Sunna - 01.12.1932, Blaðsíða 29

S U N N A
93
10. Kvikmyndir er merkileg uppgötvun. Þessar myndir geta
verið skoplegar, fræðandi, alvarlegar, siðspillandi. Til allrar
hamingju hefi ég ekki séð neina siðspillandi mynd.
Guðm. Jónsson.
Sitt af hverju.
Heilræði.
Það er mikils virði fyrir líkamann, að maðurinn hafi nægi-
lega hreyfingu. Og það hefir líka áhrif á skapið. Það verður
betra og glaðara. Sá sem hefir nægilega hreyfingu, hann er
heilsugóður og glaðlyndur. Hann verður einnig góðsamur,
réttvís og siðlátur. Hann þolir ekki slæmi loft og er ekki í
meiri fötum en hann þarf. Hann er hugrakkur og skyldu-
rækinn. Hann fer snemma að hátta og snemma á fætur.
Hann lifir óbrotnu lífi. Hann eignast hraust afkvæmi og er
góður borgari. Lát þú líkamann ekki hrörna við það að synja
honum um sjálfsagða hreyfingu. Menn og konur, börn og
fullorðið fólk, komið út. Farið á skauta. Rennið á skíðum.
Gangið göngur. Hlaupið þér, syndið, leikið og verið glöð.
Hreyfing er líf, kyrseta er dauði.
Henrik Lund. — 11. J. íslenzkaði.
„Jólin koma“
heitir bók, sem er að koma út núna fyrir jólin. Það er ein
allra prýðilegasta barnabók, sem íslenzk börn eiga völ á, enda
hafa tveir kunnir og snjallir listamenn lagt saman að gera
hana úr garði. í bókinni eru barnakvæði eftir jóhannes skáld
úr Kötlum, um íslenzkar jólavenjur og jólatrú, jólasveina,
jólakött o. s. frv. En kvæðunum fylgja afarskemmtilegar
myndir eftir Tryggva Magnússon málara. Getur þar að líta
Grýlu og Leppalúða, alla jólasveinana og fleira merkilegt.
Þórhallur Bjarnarson prentari gefur bókina út. Sunna vonar,
að mörg börn njóti þeirrar gleði, að fá hana í jólagjöf.