Tímarit lögfræðinga - 01.06.1996, Blaðsíða 60
4. NORDPLUS OG ERASMUS STYRKJAKERFI - STÚDENTASKIPTI
Stúdentar í lagadeild hafa s.l. 3 ár átt kost á því að ljúka hluta náms síns í
kjörgreinum erlendis. Hefur þetta mælst mjög vel fyrir og stúdentar nýtt sér
þetta í auknum mæli. Á haustmisseri var 11 erlendum laganemum boðið upp á
kennslu við lagadeild, þar sem kenndar voru fjórar valgreinar á ensku, þ.e.
réttarsaga, evrópuréttur, hafréttur og refsiréttur. Þótti námskeiðið takast vel að
mati hinna erlendu nemenda. Næsta haust er fyrirhugað að halda þessum nám-
skeiðum áfram og hefur fjöldi erlendra nema þegar sýnt áhuga á að stunda nám
hér.
5. STÖÐUBREYTINGAR
Þær breytingar hafa orðið á stöðum innan lagadeildar að Arnljótur Björnsson
prófessor lét af störfum og tók við embætti hæstaréttardómara í haust. Stofnað
var til starfs kennslustjóra við lagadeild í september, og var ráðinn í það starf
Jónas Þór Guðmundsson lögfræðingur.
6. STJÓRN ORATORS, FÉLAGS LAGANEMA, STARFSÁRIÐ 1994-
1995
Á aðalfundi Orators, sem haldinn var í október 1994 var Kristín Edwald
kjörinn formaður, Kolbeinn Árnason varaformaður, Einar Símonarson gjald-
keri, Kristrún Heimisdóttir ritstjóri Úlfljóts, Dóra Sif Tynes alþjóðaritari,
Áslaug Auður Guðmundsdóttir skemmtanastjóri, Einar Hannesson funda- og
menningarmálastjóri.
7. ANNAÐ
Forseti lagadeildar er Þorgeir Örlygsson prófessor og varadeildarforseti er
Stefán Már Stefánsson prófessor.
Frá árinu 1990 hefur Alþjóðamálastofnun Háskólans starfað að ýmsum
rannsóknarverkefnum. Fulltrúar eftirfarandi háskóladeilda eiga aðild að stjórn
stofnunarinnar: lagadeild, félagsvísindadeild, heimspekideild og viðskipta- og
hagfræðideild. Forstöðumaður stofnunarinnar er Gunnar G. Schram, prófessor
í lagadeild. Alþjóðamálastofnun vinnur nú að samningu ritverksins um sögu
landhelgismálsins.
Nýtt tölvuver var tekið í notkun í Lögbergi á árinu. Þar er að finna 12 tölvur,
sem stúdentar geta notað til ritvinnslu og til þess að tengjast tölvuneti
Háskólans og Internetinu svonefnda. Tölvuverið er staðsett gegnt bókasafninu
á 3. hæðinni.
Á árinu var einnig tekinn í notkun dómsalur í Lögbergi. Salurinn, sem
innréttaður er í stofu 203, er ætlaður til þess að hýsa málflutnings- og
réttarhaldsæfingar stúdenta, auk hefðbundinna fyrirlestra. Héraðsdómur
Reykjavíkur lánaði lagadeild í þessum tilgangi húsgögn.
Tölvukostur lagadeildar batnaði nokkuð á árinu. Það má fyrst og fremst
þakka fjárstyrk, sem lagadeild hlaut úr Tækjakaupasjóði H.í. en tölvubúnaður
136