Tímarit lögfræðinga - 01.11.1987, Blaðsíða 20

Staða dómarans verður að teljast sterk, enda hafa breytingar á
þýskum einkamálalögum gengið út á að hraða málsmeðferðinni með
því að styrkja stöðu dómara, og það jafnvel á kostnað málsforræðis-
reglunnar.
Dómari tekur mikinn þátt í umræðum um málið og getur áhyggju-
laust lýst skoðunum sínum. 1 159. gr. og 279. gr. ZPO. (Zivil-prozess
ordnung: Vesturþýsku einkamálalögin) eru jafnvel bein ákvæði um
þetta hlutverk dómarans.
1 dómnum tíðkast því frjálslegar umræður um málið í heild og
einstaka þætti þess bæði um lagaatriði og sönnunaratriði. Þessar um-
ræður virtust bæði til þess fallnar að flýta málum og stuðla að mark-
vísari vinnubrögðum.
5.3. ATKVÆÐAGREIÐSLA DÓMENDA.
Þegar mál hefur verið dómtekið ganga dómarar til bakherbergis. Að
loknum umræðum er gengið til atkvæðagreiðslu ef þörf þykir. Meiri-
hluti ræður niðurstöðu máls. Sá dómari er verður undir í atkvæða-
greiðslu verður að skrifa undir dómsorðið. Ekki eru leyfð sératkvæði
í dómum réttarins og þeim dómara sem er ósammála niðurstöðu meiri-
hlutans er óheimilt að láta það í ljós.
Dómarar við landsréttinn voru almennt þeirrar skoðunar að ekki
væri æskilegt að leyfa sératkvæði í dómum réttarins. Slíkt fyrirkomu-
lag myndi tefja störf réttarins, og auk þess töldu þeir sératkvæði hafa
litla þýðingu. Þeir bentu á að aðeins væru leyfð sératkvæði við Stjórn-
skipunardómstólinn (Bundesverfassungsgericht) og að það hefði verið
fyrst árið 1970 sem slíkt var leyft. Sú reynsla sem fengist hefði af sér-
atkvæðum þess dómstóls gæfi ekki tilefni til að taka þau upp við aðra
dómstóla, enda væri hætt við því að litið væri á niðurstöðu meirihluta
dómenda í umdeildum málum sem tilviljunarkennda atkvæðagreiðslu
en ekki endanlega niðurstöðu.
5.4. AFKÖST LANDSRÉTTAR.
Það er ljóst að mikið álág er á landsréttinn og hefur svo verið mörg
undanfarin ár. Deildir sem fara með einkamál á 1. dómstigi fengu um
620 ný mál á s.l. ári.
í einni deild lauk 75 málum á árinu með sátt og 155 með dómi. Þá
lauk nokkrum með hafningu og útivistardómum. Útivistardómar eru
ekki taldir með öðrum dómum þar sem aðeins þarf að skrifa dómsorð-
ið í slíkum málum. Rekstur mála tók að meðaltali 6 mánuði.
1 einni deild fyrir fasteignamál snérust hjólin aðeins hægar. Þar var
174