Fréttablaðið - 27.02.2010, Side 72

40 27. febrúar 2010 LAUGARDAGUR
timamot@frettabladid.is
Barnaskólinn í Hnífsdal fauk af grunni og gjör-
eyðilagðist í snörpum hvirfilbyl þennan mánað-
ardag árið 1953. Þrjátíu og sex börn voru stödd
í húsinu ásamt skólastjóra og einum kennura
þegar atvikið átti sér stað. Fjögur börn slösuðust
allmikið og skólastjórinn fékk alvarlegan heila-
hristing. Fleiri börn meiddust minni háttar og
sum fengu taugaáfall.
Sunnan hvassviðri hafði skollið á í Hnífsdal um
klukkan níu um morguninn og hélst fram eftir
degi. Það var um ellefu leytið sem hvirfilbylur
reið skyndilega á suðurgafl skólahússins og skipti
þá engum togum að rúður brotnuðu, húsið
lyftist af grunni og brakið úr því dreifðist um
allan bæ. Því hefði getað farið mun verr en raun
varð á og mátti það heita einstakt lán að allir
skyldu lífi halda.
ÞETTA GERÐIST: 27. FEBRÚAR 1953
Skóli fauk af grunni í Hnífsdal
MERKISATBURÐIR
1700 Eyjan Nýja-Bretland er
uppgötvuð.
1928 Fimmtán skipverjar far-
ast en tíu er bjargað
þegar togarinn Jón forseti
strandar við Stafnes.
1941 Togarinn Gullfoss frá
Reykjavík ferst með 19
manna áhöfn út af Snæ-
fellsnesi.
1964 Ríkisstjórn Ítalíu biður um
aðstoð til að varna því að
skakki turninn í Písa falli
á hliðina.
1975 Hornstrandir norðan og
vestan Skorarheiðar eru
friðlýstar.
1977 Skákeinvígi hefst milli
Boris Spasskí og Vlasti-
míls Hort.
Karatedagurinn 2010 verður haldinn
á morgun frá hálf ellefu til hálf eitt
í Íþróttahúsi Menntasviðs Háskóla
Íslands, við Stakkahlíð sem áður hét
Íþróttahús Kennaraháskólans. Til-
efnið er tuttugu og fimm ára afmæli
Karatesambandsins. Haldnar verða
tvær 50 mínútna æfingar með reynd-
ustu þjálfurum landsins og iðkendum
verður skipt í hópa eftir aldri og gráð-
um. Svo verður boðið upp á kaffiveit-
ingar í Kaffi Easy í Íþróttamiðstöðinni
í Laugardal milli klukkan 14 og 16 og
þangað eru allir velkomnir sem hafa
tengst íþróttinni á einhvern hátt, að
sögn Reinharðs Reinharðssonar, for-
manns sambandsins. „Ég er búinn að
vera úti um allt að leita að gömlum ljós-
myndum úr starfinu, blaðaúrklippum
og fleiru sem fólk getur skoðað,“ segir
hann. „Svo eigum við eitthvað smáveg-
is af vídeóupptökum sem við ætlum að
hafa sýnilegar.“ Reinharð starfar í
Bóksölu stúdenta en hefur æft karate
tvisvar til þrisvar í viku í yfir 20 ár.
Hann hefur verið í embætti formanns
Karatesambandsins í fjögur ár og er sá
fjórði í röðinni frá stofnun.
Karate er japönsk sjálfsvarnaríþrótt
sem barst hingað til lands um miðjan
sjöunda áratuginn. Nafnið þýðir „Hin
vopnlausa hönd“ og segir sitt. Íþrótt-
in krefst mikillar einbeitingar og
snýst um þjálfun bæði hugar og lík-
ama og hún hefur heillað þúsundir hér
á landi frá því hún ruddi sér til rúms.
Reinharð kveðst hafa rekist á grein í
Morgunblaðinu frá 1965 þar sem fram
kemur að karate sé æft í gömlu frysti-
húsi Júpiters og Mars á Kirkjusandi
þar sem stórhýsi Íslandsbanka stend-
ur nú. Hann rekur upphafið til Jóns
Geirs Árnasonar sem hóf kynningu
á karate hér og nefnir tvo japanska
pilta frá Danmörku sem kenndu í
nokkra mánuði 1966-1967, einnig Reyni
Santos sem byrjaði að kenna kring-
um 1970 og stofnaði nokkra klúbba og
Ken Takefusa sem kenndi og þjálfaði í
nokkur ár. „Eftir það hefur verið stöð-
ug iðkun og nokkrir tugir manna eru
komnir með svarta beltið sem er merki
um góðan árangur,“ segir hann.
Nú eru tólf félög innan Karate-
sambandsins, flest á suðvesturhorni
landsins að sögn Reinharðs. „Hér er
mikil starfsemi jafnt og þétt frá ágúst
fram í maí,“ segir Reinharð og telur
iðkendur karate milli tólf og fimmtán
hundruð í senn, tvo þriðju þeirra börn
undir átján ára aldri og einn þriðja
yfir þrítugu. „Eins og í öllum íþrótta-
greinum hætta margir á framhalds-
skólaaldrinum en koma svo gjarnan
aftur,” segir hann og lýsir keppnum
sem Karatesambandið tekur þátt í.
„Við erum með svona tíu mót yfir vet-
urinn, Íslandsmót, bikarmót og Grand
Prix, svo tökum við þátt í Norðurlanda-
og Evrópumótum og opnum mótum
þar sem við teljum okkur eiga ein-
hvern séns.“ Hann bendir fólki á heim-
síðu sambandsins kai.is þar sem hann
kveðst reyna að skrá allt sem gert er.
En hversu langt skyldi Reinharð
vera kominn í eigin þjálfun í karate?
„Ég er með annað dan sem er gráða
í svarta beltinu en þær eru tíu tals-
ins. Menn bíða í að minnsta kosti tvö
ár eftir gráðu númer tvö, þrjú ár eftir
þriðju gráðu og þannig koll af kolli svo
manni endist ekki ævin til að ná æðstu
gráðu enda aldrei fullnuma!“
gun@frettabladid.is
KARATESAMBAND ÍSLANDS: ER TUTTUGU OG FIMM ÁRA Á MORGUN
Æfingar voru í hinu forna
frystihúsi Júpiters og Mars
FORMAÐURINN Ég er búinn að vera úti um allt að leita að gömlum ljósmyndum úr starfinu,
blaðaúrklippum og fleiru sem fólk getur skoðað,“ segir Reinharð þegar hann lýsir afmælisteiti
Karatesambandsins í Kaffi Easy. FRÉTTABLAÐIÐ/VALLI
SVEINN BJÖRNSSON FORSETI VAR
FÆDDUR ÞENNAN DAG ÁRIÐ 1881.
„Vinátta við aðrar þjóðir, orð-
heldni og virðuleg framkoma vor
er besta vörn fyrir sjálfstæði hins
vopnlausa lands vors.“
Sveinn 1881-1952 var ríkisstjóri
Íslands á árunum 1941 til 1944 og
Alþingi kaus hann fyrsta forseta
Íslands á Þingvöllum 17. júní 1944.
Afmæli
Góðu vinir.
Hjartans þakkir fyrir dýrmæta vinsemd við mig á afmæli
mínu 2. febrúar. Guð blessi ykkur og gleðji alla daga.
Inga Þorgeirsdóttir
70 ára afmæli
Sunnudaginn 28. febrúar verður
Kolbrún
Jóhannesdóttir,
Hátúni 12 , Reykjavík, sjötug. Kolbrún
tekur á móti vinum og vandamönnum
í sal Reykjavíkurdeildar Sjálfsbjargar
Hátúni 12 á sunnudag milli
kl. 14 og 16.30.
Útfararþjónustan ehf.
Stofnað 1990
Símar: 567 9110 & 893 8638
www.utfarir.is • runar@utfarir.is
Alhliða útfararþjónusta
Rúnar
Geirmundsson
Sigurður
Rúnarsson
Elís
Rúnarsson
Þorbergur
Þórðarson
Innilegar þakkir færum við öllum þeim
sem sýndu okkur samúð og hlýhug
og heiðruðu minningu föður okkar,
tengdaföður og afa,
Gísla Ragnars
Péturssonar
Keldulandi 7, Reykjavík.
Elsa Dóróthea Gísladóttir Jón Hrafn Hlöðversson
Kristján Einar Gíslason Elísabet Einarsdóttir
og barnabörn.
Innilegar þakkir fyrir auðsýnda samúð
og hlýhug við andlát og útför elskulegr-
ar móður okkar, tengdamóður, ömmu
og langömmu,
Gunnþórunnar
Einarsdóttur
Sólheimum 23, Reykjavík.
Sérstakar þakkir færum við starfsfólki á hjúkrunar-
heimilinu Skjóli fyrir góða umönnun.
Kristín Matthíasdóttir
Guðmundur Matthíasson Ingrid Matthíasson
Einar Matthíasson Guðbjörg Guðbergsdóttir
barnabörn og barnabarnabörn.
Okkar innilegustu þakkir til allra
þeirra sem sýndu okkur samúð, vináttu
og hlýhug við andlát og útför elskulegs
eiginmanns míns, föður okkar, tengda-
föður og afa,
Einars Inga Sigurðssonar
fyrrv. heilbrigðisfulltrúa,
Sóleyjarima 15, Reykjavík.
Katrín Sigurjónsdóttir
Sigurjón Einarsson
Kristín Einarsdóttir Örn Erlingsson
Aron Arnarson
Karen Arnardóttir
Tilkynningar um merkis atburði, stórafmæli og útfarir má senda á netfangið timamot@frettabladid.is.
SKÓLAHÚSIÐ Í HNÍFSDAL