Tímarit lögfræðinga - 01.06.1996, Blaðsíða 68

Mánudaginn 9. október hófst hin formlega heimsókn á kynningu þeirra, sem
höfðu annast undirbúning í London, á dagskrá næstu þriggja daga. Síðan var
dómarahópnum skipt í tvo hópa jafnstóra. Annar þeirra heimsótti Bow County
Court í East End, en hinn Horseferry Road Magistrates' Court. í County Court
er farið með minni háttar einkamál, en í Magistrates' Court er farið með minni
háttar sakamál.
Sá hópurinn sem í sakamálin fór heimsótti síðan Southwark Crown Court en
Crown Courts er fyrsta dómstig í meiri háttar sakamálum. Hvor hópurinn um
sig heimsótti síðdegis lögmannastofur sem sérhæfa sig í einkamálum eða saka-
málum. Voru það lærdómsríkar heimsóknir. Þar var lögmannsstarfinu lýst og
gerð grein fyrir þeim mun sem er á starfssviðum solicitor og barrister, sem
löngum hefur verið erfitt að skilja. Lögmaður sem er solicitor fæst ekki við
málflutning fyrir dómi heldur aflar hann gagna og undirbýr málið fyrir flutning
og ræður síðan barrister til að flytja málið fyrir dómi, ef barristerinn telur
ráðlegt að höfða mál. Barristerinn hefur þannig ekki beint samband við skjól-
stæðing og solicitorinn greiðir barristernum laun. Lögum hefur þó verið breytt
þannig, að solicitor hefur nú réttindi til þess að flytja mál á lægstu dómstigum.
Að morgni þriðjudags 10. október fór allur hópurinn í heimsókn í Old Bailey,
sem er einn þeirra dómstóla sem fást við alvarlegri sakamál, og margir kannast
við. Þótt hann sé hluti af dómstólakerfinu, hefur hann samt þá sérstöðu að vera
eign Lundúnaborgar. Að forminu til á borgarstjóri Lundúna rétt til setu í dómi
í þeim málum sem honum sýnist þörf á að hann dæmi. I hverjum dómsal eru
sæti fyrir 5 dómara, þótt aðalreglan sé sú að einn dómari skipi dóm. Dómarinn
situr þó aldrei fyrir miðju því að von gæti verið á því að borgarstjóri snaraði sér
inn og tæki sæti í dóminum. Það gerist þó aldrei í raun.
Þessu næst var farið í High Court (Royal Court of Justice, Strand WC2), sem
fer með meiriháttar einkamál á fyrsta dómstigi. Dómstólnum er skipt í þrjár
deildir, Chancery, Family og Queen's Bench. Fyrst talda deildin fer með landa-
deilur, deilur um sjóði og erfðaskrár, höfundarétt og vörumerki, gjaldþrot o.fl.
Næsta deild fer með skuldamál, brot á samningum, meiðyrðamál, mál vegna
ólögmætrar handtöku, örorkutjónsmál og mál vegna mistaka í heilsugæslu.
Þriðja deildin fer með hjónaskilnaðarmál og allar deilur er varða böm. Sú deild
fer einnig með mál sem rísa vegna stjórnsýsluathafna. Þá er hægt að áfrýja til
þessarar deildar dómum Magistrates’ Courts.
í þessu húsi eru einnig áfrýjunardómstóllinn, sem starfar í tveimur deildum,
sakamáladeild og einkamáladeild.
Að kvöldi þessa dags þáði hópurinn ágætt boð sendiherra íslands á Bretlandi,
Benedikts Asgeirssonar.
Þriðja og síðasta dag heimsóknarinnar var þinghúsið heimsótt undir leiðsögn
vísigreifa Craigavon, en afi hans var um skeið forsætisráðherra Norður-írlands
og átti Geysi í Haukadal í nokkur ár. Þetta var hin skemmtilegasta skoðunar-
ferð, húsin tvö, House of Commons og House of Lords skoðuð bæði. Skoðunar-
ferðin endaði uppi í turni Big Ben.
144