Tímarit lögfræðinga - 01.11.1987, Qupperneq 23
semdir varði álit almennings á dómstólunum, en skerði ekki sjálfstæði
dómara.
6.5. LAUN DÓMARA OG AUKASTÖRF.
Laun dómara, þ.e. dómara við amtsréttinn og meðdómenda við lands-
réttinn eru DM 3.368 — 5.521 (u.þ.b. kr. 75.700,- til 124.200,-). Dóms-
forsetar og dómarar við yfirlandsrétt fá DM 3.940 — 6.094 (eða kr.
88.600,- til 137.100,-). Til viðbótar þessum launum fá dómarar lítils-
háttar upphæðir í formi fjölskyldubóta sem leggjast við launin. Orlofs-
greiðslur nema að jafnaði DM 300 á ári. Þá fá dómarar DM 1 á dag til
niðurgreiðslu á fæði. Um aðrar greiðslur er ekki að ræða innan dóm-
stólakerfisins.
Eftirlaunaaldri ná flestir dómarar sextugir að aldri. Um helmingur
dómara fer þá á eftirlaun en hinn helmingurinn heldur áfram til 65
ára, en þá verða dómarar að láta af störfum.
1 lögum um réttindi og skyldur dómara eru skýr ákvæði um þau störf
sem dómari má taka að sér utan dómstarfa. Öll þessi ákvæði miða að
því að dómari glati ekki trausti almennings og að á hann sé litið sem
algerlega óháðan í starfi sínu.
Dómari þarf að sækja skriflega um leyfi fyrir öllum aukastörfum.
Beiðnina sendir forstöðumaður til forseta yfirlandsréttar sem svarar
henni í umboði dómsmálaráðuneytisins.
Algengastar eru umsóknir dómara um setu í gerðardómi. Dómari
verður þá að lýsa málinu og því, hvenær hann eigi að vinna við gerðar-
dóminn. Leyfi fyrir slíkum störfum eru oftast veitt athugasemdalaust.
Dómari má ekki taka að sér að gefa lögfræðilegar álitsgerðir utan
embættisins eða álit á endanlegri niðurstöðu máls.
Þá verður dómari sem ætlar að gefa kost á sér til þings að sækja
um leyfi frá störfum tveimur mánuðum fyrir kosningadag. Yfirmenn
dómsmálaráðuneytisins töldu að mögulegt væri innan vissra marka að
veita dómara heimild til setu í stjórn fyrirtækis. Seta dómara í stjórn
almennra fyrirtækja í atvinnurekstri eða bönkum er útilokuð.
6.6. EFTIRLIT OG VIÐURLÖG.
Forstöðumaður hvers dómstóls verður á fjögurra ára fresti að skila
dómsmálaráðuneytinu skýrslu um hvern dómara yngri en 45 ára.
Skýrsla þessi getur verið 4-6 vélritaðar blaðsíður. Þar eru upplýsingar
um hvernig dómari hefur staðið sig í starfi sínu, hvernig honum hefur
lynt við aðila og lögmenn, og yfirleitt eru dregnir fram kostir og gallar
hvers dómara fyrir sig. Dómarar geta fengið að sjá skýrslur þessar og
177