Sunna - 01.12.1932, Blaðsíða 22

86
S U N N A
S. Hvað kemur til þess?
Á. Hann var búinn með sleikjuna og var að leika sér með
stautinn og brjóta hann, en þá hrukku brotin svona niður í
kverkarnar.
S. Árni farðu með strákinn til hjúkrunarkonunnar. Hún
nær stautunum með töng.
B. Hefir þú nokkurntíma séð jú, jú, Siggi?
S. ]ú, jú.
B. Þykir þér gaman að því?
S. Jú, jú.
B. Hvers vegna lætur þú eins og fífl?
S. Ég læt ekki eins og fífl.
B. Áttu þá jú, jú?
S. Jú, jú.
B. Hvers vegna svarar þú mér ekki eins og siðaður dreng-
ur? Þú ættir að fá hærra í siðferði! Af hverju viltu ekki
anza mér?
S. Ég er alltaf að segja jú, jú. Er það ekki að anza þér?
B. Það er eftir því, hvernig það er tekið. Annars er það
mesta vitleysa að láta þetta leikfang heita jú, jú.
S. Hvað viltu þá láta það heita?
B. Spunakonu, en þú?
S. Ég hefi ekki hugsað um það. Gæti það ekki heitið
skoppa?
Árni. Það hvorki spinnur eða skoppar.
S. Jú, það skoppar upp og niður.
Á. Ég vil láta leikfang þetta heita snúðu.
Þór. Það er ekki svo vitlaust. En það gæti líka heitið hoppa.
Baldur. Eina rétta nafnið er snúðvinda.
Grímur. Rétt er það, ekki er því að neita. En hvernig
væri að láta þetta heita hlaupastelpuna?
S. Ekki líkar mér það. Ég vil láta hana heita eintóma
vindu, skoppu, flugu, sveiflu, rennu eða goppu. Goppa er nú
líklega bezt, því að þetta goppar einmitt upp og niður.
S. Já, goppa er allgott.
B. Við köllum þá leikfangið goppu.