Tímarit lögfræðinga - 01.07.1974, Blaðsíða 56

Réttarstaða minnihluta í hlutafélögum var efni fyrirlestrar, sem Ingvar
Björnsson bæjarlögmaður f Hafnarfirði flutti á félagsfundi 8. apríl s.l. í um-
ræðum um þetta efni tóku síðan til máls: Hjörtur Torfason hrl., Benedikt
Sigurjónsson hæstaréttarforseti, Gunnar Helgason framkvæmdastjóri, Guð-
mundur Ingvi Sigurðsson hrl. og Þór Vilhjálmsson prófessor.
NÁMSKEIÐ í VINNURÉTTI
Dagana 16.—18. maí s.l. var haldið námskeið í vinnurétti á vegum Lög-
fræðingafélags íslands. Fór námskeiðið tvo fyrstu dagana fram í Lögbergi kl.
17—19 hvorn daginn, en laugardaginn 18. maí fór það fram í Valhöll á Þing-
völlum og stóð þann dag allan.
Námskeiðið var boðað öllum félagsmönnum með dagskrá og var hún í að-
alatriðum sem hér segir:
1. Kjarasamningar. Fyrirlesari: Hákon Guðmundsson fyrrv. yfirborgardóm-
ari.
2. Vinnudeilur og framkvæmd verkfalla. Fyrirlesari: Sigurður Líndal pró-
fessor.
3. Vinnusamningar. Fyrirlesari: Gunnar Sæmundsson hdl.
4. Skipulagseiningar vinnumarkaðarins. Fyrirlesarar: Barði Friðriksson hrl.
og Jón Þorsteinsson hdl.
5. Skyldur vinnuveitenda og starfsmanna. Fyrirlesari: Gunnar Eydal hdl.
6. Uppsögn vinnusamninga. Fyrirlesari: Guðmundur Ingvi Sigurðsson hrl.
Framkvæmdastjóri námskeiðsins var cand. jur. Páll Skúlason bókavörður,
og annaðist hann undirbúning og framkvæmd námskeiðsins ásamt nokkrum
stjórnarmönnum Lögfræðingafélagsins. Formaður félagsins, Þór Vilhjálmsson
prófessor, hafði stjórn dagskrárliða með höndum ásamt fundarstjórum.
Þátttakendur voru milli 30 og 40 auk fyrirlesara. Gert er ráð fyrir að fyrir-
lestrarnir verði birtir í næstu tölublöðum þessa tímarits og e. t. v. sérprent-
aðir síðar. Verður hér því ekki gerð nánari grein fyrir framsöguræðum né
umræðum sem af þeim spunnust, en þær voru oft liflegar.
Lögfræðingafélagið naut styrks frá nokkrum aðilum til námskeiðshaldsins,
og auk þess greiddu þátttakendur nokkurt þátttökugjald. Virðist svo sem
námskeiðið verði ekki félaginu til fjárhagslegrar byrði.
Próf. Þór Vilhjálmsson sleit námskeiðinu yfir boröum í Valhöll. Þakkaði
hann öllum, sem lagt höfðu hönd á plóginn við undirbúning og framkvæmd
mótsins og þá sérstaklega framsögumönnum, sem hann sagði að lagt hefðu
verulegan skerf til lögvísinda í landinu. Björn Þ. Guðmundsson borgardóm-
ari og Páll S. Pálsson form. Lögmannafélags íslands þökkuðu fyrir hönd
þátttakenda. Var það samróma álit allra, að námskeið þetta hefði tekist
hið besta bæði frá félagslegu og fræðilegu sjónarmiði. Páll Skúlason
LÖG LÖGFRÆÐINGAFÉLAGS ÍSLANDS
(Samþykkt á stofnfundi félagsins 1. apríl 1958. Breytt 24. janúar 1974)
I. KAFLI. Heiti félags, heimili og hlutverk.
1. gr. — Félagið heitir Lögfræðingafélag Islands. Heimili þess og varnarþing
er í Reykjavík.
50