sinni. Áhöfninni yrði flogið heim á kostnað
útgerðar eftir hvern túr, gefið fjögurra daga leyfi,
og skipt um hálfa skipshöfnina.
Með tilkomu þessa veiðiskapar má segja að
,,Eldborgin“ verði gerð út frá Bretlandi meirihlut-
ann af árinu, eða í um átta mánuði. Er þá gert ráð
fyrir að yfir haustmánuðina, þ.e. október, nóv-
ember og desember, verði hægt að veiða loðnu hér
heima. í aprílmánuði er kolmunninn á hrygningar-
slóð sinni innan breskrar landhelgi, eða nánar til-
Flökin berast frá roðflettingarvélinni í kar og eru þá tilbúin í Flökunum rennt í frystitækin og pökkuð um leið í 20 kg
frystitækin sem eru til hægri á myndinni. öskjur.
28 — ÆGIR