Fréttablaðið - 30.12.2009, Síða 46

MARKAÐURINN 30. DESEMBER 2009 MIÐVIKUDAGUR18
V I Ð Á R A M Ó T
Á
rið 2009 var viðburðaríkt hjá
okkur í Arion banka. Þótt upp-
gjör við Kaupþing banka (gamla
Kaupþing) og einstök skulda-
úrlausnarmál fyrirtækja hafi
verið áberandi í umræðunni hefur fjöl-
margt annað áunnist. Starfsemi bankans
hefur verið löguð að gerbreyttum aðstæð-
um á fjölmörgum sviðum fjármálaþjón-
ustu, hagræðing aukin með breytingum
á útibúanetinu, kynntar ýmsar lausnir á
skuldavanda heimila, hafin markviss úr-
vinnsla á málum of skuldsettra fyrirtækja
og grunnur lagður að nýrri framtíð undir
nýju nafni. Á sama tíma hefur verið unnið
skipulega að því að efla starfsandann
sem beið hnekki við fall gamla bankans
í október 2008.
NÝ SÝN – NÝ STEFNA
Síðustu vikur ársins voru viðburðaríkar í
Arion banka. Þá voru leidd til lykta ýmis
mál sem höfðu verið í deiglunni býsna lengi.
Ég hef þegar nefnt eigandabreytinguna
sem tilkynnt var 1. desember.
Nú er ljóst að Kaupþing banki – og með
óbeinum hætti innlendir og erlendir kröfu-
hafar þess banka – mun eiga 87 prósent af
hlutafé Arion banka. Ég tel að þetta hafi
verið afar farsæl niðurstaða fyrir alla
aðila, ekki síst íslenska skattgreiðendur.
Um svipað leyti tók bankinn upp nýtt nafn,
stefnu, framtíðarsýn, markmið og gildi.
Loks nefni ég ýmsar lausnir á skulda-
vanda heimila sem bankinn kynnti í byrj-
un desember og hafa mælst vel fyrir
meðal viðskiptavina. Á árinu hefur þannig
verið lagður grunnur að ýmsu sem bank-
inn mun uppskera á næstu mánuðum og
misserum.
OF MARGIR BANKAR Í LANDINU
Ýmislegt hefur áunnist á fjármálamarkaði
á árinu en framundan eru fleiri mikilvæg
verkefni. Ég nefni þau helstu:
• Ná fram frekari hagræðingu. Arion banki
lokaði sex útibúum/afgreiðslustöðum á
árinu og stytti afgreiðslutíma sums stað-
ar. Þá tók bankinn yfir rekstur Sparisjóðs
Mýrasýslu og öll innlán SPRON þegar sá
sparisjóður féll og þjónustar útlánin fyrir
slitastjórn SPRON. Það þarf að gera betur
því framboð af bankaþjónustu er einfald-
lega of mikið. Núna eru fjórir aðilar að
bjóða almenna bankaþjónustu um land allt,
Arion banki, Íslandsbanki, Landsbankinn
og sparisjóðirnir. Að mínu viti duga tveir.
• Leysa úr skuldavanda fyrirtækja. Fjöld-
inn allur af stórum og smáum fyrirtækj-
um eru illa löskuð vegna of mikillar skuld-
setningar, breytinga á rekstrarforsend-
um eða hvoru tveggja. Því fyrr sem tekið
er á málum þeirra, þeim mun fyrr verð-
ur atvinnulífið heilbrigt og endurreisn
hagkerfisins öflugri.
Í þessum úrvinnslumálum munu koma
upp siðferðileg álitamál, einkum hvort
vinna skuli með núverandi eigendum og
stjórnendum, hvort gætt sé jafnræðis í af-
skriftum skulda og hvort bankarnir hafi
óeðlileg áhrif á samkeppni með framgöngu
sinni. Einstök mál munu verða umdeild og
mistök munu verða gerð. Óttinn við það má
þó ekki verða til að lama verkviljann.
• Endurreisa innlendan hlutabréfamarkað
sem skaddaðist við bankahrunið í október
2008. Í öllum þróaðri ríkjum eru starfandi
öflugir hlutabréfamarkaðir, enda eru þeir
mikilvæg uppspretta fjármagns fyrir at-
vinnulífið og hagvöxt og vettvangur fyrir
skipulögð viðskipti. Bankarnir munu á
næstunni eignast ýmis fyrirtæki að hluta
eða öllu leyti og kauphallarskráning getur
verið kjörin leið til að selja þessa eignar-
hluti. Þá hlýtur að koma til álita að kaup-
hallarskrá hlutabréf í bönkunum sjálfum
þegar fram líða stundir.
FRESTUN MÁLA HÆTTULEG
Þótt margt hafi áunnist í þjóðlífinu á árinu
2009 er samt eins og okkur hafi miðað
skammt áfram. Það er eins og vonbrigð-
in, vantraustið, tortryggnin, beiskjan og
reiðin séu enn það sterk að við náum ekki
að hrista af okkur bölmóðinn. Því er hætt-
an sú að við hjökkum í sama farinu næstu
mánuði og misseri.
Ef við ætlum að fresta öllu á meðan við
leitum að hinu fullkomna réttlæti, þá mun
okkur ekki miða fram á veginn. Þá mun
sífellt fleira fólk verða afhuga því að búa
áfram hér á landi. Ég vil hins vegar trúa því
að gamla góða íslenska seiglan og dugnað-
urinn komi okkur út úr þeim vanda sem nú
liggur fyrir á allra næstu misserum.
Finnur Sveinbjörnsson, bankastjóri Arion banka:
Enn margt ógert í endurreisn landsins
É
g tel að ársins 2009 verði
fyrst og fremst minnst
sem árs aðgerðarleysis
og doða. Að sumu leyti
er það skiljanlegt; áfall-
ið sem dundi yfir haustið 2008
var stórt og því er eðlilegt að það
taki tíma að ná áttum. Nú er hins
vegar kominn tími til að taka á
sig rögg og horfa til framtíðar
því við stöndum frammi fyrir ein-
stöku tækifæri til að byggja upp á
nýjum grunni og setja okkur nýja
og skýra framtíðarsýn.
FRAMTÍÐARSÝNIN MIKILVÆG
Á þessum tímamótum er lykil-
atriði að hafa kjark til að horfa
til langs tíma, það nægir ekki
að setja niður tólf til átján mán-
aða markmið. Skammtímalausn-
ir geta ef til vill „reddað“ okkur
til skamms tíma litið, en hættan
er sú að þær geri langtímahorf-
ur okkar verri. Við þurfum að
hafa dug og þor til að setja okkur
framtíðarsýn og markmið til tíu
til fimmtán ára, og við þurfum að
hafa úthald til að fylgja þeim eftir.
Þrátt fyrir að afraksturinn taki
tíma að koma í ljós verðum við að
gera okkur grein fyrir því að það
réttlætir ekki frestun umræðu
og ákvarðana. Það eru einmitt
ákvarðanirnar sem við tökum í
dag sem munu þegar upp er stað-
ið koma okkur á þann áfangastað
sem við sækjumst eftir.
ÍSLAND FYRIRMYND ANNARRA
Ég er sannfærð um að Ísland
hefur alla burði til að vera fyrir-
mynd annarra landa hvað varðar
skynsamlega nýtingu náttúruauð-
linda, þróun hreinnar orku, mann-
virðingu, heiðarlega og gagnsæja
viðskiptahætti, fjölbreytileika
og jöfn tækifæri. Til þess að svo
megi verða þurfum við bæði að
hlúa að sérstöðu okkar og huga vel
að því hvernig við ráðstöfum þeim
auðlindum sem náttúra og mann-
auður okkar hefur að geyma og
við þurfum að festa okkur í sessi
sem ábyrgur og eftirsóttur aðili í
alþjóða samstarfi.
INNGANGA Í ESB
Innganga í Evrópusambandið er
að mínu mati ein mikilvægasta
ákvörðunin sem við stöndum
frammi fyrir. Það val má ekki
stjórnast af þröngum sérhags-
munum né skammtímasjónar-
miðum.
Ég tel að sjálfstæði þjóðarinn-
ar verði best tryggt með nánum
tengslum við alþjóðasamfélagið.
Einangrun, einhæft atvinnulíf og
afturhvarf til fortíðar mun ekki
skila langtímaárangri.
Innganga í Evrópusamband-
ið tryggir okkur jafnframt lang-
tímalausn í gjaldmiðlamálum. Það
er löngu úrelt sjónarmið að ör-
myntin krónan færi okkur sveigj-
anleika og sjálfstæði í hagstjórn.
Því miður hefur sú tálsýn átt stór-
an þátt í að koma okkur í þann
vanda sem við glímum nú við.
Þau rök sem gjarnan eru notuð
gegn aðild að Evrópusambandinu
eru hve langan tíma það taki að
fá evruna, það er að aðild muni
ekki „redda málum“ til skemmri
tíma. Hér er gríðarlega mikil-
vægt að huga að langtímahags-
munum þjóðarinnar: Við munum
ekki geta byggt upp samkeppn-
ishæft atvinnulíf með gjaldmiðil
sem er einskis virði í alþjóðlegum
viðskiptum.
MENNTUN OG NÝSKÖPUN
Það er grundvallaratriði að nýta
næstu ár vel til að styrkja innviði
íslenska samfélagsins. Það gerum
við fyrst og fremst í gegnum gott
og skilvirkt menntakerfi. Vissu-
lega skipta heilbrigðis- og vel-
ferðarmál miklu máli en fram-
tíðarfjárfesting samfélagsins
liggur fyrst og fremst í uppbygg-
ingu menntunar. Þannig er öflug
menntun grundvöllur nýsköpun-
ar og fjölbreytts atvinnulífs. Við
þurfum að halda vöku okkar gagn-
vart þróun og endurbótum í mennt-
un og vera tilbúin að gera nauð-
synlegar breytingar sem tryggja
gæði, skilvirkni og skynsamlega
nýtingu fjármuna. Efling mennt-
unar er grunnur að uppbyggingu
samfélags sem getur nýtt auð-
lindir á skynsaman hátt, þannig
að þær skili hagsæld og verðmæt-
um ekki einungis til okkar sem nú
byggjum landið heldur einnig til
komandi kynslóða.
HORFA Á LANGTÍMAMARKMIÐIN
Ég tel að nú um áramót beri okkur
að taka á okkur rögg og vera
óhrædd við að beina sjónum okkar
út yfir ásakanir og skammtíma-
sjónarmið og einbeita okkur að
nýrri framtíðarsýn og langtíma-
markmiðum. Það er skylda okkar
gagnvart komandi kynslóðum,
skylda sem okkur ber að efna.
Kristín Pétursdóttir, forstjóri Auðar Capital:
Hugsum til lengri tíma
Víxlar og stutt skuldabréf með ábyrgð íslenska ríkisins.
Sjóðnum er heimilt að fjárfesta allt að 10% í innlánum.
Litlar sveiflur í ávöxtun og enginn binditími.
Hentar þeim sem vilja fjárfesta í þrjá mánuði eða lengur.
Lágmarkskaup 5.000 kr.
Enginn munur á kaup- og sölugengi.
»
»
»
»
»
innlán
ríkisvíxlar og
ríkisskuldabréf90% 10%
RÍKISVÍXLASJÓÐUR
Traustur kostur fyrir einstaklinga og fyrirtæki.
Verðbréfaþjónusta Arion banka
er söluaðili sjóða Stefnis.
Kynntu þér Ríkisvíxlasjóð hjá
starfsfólki verðbréfaþjónustu
Arion banka í síma 444 7000, í
næsta útibúi eða á arionbanki.is/sjodir