Tímarit lögfræðinga - 01.11.1987, Side 15
að hann fresti málinu til ákveðins réttarhalds til uppkvaðningar dóms.
Dómar eru nokkuð ítarlegir. I öllum tilvikum þurfa skriflegar forsend-
ur og niðurstöður að fylgja dómnum.
Dómarinn tekur ekki afstöðu til upphæðar málskostnaðar, en kveð-
ur á um hvor aðili skuli greiða málskostnað eða í hvaða hlutföllum að-
ilar greiði hann. Aðilar leggja síðan málskostnaðarkröfur sínar og
reikninga fyrir sérstaka embættismenn sem nefna mætti lagatækna
(Rechtspfleger). Þessir menn úrskurða um upphæð málskostnaðar.
Er þetta afskaplega þunglamalegt kerfi. Deilt er um hvern kröfulið
alveg niður í kostnað við hvert ljósritað blað.
4.6. AÐFARARHÆFI.
I dómsorð er ekki settur ákveðinn aðfararfrestur. Dómar eru hins
vegar lýstir aðfararhæfir ex officio eða skv. kröfu aðila með eða án
tryggingar, allt eftir því um hvers konar sakarefni er að tefla. Þetta
hefur þá þýðingu að kröfuhafi sem fengið hefur dóm fyrir kröfu sinni,
getur með því að setja tryggingu sem fram kemur í dómsorði, komið
fram aðför þrátt fyrir áfrýjun málsins. Tapist málið á áfrýjunarstigi
þá á tryggingin að bæta dómþola það tjón er hann varð fyrir vegna
fjárnáms og e.t.v. nauðungarsölu.
Fjárnám eru gerð af svo nefndum „Gerichtsvollzieher“ sem eru ólög-
lærðir embættismenn. Þeir hafa ekki dómsvald. Ki'öfuhafi sendii' þess-
um embættismönnum beiðni um fjárnám, sem síðan er framkvæmt af
embættismanninum einum, þ.e. án kröfuhafa og vitna. Menn þessir
starfa utan dómstólanna og eru þá með skrifstofu í þeim borgarhluta
er þeim er ætlað að starfa í. Sem laun fá þeir hluta réttargjalda. Ef
gert er fjárnám í lausafé þá er farið á heimili skuldara og festui' miði
við hinn fjárnumda hlut þar sem fram koma upplýsingar um gerðina
og þýðingu hennar. Fjárnám í fasteign er gert án þess að fara á heim-
ili skuldara og síðan gerð krafa í þinglýsingardeild að það sé fært á
viðkomandi eign.
4.7. Áskorunarmál.
Það er ómaksins vert að kynna sér deild fyrir áskorunarmál við
amtsréttinn í Miinchen. Athyglisvert er að á sl. ári voru áritaðar
638.000 áskorunarstefnur og að dráttur á áritun var aðeins talinn í
dögum.
I deildinni starfa alls 80 manns, þar af einn dómari, og er hann eini
lögfræðingurinn á deildinni og jafnframt yfirmaður hennar.
Aðalsj ónarmið í meðferð áskorunarmálanna eru þau, að í þeim mál-
169