Tímarit lögfræðinga - 01.07.1974, Blaðsíða 57

2. gr. — Hlutverk félagsins er:
1. Að efla samheldni með íslenskum lögfræðingum.
2. Að gæta hagsmuna lögfræðingastéttarinnar í hvívetna og vera í fyrir-
svari fyrir stéttina gagnvart innlendum og erlendum aðilum.
3. Að stuðla að vísindalegum rannsóknum í lögfræði.
4. Að taka þátt í samvinnu akademiskt menntaðra manna á Islandi.
3. gr. — Tilgangi sínum hyggst félagið ná með því:
1. Að skapa tengsl milli sérfélaga lögfræðinga hér á landi.
2. Að efna til almennra funda lögfræðinga um lögfræðileg og félagsleg efni.
3. Að styrkja útgáfu lögfræðirita.
4. Að efla persónuleg kynni lögfræðinga, m. a. með því að stofna til mann-
fagnaða.
II. KAFLI. Félagsmenn.
4. gr. — Allir þeir íslendingar, sem lokið hafa embættisprófi í lögfræði, eiga
rétt á að verða félagsmenn. Nú tilkynnir lögfræðingur stjórn félagsins, að
hann óski að gerast félagsmaður, og nýtur hann þá félagsréttinda, er stjórnin
hefur gengið úr skugga um, að hann fullnægi skilyrðum til inngöngu í félagið.
Heimila má lögfræðistúdentum aðgang að félagsfundum, eftir því sem stjórn
félagsins ákveður hverju sinni. Sama er um akademiskt menntaða menn úr
öðrum vísindagreinum en lögfræði.
5. gr. — Félagið getur kjörið heiðursfélaga samkvæmt tillögu frá stjórn
félagsins. Tillaga um slíkt kjör skal borin fram á aðalfundi, og telst hún sam-
þykkt, ef % hlutar fundarmanna greiða henni atkvæði.
6. gr. — Stjórn félagsins getur vikið manni úr félaginu, ef henni þykja efni
standa til, en borið getur hann mál sitt undir almennan félagsfund.
7. gr. — Árgald félagsmanna skal vera 50 krónur. Breyta má því á aðal-
fundi, án tillits til fundarsóknar.
Reikningsár félagsins er frá 1. október til 30. september.
III. KAFLI. Aðalfundur.
8. gr. — Aðalfundur hefur æðsta vald í málefnum félagsins.
Aðalfund skal halda í októbermánuði ár hvert. Til hans skal boðað með aug-
lýsingu í blöðum eða á annan tryggilegan hátt og með viku fyrirvara hið
skemmsta, og er hann þá lögmætur. Afl atkvæða ræður úrslitum mála, nema
annars sé getið í lögum þessum, sbr. 5. gr.
9. gr. — Þessi mál skulu tekin til meðferðar á aðalfundi:
I. 1. Stjórn félagsins gerir grein fyrir störfum félagsins.
2. Félagsstjórn leggur fram endurskoðaða reikninga félagsins.
II. 1. Kosning stjórnar og varastjórnar.
2. Kosning tveggja endurskoðenda og tveggja til vara.
III. Önnur mál.
10. gr. — Lögum félagsins verður aðeins breytt á aðalfundi félagsins. Til-
lögur til breytinga á lögum félagsins verða ekki teknar til meðferðar, nema
helmingur félagsmanna hið fæsta sæki fundinn. I fundarboði skal þess getið
sérstaklega, að tillaga til lagabreytinga verði tekin til meðferðar á fundinum
51