Sunna - 01.10.1932, Blaðsíða 35
S U N N A
31
við ætlum að senda frá okkur, út í heim. En á því fer okkur
fram, að vanda okkur.
Nú vill Sunna hjálpa til að koma á bréfasamböndum milli
íslenzkra skólabarna. Ef þig langar til að skrifast á við jafn-
aldra þinn einhverstaðar á landinu, þá skalt þú senda Sunnu
nafnið þitt, aldur og greinilega utanáskrift. Þetta verður svo
birt í ritinu. Svo skulum við sjá, hvort þú færð ekki línu úr
einhverri átt, áður langt líður!
Það væri sannarlega engu síður gaman, að skiptast á bréf-
um við jafnaldra sína úti í fjarlægum löndum. En þar er málið
til fyrirstöðu. Þó er ein þjóð svo skyld okkur og nákomin, að
hún skilur mál okkar og við hennar. Það eru Færeyingar.
Heldurðu það væri ekki gaman, að fá bréf frá færeyskum
frænda og jafnaldra, á færeysku máli, sem þú skilur, með
lýsingu á grindadrápi, bjargsigi og fleiru merkilegu? Þá má
geta nærri, hvort færeyskum skólabörnum þætti ekki gaman
af fá bréf frá litlum Islendingum, frásagnir um hveri, eldfjöll
o. s. frv. Og svo mætti skiptast á bréfspjöldum og þjóðlegum
smáhlutum til gamans og fróðleiks.
Ef þú villt komast í bréfasamband við Færeying, þá á Sunna
mjög hægt með að útvega þér það. Þá skalt þú skrifa bréf,
láta það í umslag og skrifa utan á: Til drengs (eða til stúlku)
í Færeyjum, en á bakið nafn þitt og utanáskrift. Bréfið, svona
útbúið, skalt þú svo láta í annað umslag og senda Sunnu.
Því mun svo verða komið á framfæri og þú fá svar.
Velkomið er og, að útvega bréfasamband víðar úti í héimi,
ef einhver treystir sér til bréfaskrifta á erlendu máli.
Blaðaútgáfa skólabarna.
Víða er það siður, að skólabörn gefa út blöð, sem þau
skrifa í sjálf. Oftast eru skólablöð eða bekkjarblöð handskrifuð.
Stundum eru þau líka fjölrituð, en til þess þarf sérstök áhöld
og það kostar dálítið fé. Sunnu hafa borizt fjölrituð blöð frá
heimavistaskólanum á Flúðum í Árnessýslu, frá Eyrarbakka,
einum bekk í Reykjavík og frá barnafélagi í cðrum skólan-
um þar. Akureyrarblöðin hafa getið um, að skólabörnin þar