Ægir - 01.12.1999, Side 52

UA opnar þróunarsetur
Guðbrandur Sigurðsson, framkvœmdastjóri ÚA, útskýrir hvemig leiðin er frá fiski til
afurðar í sjávarúvegi. Lengst til vinstri er Friðrik Jóhannsson, stjórnarfonnaður ÚA, þá
Árni Steinar Jóhannsson, alþingismaður, Árni Matthiesen, sjávarútvegsráðherra, og
Guðbrandur Sigurðsson.
M'arkmiðið með stofhun þróunar-
seturs ÚA er að sœkja meiri
tekjur fyrir fyrirtœkið í vöruþróun og
fjölbreytileika afurða," segir Arnheið-
ur Eyþórsdóttir, matvœiafrœðingur
og annar tveggja starfsmanna á ný-
stofnuðu þróunarsetri ÚA.
„Við gerum okkur grein fyrir að
hráefnið er ekki óþrjótandi og þess
vegna er óraunhæft að reikna með að
auknar tekjur komi til vegna meiri
framleiðslu. Þess vegna er farin sú leið
að styrkja rannsóknarstarfið og vöru-
þróunina, vinna hráefnið meira yfir í
neytendavöru og sækja auknar tekjur
með þeim hætti. Þetta þýðir ekki að
við ætlum að fara að þróa vörur úr
hvaða fisktegundum sem er heldur
munum við að sjálfsögðu byggja starf
okkar fyrst og fremst á þeim fiskteg-
undum sem ÚA veiðir mest, og þá sér-
staklega þorski og karfa," segir Arn-
heiður.
Hún segir að á neytendamörkuðum
þróist matvæli skýrt og greinilega í þá
átt að neytendur vilji vöruna sem
mest tilbúna fyrir matreiðslu. Þessi
þróun sé bæði til staðar í framleiðslu á
fiskafurðum, sem öðrum matvælum.
„Það er ljóst að tilkoma þróunarset-
ursins, og sú áhersla sem ÚA ieggur í
vaxandi mæli á vöruþróunarþáttinn,
verður til þess að vöruúrval fyrirtækis-
ins getur orðið fjölbreyttara og þróast
nokkuð frá því sem það er í dag," segir
Arnheiður.
í raun og sanni má segja að mat-
vælafræðingarnir á þróunarsetrinu
finni upp nýja og nýja fiskrétti, stund-
um eftir hugmyndum frá starfsfólki,
stundum út frá eigin hugmyndum og
stundum eftir ábendingum frá mark-
aðnum.
„Síðan eru hugmyndirnar útfærðar
og prófaðar og ef vel tekst til verður úr
ný markaðsvara. Við störfum þess
vegna í nánu sambandi við þá sem
vinna í sölumálunum og reynum að
lesa út hvað markaðurinn vill hverju
sinni," segir Arnheiður Eyþórsdóttir,
matvælafræðingur á þróunarsetri ÚA.
Tilkoma þróunarseturs ÚA þykir til marks um sókn fyrirtœkisins í vinnslu afurða. Hér
eru sjávarútvegsráðherra og forsvarsmenn ÚA ásamt starfsmönnum þróunarsetursins.
Frá vinstri: Árni Matthiesen, sjávarútvegsráðherra, Arnheiður Eyþórsdóttir, matvæla-
frœðingur, Agnés Joly, lífefnafrceðingur, Guðbrandur Sigurðsson, framkvœmdastjóri ÚA
og Friðrik Jóhannsson, stjórnarformaður ÚA.
52 mm