Ægir - 01.05.1999, Blaðsíða 14

hafi á sama tíma stóraukist en hafi þó
ekki náð meðaltali í öðrum atvinnu-
greinum, enn sem komið er að
minnsta kosti.
„Engu að síður er eigið fé í fyrsta
skipti að myndast í sjávarútveginum
og það hefur gert fyrirtækjunum kleift
að takast á við fjárfestingar í margs
konar nýjungum. Það hafa sjaldan
orðið jafn örar framfarir í veiðum og
ekki síst í vinnslu og þessar fjárfesting-
ar hafa skilað sér í hagnaði. Að mínu
mati er því nauðsynlegt að horfa á
rekstur sjávarútvegsfyrirtækjanna í
heild og meta stöðu þeirra og styrk en
horfa ekki eingöngu til afmarkaðra
þátta á borð við skuldir. Meðan „núll-
stefnan%o var rekin, og ríkisvaldið bar
ábyrgð á rekstrargrundvellinum, safn-
aðist upp tap sem samkvæmt almenn-
um skattareglum kemur til frádráttar
tekjum. Núna eru menn smám saman
að sjá þennan vanda fortíðarinnar
hverfa og þá fer greinin að greiða
meiri tekjuskatt. Greinin hefur verið
að greiða vaxandi gjöld fyrir afnot af
auðlindinni, t.d. kostnað við eftirlit og
vísindarannsóknir en aðalatriðið er að
við verðum að tryggja að okkar aðal
útflutningsgrein hafi sem sterkasta
samkeppnisstöðu.
Að mínu mati má alls ekki taka
ákvarðanir sem veikja þá samkeppnis-
stöðu sem sjávarútveginum hefur þeg-
ar verið búin."
fyrirþvíað byggð hefur haldist
Iðnaðurinn nýtur góðs
Þorsteinn bendir á að sjávarútvegur-
inn hafi haft mjög jákvæð áhrif á upp-
byggingu iðnfyrirtækja sem framleiði
nú háþróaðar vörur fyrir sjávarútveg-
inn og selji um allan heim.
„Mér finnst sérstaklega ánægjulegt
að horfa til þess hvernig sjávarútveg-
urinn og iðnaðurinn hafa á þennan
hátt þróast saman. Við höfum dæmi
um íslensk, framsækin iðnfyrirtæki,
t.d. Marel og Hampiðjuna, sem hafa
nýtt sér breytingarnar í sjávarútvegi til
að sóknar." Hann segir að á allra síð-
ustu árum hafi verið lögð vaxandi
áhersla á vísindastarfsemi í sjávárút-
vegi og nefnir í því sambandi rann-
sóknir á þorskklaki, fjölstofnarann-
sóknir og smíði nýs hafrannsókna-
skips.
„Ég er alveg sannfærður um að á
þeirri braut verður haldið áfram enda
er enginn ávinningur af því að draga
saman seglin á rannsókna- og vísinda-
sviðinu í sjávarútvegi."
Heilu byggðarlögin
hefðu getað þurrkast út
Byggðamálin voru nokkuð til umræðu
fyrir þingkosningarnar 8. maí sl. og
sjávarútvegurinn kom þar eðlilega
talsvert við sögu. Þorsteinn segir stað-
reynd að fyrir nokkrum árum hafi ver-
ið vandræði í rekstri sjávarútvegsfyrir-
tækja í nærfellt hverju einasta plássi í
landinu.
„Vandamálin eru vissulega ekki úr
sögunni en þau eru snöggtum um-
fangsminni nú en fyrir áratug. Ég tel
að sjávarútvegsstefnan hafi verið for-
senda fyrir því að byggð hefur haldist
svo víða sem raun ber vitni, þrátt fyrir
allt.
Staðreyndin er nefnilega sú að ef
ekki hefði komið til breyting á sjávar-
útveginum þá hefði byggð í landinu
raskast stórlega, svo mjög að byggð á
heilu landsvæðunum hefði lagst af.
Um þetta mættu þeir gjarnan hugsa
sem andmæltu á sínum tíma breyting-
um í sjávarútveginum í frjálsræðisátt."
14 mm