Fréttablaðið - 30.01.2010, Blaðsíða 62

34 30. janúar 2010 LAUGARDAGUR
Hvernig myndirðu útskýra leikverk-
ið Góðir Íslendingar? „Ég útskýri
það ekki. Það verður hver og einn
að fá sína upplifun í friði. Kannski
er það eina lýsingin sem ég get gefið:
„Upplifun.“
Hver er hápunktur listræns fer-
ils þíns til þessa? „Hann er líklega
bara núna. Nýbúinn að frumsýna
Góða Íslendinga í Borgarleikhúsinu,
Disaster Songs kom út fyrir nokkr-
um mánuðum og ég er byrjaður að
semja tónlist á tvær aðrar sólóplöt-
ur. XIII spilar á tónleikum reglu-
lega og Vítissódi hittist annað slag-
ið. Maður er að vinna með toppfólki
í öllum þessum verkefnum, og þetta
er bara enn að vaxa.“
Hvað þyrfti að gerast til að þú
tækir þátt í Söngvakeppni sjón-
varpsins? „Ég verð nú bara að viður-
kenna að þessi hugsun er svo fjarri
mér að ég hef ekki hugmynd um
hvað það ætti að vera. Fullt af pen-
ingum. Tapað veðmál. Já, eða bara
heilaskemmd. En þetta er fyrst og
fremst vettvangur þeirra sem hafa
gaman og áhuga á þessari keppni og
þess konar tónlist. Það er í sjálfu sér
gott og blessað. Ég er bara ekki einn
af þeim. Mín skoðun er sú að ekki
sé hægt að keppa í tónlist frekar en
öðrum listum. Leitt að umfjöllun í
sjónvarpi um tónlist sé nánast ein-
göngu í þessu keppnisformi. Þetta
eru ekki íþróttir, frekar en Morfís
er samskiptaform. Og hvað á fólk að
halda þegar sumt af okkar fremsta
og vinsælasta tónlistarfólki tekur
þátt í umfjöllun af þessu tagi?“
Hvar er fallegast í heiminum?
„Nú er ég ekki víðförull, en ég fyll-
ist lotningu við Vatnajökul.“
Hvað er það besta við Ísland?
„Góðir Íslendingar.“
En það versta? „Það hefur sína
kosti og galla að búa á fámennri
eyju.“
Þú færð tímavél upp í hendurnar.
Hvert stillir þú hana? „Ég held að
ég myndi bara gefa Mæðrastyrks-
nefnd eða Fjölskylduhjálpinni hana.
Ég er afskaplega sáttur við lífið og
hef alltaf mestan áhuga á líðandi
stund.“
Hver er uppáhaldsmaturinn
þinn? „Kótilettur í raspi.“
Uppáhaldsskemmtistaðurinn
þinn? „Sódóma Reykjavík. Ekki
spurning. Gaman að spila þar og
gaman að sjá aðra spila þar.“
Hefurðu lent í lífsháska? „Já. Ég
var bara of vitlaus til að fatta það
fyrr en eftir á.“
Uppáhaldsbúðin þín? „Sú búð sem
ég heimsæki oftast og mér til mik-
illar ánægju er Söluturninn Kúlan
á Réttarholtsveginum.“
Hver er síðasta uppáhaldsplatan
þín? „Red Album með Baroness og
World painted Blood með Slayer.“
Hvaða músík fílar þú, en skamm-
ast þín hálfpartinn fyrir að viður-
kenna? „Það er ekkert við minn tón-
listarsmekk til að skammast mín
fyrir.“
Hvað myndi fullkomna líf þitt?
„Margir hlæja þegar fegurðar-
drottningarnar minnast á heimsfrið.
En af hverju er sú hugmynd fárán-
leg? Myndi það ekki hafa jákvæð
áhrif á okkur öll ef eiginhagsmuna-
semi, tortryggni, skeytingarleysi og
yfirgangur myndu ekki lita dagleg
samskipti okkar og heimssýn? Ann-
ars segi ég nú bara eins og maðurinn
(Jón Ásgeir): „Ég þarf bara að eiga
fyrir diet kók og þá er ég sáttur.“
Hvernig er hinn fullkomni dagur?
„Mér finnst þeir dagar þar sem mér
tekst að læra eitthvað nýtt eða skapa
eitthvað vera nánast fullkomnir.“
Besta bókin? „Þessa stundina
er það Fiskað í djúpinu eftir David
Lynch.“
Besta bíómyndin? „Líklega hefur
„Dýragarðsbörnin“ (Wir kinder vom
Bahnhof Zoo) haft mest áhrif á mig
á sínum tíma.“
Hvað klikkaði í góðærinu? „Heil-
brigð skynsemi.“
Hver er leiðin út úr kreppunni?
„Heilbrigð skynsemi.“
Hvað er næst á dagskrá? „Nú er
bara að halda áfram að sýna Góða
Íslendinga í Borgarleikhúsinu. Halda
áfram að gera góða tónlist einn og
með öðrum. Svo hlýtur að styttast í
að ég, Jón Atli og Jón Páll förum að
verða órólegir aftur.“
Heilbrigð skynsemi óskast
Hallur Ingólfsson er einn þremenninganna sem stendur á bak við leikverkið Góðir Íslendingar sem
nú er sýnt í Borgarleikhúsinu. Hann hefur komið víða við í leikhúsinu og tónlistinni á undanförnum
árum og staðið í mjög fjölbreyttum verkefnum. Hallur er í Þriðju gráðunni að þessu sinni.
HEFUR MESTAN ÁHUGA Á LÍÐANDI STUND Hallur Ingólfsson er sáttur ef hann á fyrir diet kók. FRÉTTABLAÐIÐ/ANTON
ÞRIÐJA GRÁÐAN
FULLT NAFN OG HVAÐ ERTU
KALLAÐUR? Hallur Ingólfs-
son. Yfirleitt kallaður Hallur.
Einstaka maður kallar mig
Ingólfsson.
FÆÐINGARÁR OG HVAÐ GERÐ-
IST ÞÁ HELST Í VERALDARSÖG-
UNNI? 1969 og þá var allt að
gerast! Fyrstu skref mannsins
á tunglinu hljóta þó að standa
upp úr í hinu stóra samhengi.
LÍF ÞITT Í HNOTSKURN: Ævisag-
an í sex orðum: Ég veit aldrei
hvað gerist næst.
■ Á uppleið
Þjóðarstoltið Fallegu strákarnir
okkar sýna vonandi stjörnuleik í dag
og halda áfram að plástra sært egó
þjóðarinnar.
Verðið Útsölum
er að ljúka og þá
getum við aftur
farið að skoða
skó sem kosta
50 þúsund
krónur parið.
Tangó Tangó er suð-
rænn, seiðandi og sexí, og þar af leið-
andi hollur fyrir freðna
Íslendinga. Það
verður dansaður
tangó í veit-
ingahúsinu
Eldhrímni í
Borgartúni 14
í kvöld.
Kinnalitur Það frískar upp á útlit
hverjar konu að setja smá bleikt í
kinnarnar. Stelpulegt og sætt.
■ Á niðurleið
Magninnkaup Nú getum við hætt
að burðast með risapakkningarnar,
því samkvæmt nýjustu fréttum er
kílóverð oft lægra í minni pökkunum.
Himingrámi
Það gladdi mörg
augun í gær þegar
sást til sólar og
himinninn skipti
litum.
Detox Það er ekki
töff að detoxa leng-
ur. Allir eru komnir
með leið á spelt og
safatali. Svo er retox-
partí á Kaffibarnum
í kvöld.
Ísbirnir Við héldum að þeir hefðu
einhvern séns eftir meðferðina síðast.
En nei, ísbirnir skulu alltaf plaffaðir
niður á Íslandi.
MÆLISTIKAN
P r ó f k j ö r s j á l f s t æ ð i s f é l a g a n n a í H a f n a r f i r ð i
R e y n s l a , f r u m k v æ ð i o g á b y r g ð
Kósum öflugan mann
í forystuhópinn
profkjor.is/thoroddur
SÆT I
Þóroddur S. Skaptason