Árbók Háskóla Íslands - 01.01.1956, Side 138

136
unni til umsagnar stjórnar Lánasjóðs stúdenta. í umsögn Lánasjóðs
stúdenta var mælt gegn samþykkt tillögunnar í óbreyttri mynd og
talið, að hún mundi skerða Lánasjóðinn. Hins vegar kom fram sú
skoðun hjá a. m. k. einum úr stjórn Lánasjóðs stúdenta, þ. e. Gylfa
Þ. Gíslasyni, núverandi menntamálaráðherra, að nauðsyn bæri til að
endurskoða og samræma styrk og lánveitingar til íslenzkra stúdenta
almennt, jafnt þeirra, er stunduðu nám innanlands sem utan. Stúdenta-
ráðið afgreiddi síðan mál þetta með samþykkt eftirfarandi tillögu
frá formanni: „Stúdentaráð Háskóla íslands samþykkir að fela stjóm-
inni að athuga möguleika á því að hefja viðræður við hlutaðeigandi
aðila um samræmingu styrkja og lána menntamálaráðs annars vegar
og lána Lánasjóðs stúdenta hins vegar í því skyni að afla stúdentum
við Háskóla íslands sambærilegra kjara og íslenzkir stúdentar við
nám erlendis njóta“.
Núverandi menntamálaráðherra, Gylfi Þ. Gíslason, hefur hinn
mesta áhuga á lagfæringu þessara mála, eins og fram kemur í um-
sögn hans hér að framan. Skipaði ráðherrann nýlega nefnd til þess að
endurskoða þessi mál og gera nýjar tillögur um fyrirkomulag þeirra.
Er þess að vænta, að árangur þeirrar endurskoðunar verði til hags-
bóta fyrir stúdenta við Háskóla íslands. Má að lokum geta þess, að
stúdentar á öllum hinum Norðurlöndunum njóta mikilla beinna náms-
styrkja auk lána.
Lög um Stúdentaráð Háskóla íslands.
1. gr. — Við Háskóla íslands skal vera Stúdentaráð.
2. gr. — Stúdentaráð skal gæta hagsmuna stúdenta í hvívetna
og vera fulltrúi þeirra innan háskólans og utan. Þó getur það skipað
stúdenta utan ráðsins til þess að annast stjórn og framkvæmdir ýmissa
mála og fyrirtækja, er undir það heyra. Slíkar framkvæmdanefndir
skulu ávallt kosnar hlutbundnum kosningum. Sama gildir um stjóm
ráðsins og allar innanráðsnefndir. Stjórn og aðrar nefndir ráðsins
skipta sjálfar með sér verkum.
3. gr. — í Stúdentaráði eiga sæti 9 fulltrúar, kosnir hlutbundnum,
leynilegum kosningum allra háskólastúdenta, með þeim undantekning-
um, er í 7. gr. getur.
4. gr. — Framboðslistum skal skilað í hendur fráfarandi Stúdenta-
ráðs eigi síðar en kl. 12 á miðnætti hins 20. dags frá skólasetningar-
degi, að honum meðtöldum, enda auglýsi ráðið framboðsfrestinn með
14 daga fyrirvara.
5. gr. — Á hverjum lista skulu vera nöfn 18 fulltrúaefna (9 aðal-