Fréttablaðið - 18.02.2010, Side 11

FIMMTUDAGUR 18. febrúar 2010 11
ATVINNUMÁL Bæjarblaðið Jökull í
Snæfellsbæ segir kynningarfund
um strandstangveiði sem haldinn
var í bænum fyrr í mánuðinum
hafa leitt í ljós mikinn áhuga á
þessu máli.
Góð mæting hafi verið frá
hagsmunaaðilum eins og jarðeig-
endum og fólki úr ferðaþjónustu.
Farið hafi verið með leiðbein-
anda að Mávarifi og hann kastað
færi sínu jafnvel hundruð metra
á haf út. Ekki fór þó sögum af
aflabrögðum. „Hérna er komið
tækifæri sem getur nýst sem ný
dægradvöl en einnig til atvinnu-
sköpunar og nú er það okkar að
grípa tækifærið og nýta okkur
það til góða,“ segir í Jökli. - gar
Jökull í Snæfellsbæ:
Tækifæri falin í
veiði frá strönd
ÓLAFSVÍK Snæfellingar eru áhugasamir
um stangveiði frá ströndum.
LÖGGÆSLA Lögreglan á höfuðborg-
arsvæðinu mun á næstu fjórum
vikum leggja áherslu á eftir-
lit með stefnuljósanotkun öku-
manna.
Lögreglan mun einnig fylgj-
ast með svokölluðum svigakstri í
þéttri umferð þar sem ökutækj-
um er ekið milli akreina yfir
hámarkshraða, gjarnan án þess
að stefnumerki séu gefin. Slíkur
akstur truflar aðra ökumenn og
skapar hættu. Lögreglan hvetur
ökumenn til að sýna hver öðrum
þá tillitssemi sem þeim ber í
umferð, hvort heldur það lýtur að
notkun stefnuljósa eða ógætileg-
um akstri. Brot varða sektum.
- jss
Hert eftirlit lögreglu:
Stefnuljós og
svigakstur
LÖGREGLAN Herðir eftirlit með umferð-
inni.
BRETLAND, AP Bretar og Argent-
ínumenn eru enn komnir í hár
saman út af Falklandseyjum,
eyjaklasa í sunnanverðu Atlants-
hafi sem nú hefur orðið mikil-
vægari en áður vegna olíulinda
sem þar kynnu að leynast undir
sjávarbotni.
Bretar fóru í stríð við Argent-
ínu árið 1982 út af yfirráðum yfir
eyjunum, og höfðu betur í krafti
hernaðarstyrks. Bretar eru þó
farnir að verða varir um sig á
ný eftir að Christina Fernandez,
forseti Argentínu, tilkynnti í vik-
unni að leyfi þurfi frá Argentínu
fyrir allar skipaferðir frá Suður-
Ameríku til Falklandseyja. - gb
Olía við Falklandseyjar:
Bretar ósáttir
við Argentínu
MENNTAMÁL Lögfræðingur sem uppvís varð að
ritstuldi í meistararitgerð sinni er enn sagð-
ur hafa lokið meistaranámi við Háskólann á
Bifröst á vef fyrirtækis hans þrátt fyrir að
háskólinn hafi fellt meistaragráðuna úr gildi
í janúar.
„Það er enn verið að skoða málið,“ segir Jón
Halldór Guðmundsson. Hann segir fullyrð-
ingu á vef fyrirtækisins ekki beinlínis ranga.
„Ég er búinn að ljúka meistaranáminu, ég er
viðskiptalögfræðingur og þetta hefur engin
áhrif á mitt starf.“
Hann segist enn ekki hafa tekið ákvörð-
un um hvort hann hyggist kæra niðurstöðu
háskólans til menntamálaráðuneytisins.
Í samtali við Fréttablaðið í janúar hafn-
aði hann því alfarið að hafa stundað ritstuld.
Hann rekur fyrirtækið Skattar – ráðgjöf og
aðstoð, þar sem upplýsingar um menntun
hans koma fram.
Ágúst Einarsson, rektor við Háskólann á
Bifröst, segir málinu lokið af hálfu skólans,
meistaragráðan hafi þegar verið felld úr gildi
og því ekki eðlilegt að Jón Halldór segist vera
með meistaragráðu frá skólanum.
Sérfræðingar skólans, sem og utanaðkom-
andi sérfræðingur, komust að þeirri niður-
stöðu að Jón Halldór hafi „óumdeilanlega“
lagt stund á ritstuld í meistararitgerð sinni,
gegn neitun Jóns. - bj
Fyrrum nemandi Háskólans á Bifröst segist hafa lokið meistaranámi þótt skólinn hafi fellt gráðuna úr gildi:
Hefur ekki kært niðurstöðu skólans
BIFRÖST Jón Halldór Guðmundsson hefur ekki tekið
ákvörðun um hvort hann hyggist kæra niðurstöðu
Háskólans á Bifröst til menntamálaráðuneytisins.
FRÉTTABLAÐIÐ/VILHELM
Sálfræðiþjónusta á Skype og
veraldarvefnum um allt land
og erlendis.
Psychologist on-line through
the Skype and the Internet.
Ágústína Ingvarsdóttir
GSM +354-663 8927
agustina@life-navigation.com
NÝTT

Garðatorgi 7 - 210 Garðabær
Sími 440 4000
www.islandsbanki.is
Opið til kl. 20 í kvöld í Garðabæ
Kíktu í heimsókn - allir velkomnir
Við bjóðum þér að líta við í útibúi okkar í Garðabæ og kynna þér þá þjónustu sem við
höfum í boði.
Sérfræðingur um Meniga verður á staðnum milli kl. 16 - 20 og fræðir gesti og
nýjungar sem ekki hafa þekkst áður svo sem:
Samanburð við aðra notendur
Við verðum með heitt á könnunni og tökum vel á móti þér.
Kveðja,
starfsfólk Íslandsbanka í Garðabæ.