Fréttablaðið - 27.02.2010, Síða 17

LAUGARDAGUR 27. febrúar 2010 17
UMRÆÐAN
Sigursveinn Magnússon skrif-
ar um tónlist
Góður vinur stöðvaði mig á götu fyrir nokkru algjörlega
flaumósa.
Rifjaði upp nýlega tónleika þar
sem unglingar höfðu flutt 9. sinfón-
íu Beethovens í tvígang fyrir fullu
húsi hér í Reykjavík. „Hvað er að
gerast?“ sagði hann. „Fyrir aðeins
fáeinum áratugum, þótti það stór-
virki að Sinfóníuhljómsveit Íslands
og Söngsveitin Fílharmónía skyldu
ráða við að flytja þetta öndvegis-
verk og nú gera börnin okkar sér
leik að því að flytja þessa stóru
hljómkviðu. Eru þau svona miklu
gáfaðri og tónvissari en við, for-
eldrarnir? Svo fór ég að hugsa
málið,“ hélt hann áfram. „Hvaðan
kemur allur sá skari æskufólks sem
er skapandi í
músík. Af hverju
blómstra hátíðir
á borð við Síðan
fór ég suður, Ice-
land Airwaves,
Músíktilraunir,
Skrekkur,
Söngva keppni
skólanna,
Evro vision,
Ungsveit Sin-
fóníunnar, Sinfóníuhljómsveit tón-
listarskólanna, Norðurlandameist-
arar í djassi, Sinfóníuhljómsveit
Íslands, Ungfónían, Kammersveit
Reykjavíkur, Sinfóníuhljómsveit
Norður lands, Íslenska óperan, ekki
er hér rúm til að nefna ótal hópa
sem kenndir eru við „krúttkynslóð“
og flytja tónlist víða um heim. Tón-
listarhátíðir: Þjóðlagahátíð á Siglu-
firði, Myrkir músíkdagar, Berjadag-
ar, Reykholtshátíð, Sumartónleikar
í Skálholti, Djasshátíð í Reykjavík,
Djasshátíð Austurlands, Lista-
sumar á Akureyri, Tónlistarstarf
á Hólum í Hjaltadal, á Klaustri,
Við Djúp, Kirkjulistahátíð, Lista-
hátíð í Reykjavík, þúsundir syngj-
andi radda í skólum og kirkjum,
sem lyfta andanum og telja í okkur
kjark á tímum erfiðleika og and-
streymis.“ Svona lét vinur minn
dæluna ganga og geystist yfir þetta
víða svið.
En hvað hefur breyst? – Ekkert
sprettur af engu. – Árið 1966, er
stórvirki Beethovens var fyrst flutt
og Ísland kvaddi sér hljóðs á þessu
sviði heimsmenningarinnar, var
blekið rétt að þorna af nýrri laga-
setningu Gylfa Þ. Gíslasonar um
fjárhagslegan stuðning við tónlistar-
skóla, en þar með hófst menningar-
sókn, sem enn sér ekki fyrir endann
á. Það var þetta sem félagi minn
reyndi að átta sig á. Allt of fáir sjá
þessa atburðarás í samhengi. Fyrir
tilstilli lagasetningar Gylfa og síðar
Vilhjálms Hjálmarssonar urðu til
tækifæri til menntunar í hljóðfæra-
leik og söng og með árunum varð til
fjöldahreyfing sem ber uppi þessa
miklu grósku. Hvert væri menn-
ingarstig okkar ef framsýni þess-
ara frumkvöðla á hinu menningar-
pólitíska sviði hefði ekki notið við?
Tónlistarskólar um allt land helga
sér laugardaginn 27. febrúar til
að kynna starf sitt. Á heimasíðum
þeirra má fræðast nánar um dag-
skrá á hverjum stað. Sækjum þá
heim og gleðjumst með kennurum
og nemendum yfir góðum árangri.
Til hamingju með daginn.
Höfundur er tónlistarskólastjóri.
Til hamingju, tónlist
SIGURSVEINN
MAGNÚSSON
UMRÆÐAN
Vigdís Hauksdóttir skrifar um
samskipti Íslands og Banda-
ríkjanna
Í fréttum hefur verið greint frá aðgerðum utanríkisráðuneytisins
til þess að afla stuðnings frá Banda-
ríkjamönnum vegna Icesave. Óskaði
utanríkisráðherra eftir fundi með
Hillary Clinton með frekari mála-
leitan í huga. Auðvitað eigum við að
ræða þessi mál
við sem flestar
þjóðir enda hefur
málflutning-
ur okkar fram-
sóknarmanna
verið á þá leið.
Það er undarlegt
að utanríkisráð-
herra Íslendinga
skuli ekki gera
sér grein fyrir
stöðu Bandaríkjamanna gagnvart
Bretum og Hollendingum.
Bandaríkjamenn heyja stríð í Írak
og Afganistan undir nafni NATO. Í
örvæntingu leita þeir leiða til þess
að einangrast ekki í stríðsrekstrin-
um. Þeir hafa lagt hart að Bretum og
Hollendingum að draga ekki herlið
sitt til baka og jafnvel hafa þeir lagt
fram kröfu um að fjölga hermönnum.
Ég trúi því að Bretar og Hollending-
ar séu áhugalitlir um þennan hernað
og vilji koma sér þaðan. Hollenska
stjórnin er fallin vegna ágreinings
um stríðsreksturinn og breska rík-
isstjórnin sætir mikilli gagnrýni.
Ljóst er að þessar þjóðir halda her-
liði sínu þarna eingöngu af undan-
látssemi við Bandaríkin og gjalda
fyrir það heima. Bretar og Hollend-
ingar hafa eytt hundruðum milljarða
vegna þessa, fyrir Bandaríkjamenn,
og hafa sætt miklu mannfalli. Svo
virðist nú sem breska ríkisstjórnin
falli líka á næstu dögum.
Bandaríkjamenn þurfa á allri
aðstoð að halda frá Bretum og Hol-
lendingum sem unnt er að fá. Þeir
eru í engri stöðu til að beita þess-
ar þjóðir þrýstingi í þágu Íslands.
Að auki má benda á að diplómat-
ísk samskipti Íslendinga við Banda-
ríkjamenn hafa ekki verið í lagi
undir forystu Össurar Skarphéðins-
sonar. Sendiherra Bandaríkjanna
fór af landi brott fyrir rúmu ári
og ekki hefur nýr sendiherra verið
skipaður eftir að Robert S. Conn-
an, sem Obama tilnefndi, hætti við
að þiggja embættið í fyrra. Í hvaða
stöðu telur Össur sig vera til að skipa
svo fyrir að senda embættismenn í
bandaríska sendiráðið með hótanir
um stuðning? Í morgunútvarpinu
á Rás 2 sagði Össur að hann væri
stoltur af þeirri hörku sem starfs-
menn hans hefðu sýnt í viðræðum
við Sam Watson starfandi sendifull-
trúa. Já, Össur skipað gætir þú, væri
þér hlýtt.
Höfundur er þingmaður Fram-
sóknarflokksins.
Bandarískir
draumar
VIGDÍS HAUKS-
DÓTTIR
+ Fáið meiri upplýsingar um hvað er hægt að sjá og gera í Glasgow
með því að fara inn á: www.seeglasgow.com
TILNEFND AF LONELY PLANET Í FYRRA SEM EIN AF
BESTU OG SKEMMTILEGUSTU BORGUM Í HEIMI
GLASGOW
GLÆSIBRAGUR Á SKOSKA VÍSU
Njótið þess að versla við frábærar verslunargötur.
Skoðið sérstæða og undurfagra húsagerðarlist og söfn
á heimsmælikvarða. Kynnist víðfrægum veitingastöðum,
æðislegum krám og börum. Skemmtið ykkur með
vingjarnlegu fólki í borg þar sem alltaf er eitthvað
spennandi að gerast og efnt er til ýmiss konar hátíða
og viðburða allan ársins hring.