Árbók Háskóla Íslands - 01.01.1949, Qupperneq 57

55
II. 1 refsirétti: Skýrið ákvæði almennra hegningarlaga um
eftirfarandi hlutdeild í brotum.
m. 1 réttarfari: Lýsið réttarreglum um skiptingu sakarefnis.
IV. Raunhæft verkefni:
Á stríðsárunum reisti h.f. Bjarg nokkur íbúðarhús í X-kaupstað,
meðal annars húsin nr. 18 og 20 við Eyrarveg. Þessi hús voru sam-
byggð, 2 hæðir og kjallari hvort og ein íbúð á hvorri hæð, þannig
að samtals voru 4 íbúðir í báðum húsunum, auk kjallara, er að
nokkru var skipt með íbúðunum, en að nokkru til sameiginlegra
nota fyrir hverjar 2 íbúðir.
í janúarmánuði 1946 seldi h.f. Bjarg allar íbúðirnar, en hver
þeirra var 3 herbergi og eldhús. Kaupendur voru 4, og keyptu þeir
sína íbúðina hver.
Kaupandi að íbúðinni á neðri hæð hússins nr. 18 var Jón Jónsson
bókbindari, og bjó hann þar ásamt konu sinni og dóttur. Efri hæð
þess húss keypti Árni Árnason sjómaður og bjó þar með fjölskyldu
sinni. Eitt herbergi leigði hann þó Þórði Sigurðsyni, bróðursyni
sínum, er var hljóðfæraleikari — lék á valdhorn. Neðri hæð húss-
ins nr. 20 keypti Helgi Sigurðsson bókbindari, bróðir Þórðar, og
bjó þar ásamt konu sinni og gamlli tengdamóður, en efri hæðina
keypti Halldór Halldórsson prentari og bjó þar ásamt fjölskyldu
sinni.
Um hausti 1946 fannst þeim Jóni, Helga og Halldóri, að ónæði
og hávaði af veru Þórðar í húsinu væri óviðunandi. Síðara hluta
dags var hann mjög oft að æfingum á valdhom sitt, en auk þess
var oft gleðskapur hjá honum á kvöldin, með söng og hljóðfæra-
slætti, sjaldan þó lengur en til kl. 1 að nóttu. Þeir félagar kvörtuðu
um þetta bæði við Áma og Þórð, og tóku þeir því líklega, að um
yrði bætt, en sama lag hélzt þó. Kvörtuðu þeir félagar þá enn og
aftur, en ekkert stoðaði. Gripu þeir þá til þess ráðs að krefjast út-
burðar á Þórði í marzmánuði 1947, og var það mál á döfinni í
fógetarétti, þegar Jón fór utan í apríl ásamt fjölskyldu sinni.
Áður en þau Jón fóru, fluttu þau húsgögn sín í svefnherbergi
sitt og læstu því sérstaklega, svo og íbúðinni. Lyklana fékk Jón
Helga, granna sínum, og bað hann að líta eftir íbúðinni, en þeir
voru kunningjar.
Nokkru eftir að Jón fór, fékk Helgi svohljóðandi símskeyti frá
honum:
„Viltu reka eftir Bjarna málara að mála eldhúsið og vesturstofuna.
Kveðjur."