Sunna - 01.12.1932, Blaðsíða 16

80
S U N N A
sér bita af nesti sínu, fóru þeir að setja upp tjald, er þeir
höfðu haft með sér ásamt öðrum farangri.
Þeir sváfu vel um nóttina. Drengirnir vöknuðu snemma
á sunnudagsmorguninn, og af því veðrið var mjög gott, kom
þeim saman um, að þeir skyldu fá sér bað í Alftavatni.
Þegar þeir komu niður að vatninu, fóru þeir að þrátta um
það, hver þeirra væri bezt syndur.
Elzti drengurinn í hópnum, sem hét Gunnar, sagði: »Eg
hefi synt yfir þvera sundlaugina í Reykjavík og meira að
segja aftur til baka, án þess að stanza á milli«.
»Það hefi ég nú líka gert«, sagði Steini, »og meira að
segja hefi ég kastað mér ofan af háabretti, en það hefir þú
ekki gert«. »Vertu ekki að þessu monti, Steini minn«, sagði
Gunnar, »því það getur enginn nema fullorðnir menn«. »Þú
getur bara spurt hann Sigga að því, því hann sá þegar ég
gerði það«, svaraði Steini. »Já«, sagði Siggi, »en þú gerir
það ekki nógu vel«. »Það getur verið«, anzaði Steini, »en
ég geri það nú samt, og ábyggilega betur en þú«. »Ekki er
ég nú viss um það, ég er þó að minnsta kosti fljótari að
synda, en nokkur ykkar«, svaraði Siggi. »Það getur verið að
þið séuð fljótari að synda en ég. Þó hugsa ég að ég sé
þolnastur af ykkur á sundi«, sagði Svenni, sem var vngstur
af drengjunum. »Eg skal sýna ykkur, að ég þori að fara eins