Fréttablaðið - 26.02.2010, Blaðsíða 35

• 11
Þetta er meira spurning um að
æfa rétt, í staðinn fyrir að keyra
sig út á vitlausum æfingum. Ég
æfi auðvitað mikið líka, á hverjum
degi og stundum tvisvar á dag. Svo
verður maður að læra að hlusta á
líkamann. En ég hef aldrei verið
mikið fyrir fasta dagskrá, það hefur
aldrei hentað mér nógu vel. Ég vil
spila eftir eyranu.“
Það virðist vera að virka.
Íslendingar eru komnir af vík-
ingum og þegar víkingar skemmta
sér saman meiðist yfirleitt einhver.
Gunnar segist ekki enn hafa lent
í því niðri í bæ um helgar að ein-
hver telji sig geta ráðið við hann,
en margir hafa hins vegar gantast
með það.
„Ég heyri þann brandara nánast
í hvert skipti sem ég læt sjá mig,
en enginn lætur vaða.“
Góð sambönd í bransanum
Blandaðar bardagalistir (MMA)
njóta sívaxandi vinsælda um allan
heim. UFC er vinsælasta MMA-
samband heims. Þar er slegist fyrir
framan þúsundir manna og bardag-
arnir eru sýndir í sjónvarpi um allan
heim. Gunnar hefur þjálfað með
kunnum UFC-köppum og upp frá
því hafa sprottið upp vangaveltur
um hvort eða hvenær hann ætli
að færa sig upp í deild með stóru
strákunum. Gunnar segir að það
verði að koma í ljós.
„Fyrir mig er þetta meira spurn-
ing um andstæðinga en keppnirnar.
Að fá góða andstæðinga er aðal-
málið svo að ég geti bætt mig. Í
stóru keppnunum eru samningarnir
grimmir og geta fest mann.“
Grimmir hvernig?
„Bindandi. Maður er fastur í
keppni og er ekki nógu frjáls. Ég
sé mikilvægi þess að geta verið
frjáls og keppt í þeim keppnum
sem ég vil.“
Ég heyrði að ef þú vildir þá gæt-
irðu hoppað inn í UFC?
„Við erum með rosalega góð
sambönd, ég hef æft mikið með
Renzo Gracie og liðinu hans. Renzo
er með fjóra, eða fimm bardaga-
menn í UFC. Sjálfur er hann að fara
að berjast og það er varla hægt að
finna betri sambönd. En við erum
ekki að reyna að komast inn.“
UFC framleiðir raunveruleika-
þættina The Ultimate Fighter, þar
sem barist er um að komast inn í
deildina.
Hefur þér boðist að taka þátt í
The Ultimate Fighter?
„Það var einhvern tíma talað um
það. En svo varð ekkert úr því.“
Hefurðu ekki áhuga á því?
„Nei og ég er feginn núna að
ekkert hafi orðið úr þessu. Þá var
ég alveg til, en það var margt
annað sem ég vildi gera. Núna er
feginn því ég myndi aldrei fara
núna. Þetta er ekki fyrir mig.“
Raunveruleikaþættir eru oft
styttri leið fyrir fólk sem kemst
ekki hina leiðina. Þú kemst kannski
alveg hefðbundnu leiðina?
„Það er akkúrat það. Ég hef bull-
andi trú á sjálfum mér og hef engar
áhyggjur af því að ná ekki þangað
sem ég vil ná. Ég vil fara mína leið
að því og ég held að það sé það
besta sem ég get gert.“
„MÉR FINNST ROSALEGA GOTT AÐ LÚRA. ÉG FER MÍNAR LEIÐIR AÐ ÞESSU. HVER
DAGUR ER ROSALEGA MISJAFN. ÞETTA ER MEIRA SPURNING UM AÐ ÆFA RÉTT,
Í STAÐINN FYRIR AÐ KEYRA SIG ÚT Á VITLAUSUM ÆFINGUM. ÉG ÆFI AUÐVITAÐ
MIKIÐ LÍKA – Á HVERJUM DEGI OG STUNDUM TVISVAR Á DAG. SVO VERÐUR
MAÐUR AÐ LÆRA AÐ HLUSTA Á LÍKAMANN. EN ÉG HEF ALDREI VERIÐ MIKIÐ FYRIR
FASTAR DAGSKRÁR, ÞAÐ HEFUR ALDREI HENTAÐ MÉR NÓGU VEL. ÉG VIL SPILA
EFTIR EYRANU.“