Samtíðin - 01.04.1955, Page 18

14
SAMTÍÐIN
skylduboði einhvern tíma á þessum
varðhaldsárum hjá ömmu gömlu.
Þau frændhjúin gengu í heilagt
hjónaband 17. marz 1905.
Frábærri umhyggjusemi frú
Roosevelt er þakkað það langmest,
að maður hennar rétti að verulegu
leyti við eftir lömunarveiki þá, sem
hann sýktist af árið 1921. Og enginn
vafi leikur á því, að það var upp-
örvun hennar að þakka, að þessi
mikilhæfi maður hætti ekki öllum
afskiptum af stjórnmálum eftir þetta
veikindaáfall. Aldrei þreyttist luin á
að sannfæra hann um, að hann ætti
mikla og glæsilega framtíð í vændum
á sviði stjórnmálabaráttunnar. En
frú Roosevelt nægði ekki að vera
eiginkona mikils manns. Til þess var
hún of djúpt snortin af öllu því ])jóð-
félagslega óréttlæti, sem ótölulegur
fjöldi fólks átti að búa. Á það gat
hún ekki horft aðgerðarlaus, og því
varpaði hún sér ótrauð út í stjórn-
málabaráttuna og skipaði sér 1 fylk-
ing frjálslyndra manna.
Það eru engar ýkjur, þó að sagt
sé, að frá því að maður hennar varð
forseti Bandarikjanna 1933, hafi
ekki kveðið öllu minna að forseta-
frúnni en forsetanum sjálfum í Hvíta
húsinu í Washington. Frú Roosevelt
varð fyrst til þess af öllum forseta-
frúm vestan liafs að hoða blaðamenn
á sinn fund og skrifa daglega heilan
dálk í dagblað! Þetta blað, „Mv
Day“ — Dagurinn minn — öðlaðist
brátt hvorki meira né minna en
4.500.000 lesendur. Frú Roosevelt
varð einnig fyrsta forsetafrú, sem
flutti fyrirlestra, ýmist á mannfund-
um eða í útvarp. Var þá nokkur
furða, þótt nafn hennar væri á hvers
manns vörum, ekki einungis í
Bandaríkjunum, heldur og miklu
viðar um lönd? Til dæmis um at-
hafnasemi hennar má nefna, að árið
1940 hafði hún ferðazt 280.000 mílur,
skrifað meii-a en 1.000.000 orð, flutt
hundrað erindi ýmist frammi fyrir
áheyrendum eða í útvarp og svarað
allt að 1.000.000 bréfa, sem henni
höfðu borizt.
UM ÞESSA furðulegu konu hefur
það verið sagt, að hún hafi verið
bæði augu og eyru forsetans, manns-
ins síns. Sjálfur var hann, þessi mik-
ilhæfi og geðþekki maður, fjötraður
við hjólastól sinn heima í Washing-
ton. En á meðan ferðaðist frú Roose-
velt um Ríkin þver og endilöng,
kynnti sér ástandið þar í ýmsum
greinum og færði manni sínum frétt-
ir af skoðunum þeim, er hún komst
á snoðir um eða uppi voru í það og
það skiptið. Mörg atriðin í viðreisn-
aráformum forsetans, hinu heims-
lræga New Deal, svo sem lagfæring
á fátækrahvei’fum stórborganna og
æskulýðsaðstoðin, voru beinlínis
sprottin af ferðalögum konu hans.
Þegar Bandaríkin voru komin í strið-
ið, eftir árás Japana á Perluhöfn,
heimsótti frú Roosevelt hermennina
i fremstu víglínu allt frá Evrópu til
Suður-Kyrrahafs, færði þeim fréttii'
að heiman og forsetanum fréttir af
þeim og skoðunum þeirra á ýmsum
málum.
En árið 1945, á útmánuðum, and-
aðist Roosevelt forseti. Þá var sigur
bandamanna í styrjöldinni ekki
langt undan, enda dó forsetinn með