Samtíðin - 01.07.1943, Blaðsíða 8

Samtíðin - 01.07.1943, Blaðsíða 8
SAMTÍÐIN VIÐHORF DAGSINS VI. Frá sjónarmiði ráðherra vorra FÁ ORÐ í íslenzku máli sæta nú á dögum almennari lítilsvirð- ingu meðal góðra manna en orðið pólitík, og varla verður oss svo litið í sæmilegt stjórnmálablað, að ekki komi þar fram, nú í bili, veruleg andúð gegn miðstöð pólitíkur vorr- ar, alþingi. Slíkt mat kemur sann- arlega úr liörðustu átt. Á meðan vér áttum í erjum við Dani, böfðu íslenzk stjórnmál oft á sér virðu- legan blæ, en síðan tekið var að kljúfa þjóðina í núverandi flokka og æsa menn til togstreitu og illinda inn- byrðis, virðast ýmsir stjórnmála- manna vorra smám saman hafa misst sjónar á því, hvað þjóðar- heildinni sé fyrir beztu. Loks var svo komið, að alþingismenn voru þess ómegnugir að skapa hér ríkis- stjórn. Þá tók hinn ágæti ríkisstjóri vor til sinna ráða og valdi að flestra dómi einhverja þá færustu menn, sem völ var á, í stjórn landsins. Hin- ir nýju ráðherrar fluttu um siðustu áramót sína ræðuna hver og lýslu þar viðhorfum sínum. I þessum ræð- um kveður við annan og hressilegri tón en vér höfum að undanförnu átt að venjast frá hinum flokks- bundnu stjórnmálamönnum vorum. Samtíðin telur sér sóma að því að taka hér upp nokkur orð úr ára- mótaræðum ráðherranna af þeii-ri einföldu ástæðu, að þar er sagt satt og að þar er miðað við heill allrar þjóöarinnar, en slíkt samrýmist menningarlegri stefnu þessa óháða tímarits.— Forsætisráðherra, dr. jur. Björn Þórðarson, komst þannig að orði: „Vér verðum að sýna það i verki, að vér metum þjóðarhag meira en stundarhag einstaklings- ins og marka honum því hæfilegan bás. Ef fólkið, sem land þetta byggir, skiptír sér í mannhópa, með ósam- rýmanleg sérsjónarmið, sem hindra það, að samstarf megi takast um mál, sem allir sjá, að alþjóðarheill er undir komin, þá missum vér sam- úð vina vorra, sem svo mikið velt- ur á að halda. Það kastar rýrð á kynstofn vorn, sem vér verðum að trúa á, að eigi enn eftir að inna hlutverk af hendi og geti skipað rúm sitt með sæmd, hvar sem hann sezt á bekk með öðrum þjóðum. Vér verðum að beita vitsmunum vorum og siðferðisþreki á þann veg, að enginn freistist til þess að gera sér dælt við þjóðmenningu vora. Fámennið leggur á oss þyngri skyldur í þessu efni en nokkra aðra þjóð." — Dómsmálaráðherrann, dr. jur. Einar Arnórsson, sagði: „Vér erum sem stendur fjárhagslegur sjúklingur. Vér mundum hafa get- að varið oss við sjúkdómnum að mestu leyti, ef forráðamenn vorir hefðu allir með viti og góðvilja stað- ið saman um það. En venjulega er hægara að verjast sjúkdómi, ef ráð

x

Samtíðin

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Samtíðin
https://timarit.is/publication/647

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.