Fréttablaðið - 12.02.2010, Blaðsíða 22

12. febrúar 2010 FÖSTUDAGUR4
„Í Rússlandi er mikil tónlistarhefð og þar er til dæmis skylda að læra á
píanó,“ segir harmonikkuleikarinn Vadim Fyodorov sem flutti hingað til
lands fyrir um áratug og hefur verið mikill fengur fyrir íslenskt tónlistarlíf.
„Ég byrjaði að læra á harmonikku í Pétursborg sex ára en ég er fæddur árið
1969 í Pétursborg. Ég stundaði síðan framhaldsnám í Rússlandi og Þýska-
landi.“
Vadim segir Íslendinga hrifna af harmonikunni. „Ég hef síðustu ár bæði
verið að leika alþýðutónlist auk frönsku musett- og djasstónlistarinnar og
eins argentískan tangó eftir Astor Piazzolla en landinn er líka mjög hrifinn af
þeim dansi.“
Á safnanótt mun Tríó Vadims Fyodorov leika franska musett- og djasstón-
list í hefðbundinni franskri hljómsveit en þá spila meðlimir á harmónikku,
kontrabassa og gítar. Auk Vadims skipa hljómsveitina Gunnar Hilmarsson
á gítar og Leifur Gunnarsson á kontrabassa. Tríó Vadims heldur tvenna tón-
leika í kvöld í Listasafni ASÍ við Freyjugötu 21, klukkan 20.30 og 22. - uhj
Franskir tónar fluttir á Listasafni ASÍ
Á SAFNANÓTT MUN TRÍÓ VADIMS FYODOROV LEIKA FRANSKA MUSETT- OG
DJASSTÓNLIST Í HEFÐBUNDINNI FRANSKRI HLJÓMSVEIT
Vadim mun flytja musett- og djasstónlist í Listasafni ASÍ. FRÉTTABLAÐIÐ/ANTON
Safnanæturstrætó geng-
ur á milli safna í kvöld og
auðveldar gestum safna-
nætur að heimsækja
þau fjölmörgu söfn sem
standa opin. Ferðirnar
eru ókeypis og er boðið
upp á fjórar mismunandi
leiðir. Tveir strætisvagnar
fara ólíka hringi í Reykja-
vík, einn fer að Gljúfra-
steini og einn í Kópavog,
Garðabæ og Hafnar-
fjörð.
www.safnanott.is
Laugavegi 178 - Sími: 551 2070
Sími 551 3366.
Opið mán.-fös. 10-18,
laugard. 10-14.
Góð þjónusta - fagleg ráðgjöf.
www.misty.is
teg. Cesaria - glæsilegur push up BH
í BCD skálum á kr. 6.885,-
teg Cesaria - ekki minni glæsilegur
fyrir stærri barminn í D,DD,E,F,FF,G
skálum á kr. 6.885,-
VAR AÐ SMELLA INN TIL OKKAR
„Þegar ég byrjaði að æfa frjáls-
ar íþróttir með Breiðabliki höfð-
um við ekki merkilega aðstöðu
til að æfa. Við nýttum göturnar
en þeir sem voru áhugasamastir
tóku strætó út á Melavöll,“ segir
Þórður St. Guðmundsson heiðurs-
bliki sem byrjaði að æfa með félag-
inu árið 1962. Innanhússaðstaðan
í Kópavogi var döpur framan af
að sögn hans. „Við nýttum lítið
íþróttahús við Kópavogsskóla til
þrekæfinga yfir veturinn og svo
fengum við að æfa í íþróttahúsinu
á Seltjarnarnesi,“ segir hann. Þrátt
fyrir lélega aðstöðu var þó mikill
samhugur meðal félagsmanna.
„Breiðablik var snemma mikill
samnefnari í bænum og finnst mér
það vera enn,“ segir Þórður sem
sigraði tvisvar í 1500 metra hlaupi
á landsmóti UMFÍ, fyrst 1965 og
síðar 1968.
Þórður segir miklar breytingar
hafa orðið á æfingaaðstöðu í Kópa-
vogi með tilkomu Kópavogshallar-
innar um miðjan áttunda áratug-
inn. „Síðan bættist við íþróttahúsið
í Digranesi og svo var auðvitað
stórkostleg framför að fá fjölnota-
íþróttahúsin í Fífunni og Kórnum
sem gera það að verkum að hægt
er að æfa allan ársins hring,“ segir
hann.
Þórður hefur verið viðloðandi
félagið alla tíð, setið í stjórnum
og ráðum. „Það hefur aldrei rofn-
að strengurinn,“ segir hann glað-
lega enda mun hann ekki láta sig
vanta á afmælisfagnað félagsins
um helgina.
Hátíðin verður sett í Smára-
lind í dag klukkan 18 en þá verður
opnuð sögusýning þar sem kynnt-
ir verða helstu afreksmenn félags-
ins og sýndir verðlaunagripir og
myndir. Ungum iðkendum Breiða-
bliks verður gert hátt undir höfði.
Í kvöld verða haldnir unglinga-
dansleikir í Smáranum þar sem
unga fólkinu er boðið á diskótek
og skemmtun.
Á morgun verður hátíð fyrir alla
fjölskylduna í Smáralind. Formleg
dagskrá hefst klukkan 12.30 en þá
mætir íþróttaálfurinn og skemmtir
unga fólkinu. Ingó Veðurguð stígur
á svið og síðan munu allar deildir
sem starfa innan Breiðabliks, allt
frá frjálsíþróttadeild til karate-
deildar, kynna starf sitt. Ýmsar
skemmtilegar uppákomur verða í
boði, til að mynda verður reynt við
nýtt Íslandsmet í kraftlyftingum.
Annað kvöld verður síðan haldin
mikil afmælishátíð í Smáranum.
Afmælisfögnuðurinn heldur
áfram fram eftir ári og ýmsar
uppákomur eru fyrirhugaðar í
tengslum við íþróttaviðburði á
vegum Breiðabliks í sumar. Þá
stendur til að halda mikla íþrótta-
hátíð við Smárann með þátttöku
allra deilda félagsins.
solveig@frettabladid.is
Breiðablik var snemma
samnefnari í bænum
Íþróttafélagið Breiðablik er sextíu ára í dag og heldur upp á afmælið með ýmsu móti um helgina. Þórður
Guðmundsson hefur verið viðloðandi félagið hátt í fimmtíu ár og segir margt hafa breyst á þeim tíma.
Þórður Guðmundsson er heiðursbliki og byrjaði að æfa frjálsíþróttir með Breiðablik árið 1962. FRÉTTABLAÐIÐ/ANTON
Þrjú vel þekkt verk verða flutt
af Sinfóníuhljómsveit Íslands í
Háskólabíói í kvöld. Þetta eru
Carmina Burana, Boléro og
Dansar Polovetsíu.
Sinfóníuhljómsveit Íslands flytur
í kvöld í Háskólabíói hið klassíska
og sívinsæla verk Carmina Bur-
ana eftir Carl Orff.
Fá verk frá tuttugustu öld hafa
notið jafn mikilla vinsælda og
Carmina Burana. Nafnið kemur
úr handriti sem hefur að geyma
trúar-, ástar- og drykkjusöngva
frá 12. og 13. öld. Orff samdi verk-
ið árið 1936 og það hefur haldið
nafni hans á lofti æ síðan.
Í upphafskaflanum, O Fortuna,
er sungið um gæfuhjólið sem
snýst í sífellu og breytir stöðu
manna á örskotsstundu. Tónlistin
er vel þekkt, jafnvel meðal þeirra
sem lítið leggja upp úr klassískri
tónlist, enda hefur hún hljóm-
að í kvikmyndum, auglýsingum
og tölvuleikjum svo fátt eitt sé
nefnt.
Einnig verða á dagskrá verk-
in Bolero eftir Maurice Ravel og
Dansar frá Polovetsíu eftir Alex-
ander Borodin.
Dansar Borodins eru dæmi um
verk sem allir þekkja þótt þeir
geti ekki nefnt verkið eða höfund-
inn. Bolero eftir Ravel er einnig
sívinsælt hljómsveitarverk sem
er dæmi um hvernig hægt er að
nota öll hljóðfæri hljómsveitar-
innar á sérlega hugvitssamleg-
an hátt.
Tónleikarnir hefjast klukkan
19.30. Stjórnandi sinfóníunnar
í kvöld er Rumon Gamba. Ein-
söngvarar eru Hallveig Rúnars-
dóttir, Mark Tucker og Jón Svav-
ar Jósefsson. Óperukórinn undir
stjórn Garðars Cortes syngur.
Sinfónían flytur Carminu
Rumon Gamba stjórnar Sinfóníuhljómsveit Íslands á tónleikunum í kvöld. Þeir hefj-
ast klukkan 19.30 í Háskólabíói.
HEIMAMARKAÐUR verður að venju í Pakk-
húsinu á Höfn í Hornafirði á morgun frá klukk-
an 13 til 16. Þar eru til sölu matvörur úr
Ríki Vatnajökuls. www.visitvatnajokull.is