Fréttablaðið - 30.12.2009, Page 66

42 30. desember 2009 MIÐVIKUDAGUR
HANDBOLTI Grikklandsævintýri
Ragnars Snæs Njálssonar lauk
fyrir jól. Hann sá þá ekki fram á
að fá lengur laun hjá félaginu og
hélt heim á leið. Hann stefnir þó á
að staldra stutt við enda með tilboð
víða að úr Evrópu.
„Thermaikou hefur verið í fjár-
hagsvandræðum og ég hef ekki
fengið laun í tvo mánuði. Ég fór
því í mál við félagið og er með þrjá
lögfræðinga ytra að vinna í mál-
inu,“ sagði Ragnar Snær, sem býst
ekkert endilega við að fá alla pen-
ingana til baka enda segir hann
forseta félagsins vera mafíósa.
„Þannig er mál með vexti að
forseti félagsins er einnig lög-
regluforingi í borginni, sem og í
framboði til borgarstjóra. Hann
er æðsta höfuðið í mafíunni þannig
að það er ekki beint hægt að rífa
mikið kjaft við þennan mann.
Sagan segir að hann eigi nóg af
peningum í félagið en sé að nota þá
alla í framboðið sitt,“ sagði Ragn-
ar en hann tók allt sitt hafurtask
heim um jólin. Allt nema rúmið.
„Þeir gáfu mér rúm þegar ég
kom hérna út. Ég var frekar reið-
ur síðustu dagana áður en ég fór
heim enda var búið að taka hitann
af íbúðinni. Ég sagaði því rúmið í
sundur og henti því í arininn. Það
kom því smá hiti af rúminu og ég
náði smá hefnd í leiðinni,“ sagði
Ragnar sem segist vera með tilboð
frá liðum í Noregi, Svíþjóð, Þýska-
landi og Portúgal. - hbg
Ragnar Snær Njálsson hættur að spila í Grikklandi og leitar á ný mið:
Forseti félagsins er yfir mafíunni
ÚTI ER ÆVINTÝRI Ragnar Snær hefur
lokið keppni í Grikklandi. MYND/ÚR EINKASAFNI
HANDBOLTI Í gær var tilkynnt
hvaða sautján leikmenn voru
valdir í landslið Íslands fyrir Evr-
ópumeistaramótið sem fer fram í
Austurríki í næsta mánuði. Guð-
mundur Guðmundsson landsliðs-
þjálfari segir það alltaf erfitt að
standa að þessu vali en að mörgu
sé að huga.
„Þetta er alltaf jafn erfitt. Það
eru alltaf einhverjir sem sitja eftir
með sárt ennið og það eru margir
frábærir leikmenn sem ég þurfti
að skilja eftir. En þeir banka fast á
landsliðsdyrnar,“ segir Guðmund-
ur við Fréttablaðið. Margir leik-
menn sem hafa verið viðloðandi
landsliðshópinn þurfa nú að sitja
eftir. Meðal þeirra má nefna Ragn-
ar Óskarsson, Heiðmar Felixson,
Hannes Jón Jónsson, Rúnar Kára-
son og Sigurberg Sveinsson.
„Ég var lengi að velja hópinn
enda er margt sem maður þarf
að hafa í huga. Ég þarf að skoða
heildarmyndina – bæði vörn og
sókn. Við erum í þeirri stöðu að
skipta út tveimur leikmönnum á
milli varnar og sóknar og þá eru
ýmsar varnarpælingar sem þurfa
að koma heim og saman.“
Þó eru ekki allir í landsliðshópn-
um algerlega lausir við meiðsli.
Logi Geirsson er nýbúinn að stíga
upp úr erfiðum og langvarandi
meiðslum og þá var Þórir Ólafsson
nýlega frá. Þá getur Arnór Atlason
ekki enn spilað heilan leik vegna
sinna meiðsla.
„Logi ber sig vel en er vissulega
ákveðið spurningarmerki. Það
verður bara að koma í ljós með
hann eins og hina. Það er alltaf
þannig að einhverjir leikmenn eru
ýmist að koma úr meiðslum eða að
glíma við meiðsli. Það verður seint
þannig að allir verða heilir,“ segir
Guðmundur.
„En þetta er hópurinn sem ég
valdi nú. Ég vona að ég þurfi ekki
að gera margar breytingar en ef
eitthvað annað kemur í ljós munum
við bregðast við því.“
Guðmundur má vera með sextán
manns á leikskýrslu þegar mótið
hefst hinn 19. janúar næstkom-
andi. Enn er óvíst hvort sautjándi
maðurinn verði skilinn eftir heima
eða komi með út.
„Ég reikna frekar með því að
fara út með sextán leikmenn en
það er enn óvíst. Það er einn-
ig nýtt að liðin mega nú skipta
út tveimur leikmönnum áður en
milliriðlakeppnin hefst. Það gerir
það að verkum að ég er með vara-
plan. Það eru menn sem ég horfi til
sem gætu komið inn ef á þyrfti að
halda,“ segir Guðmundur.
Fyrr í mánuðinum skilaði hann
inn lista með nöfnum 28 leikmanna
og er honum einungis heimilt að
kalla inn leikmenn af þeim lista
ef þess gerist þörf.
„En ég vil ekki taka of stóran
hóp með mér út því þetta er svo
stuttur tími. Ég get þar að auki
ekki haft endalaust marga leik-
menn á æfingum til að baktryggja
mig fyrir öllu mögulegu. Ég hef
trú á því að þessir leikmenn muni
klára mótið en ef eitthvað breytist
munum við bregðast við því.“
eirikur@frettabladid.is
Frábærir leikmenn
sem ég skil eftir
Guðmundur Guðmundsson valdi í gær sautján leik-
menn í landsliðshóp Íslands fyrir EM í Austurríki.
„Frábærir leikmenn fyrir utan hópinn,“ segir hann.
ÞJÁLFARATEYMIÐ Óskar Bjarni Óskarsson og Guðmundur Guðmundsson á hliðarlín-
unni í leik með íslenska landsliðinu fyrr á þessu ári. FRÉTTABLAÐIÐ/VALLI
EM-HÓPURINN
Markverðir
Björgvin Páll Gústavsson Kadetten SH
Hreiðar L. Guðmundsson Emsdetten
Aðrir leikmenn
Alexander Petersson Flensburg
Arnór Atlason FC Kaupmannahöfn
Aron Pálmarsson Kiel
Guðjón Valur Sigurðsson RN Löwen
Ingimundur Ingimundarson Minden
Logi Geirsson Lemgo
Ólafur Guðmundsson FH
Ólafur Stefánsson RN Löwen
Róbert Gunnarsson Gummersbach
Snorri Steinn Guðjónsson RN Löwen
Sturla Ásgeirsson Düsseldorf
Sverre Jakobsson Grosswallstadt
Vignir Svavarsson Lemgo
Þórir Ólafsson Lübbecke
UTAN EM-HÓPS
Þeir leikmenn sem má kalla inn
vegna fjarveru annarra leikmanna.
Markverðir
Birkir Ívar Guðmundsson Haukum
Ólafur Haukur Gíslason Haugaland
Aðrir leikmenn
Bjarni Fritzson FH
Hannes Jón Jónsson Burgdorf
Heiðmar Felixson Lübbecke
Ragnar Óskarsson Dunkerque
Rúnar Kárason Füchse Berlin
Kári K. Kristjánsson Amicitia Zürich
Sigurbergur Sveinsson Haukum
Gunnar Berg Viktorsson Haukum
Einar Ingi Hrafnsson Nordhorn
VITA er í eigu Icelandair Group.
VITA er lífið
VITA | Skútuvogi 13a | Sími 570 4444
Taktu þátt í Lukkulífi
VITA á Kanarí!
GROUP
Skráðu þig í netklúbbinn - VITA.is
ÍS
L
E
N
S
K
A
S
IA
.I
S
V
IT
4
85
80
1
2/
09
Við vildum að farþegum liði eins og
þeir væru heima hjá sér þegar við
settum ný sæti og nýtt afþreyingar-
kerfi í flugflota Icelandair. Hver far-
þegi hefur sinn eigin skjá þar sem er í
boði án endurgjalds fjölbreytt úrval af
kvikmyndum, vinsælum sjónvarpsþáttum,
tónlist og tölvuleikjum. Hver og einn velur
sína eigin dagskrá og getur auk þess sótt
upplýsingar um flugferðina sjálfa og margt fleira.
Beint morgunflug,
glæsilegur flugkostur.
Hjá VITA eru veittir 2.500 Vildar-
punktar fyrir allar keyptar ferðir í
leiguflugi með VITA. Þannig öðlast
þú stöðugt fleiri tækifæri til þess að
njóta lífsins.
Auk þess getur þú lækkað verðið á
ferðinni þinni um allt að 10.000 kr.
með 15.000 Vildarpunktum.
Þú getur notað
Vildarpunktana
hjá okkur
Verð frá 89.900 kr.*
og 15.000 Vildarpunktar
Lukkulíf VITA
2. jan.–15. jan. - 13 nætur
Verðdæmið er m.v. 2 í íbúð m/1 svefnh.
* Verð án Vildarpunkta: 99.900 kr.
Innifalið: Flug, gisting, flugvallarskattar og íslensk fararstjórn.
Lukkulíf VITA gerir þér kleift að velja áfangastað,
brottfaradag og lengd ferðar en upplýsingar um
hótel berast þér síðar.
Eingöngu flug
2. jan.-15. jan.
Flug fram og til baka
49.900 kr.
og 15.000 Vildarpunktar*
*Verð án Vildarpunkta 59.900 kr.
Innifalið: flug og flugvallaskattar
Ótrúlegt verð