Samtíðin - 01.07.1943, Blaðsíða 19

Samtíðin - 01.07.1943, Blaðsíða 19
SAMTlÐIN 15 JÓN HALTI: cCcakuKÍ UKUW. Rennur lítill lækur létt undan fjallarótum, hoppar í spori sprækur, spriklar nöktum fótum. Hátt yfir steina stekkur, strýkur vanga á þúfu. Skvettir báru á brekku, byltir um grjóti hrjúfu. Ryður sér götu í giljum greitt og hvergi tefur, kátur í köldum hyljum kastar mæði og sefur. Finnur á freðnum grundum frjálst er til leiks að ganga. Þangað stekkur hann stundum, stoltur með rjóða vanga. Breiðir út faðm og fyllir frjómagni allar lautir. Á balana tánum tyllir, treður sér nýjar brautir. Hvar sem hann fer og flæðir, fegurð og kraft hann gefur. Sölnaðar grundir græðir og grænum feldi vefur. Syngur um sólarblíðu, sæll í lífsins önnum. Og blessuð blómin fríðu brosa við guði og mönnum. Stóð ég um stund og þagði, starði í vökudraumi, höfði svo laut og lagði lófa að köldum straumi,. Fann ég þá, hvað þyrsti þurrar varir mínar, féll á kné og kyssti krystallslindir þínar. Bergði á bláum veigum, baðaði enni og kinnar, teygaði í löngum teygum tárin jarðarinnar. Rís ég úr grænu grasi, geng af stöðvum þínum. Lögg á litlu glasi liggur í vasa mínum. Lof sé þér, Ijóssins faðir, láttu mig aldrei gleyma ást þinni um aldaraðir, allsnægtum lífsins heima. ÞAÐ BAR VH> eitt sinn í frakk- nesku stjórnarbyltingunni, að skríllinn i París safnaðist saman á götu einni, sem herflokkur var á leið eftir, og leit út fyrir, að hermenn- irnir myndu ekki komast leiðar sinn- ar fyrir mannþröng. Yfirforinginn var í þann veginn að láta menn sína hefja skothríð á múginn og dreifa honum þannig. Þá mælti ungur liðs- foringi: — Má ég reyna að dreifa fólkinu án blóðsúthellinga? Honum var leyft að reyna það. Liðsforinginn reið nú fram fyrir herflokkinn, tók ofan hattinn og mælti til lýðsins: — Má ég biðja yður, virðulegu borgarar, að forða yður i skyndi, því að við höfum feng- ið skipun um að skjóta á skrílinn. Eftir örstutta stund var allur hóp- urinn horfinn, og herflokkurinn komst leiðar sinnar, án þess að nokkru skoti hefði verið hleypt af. (Úr tímaritinu Cornet, Chicago.) Skólavörðustíg 10, Rvík. Sími 1944, Pósthólf 843.

x

Samtíðin

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Samtíðin
https://timarit.is/publication/647

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.