Sunna - 01.10.1932, Qupperneq 20

16
S U N N A
myndir, skornir hlutir úr tré og beini, og teikningar. Sem
myndhöggvari leggur hann einkum stund á mannamyndir, og
svo snjall er hann á þær, að þvílíkt er sem kaldur steinninn
fái líf og sál í höndum hans.
Hátíðarárið 1930 kom út vönduð bók með 200 myndum af
listaverkum Ríkarðs. Eiga menn því kost á að kynnast list hans,
þótt eigi geti þeir veitt sér aðgang að sjálfum listaverkunum.
Hér birtir Sunna myndir af þremur listaverkum Ríkarðs, og
er sín mynd úr hverri þeirra þriggja listgreina, sem hann
stundar. Höggmyndin er af P. Nielsen fuglafræðingi og verzl-
unarstjóra, dönskum manni, sem lengst æfi sinnar átti heima
á Eyrarbakka og vann mikið starf í íslenzkri fuglafræði. Hann
gaf barnaskólanum á Eyrarbakka náttúrugripasafn sitt, þegar
hann var 80 ára, mjög merkilegt safn, og lét skólinn gera
mynd þessa í þakklætisskyni.
Skurðmyndin sýnir fiskimann, sem dregur lúðu úti á miðum.
I myndinni kemur fram þatigstíll, sem Ríkarður hefir fundið upp
og notað á ýmsum verkum sínum, og hefir vakið töluverða at-
hygli. — Teikningin af tröllamömmu skýrir sig sjálf. A. S.