Fréttablaðið - 01.05.2010, Page 24

24 1. maí 2010 LAUGARDAGUR
Ég stofnaði Besta flokkinn vegna þess að ég var orðinn
leiður á hegðun og framkomu
stjórnmálamanna í borginni og
langaði að koma með athugasemd
sem mark væri tekið á. Mig lang-
aði að stríða þessu fólki, með því
að draga upp afskræmda spegil-
mynd af því sjálfu. Ég var fyrir
löngu orðinn þreyttur á að horfa
uppá borgina mína drabbast niður.
Ég var orðinn þreyttur á innant-
ómum orðum, loforðum, valdabar-
áttu, yfirborðsmennsku og hroka.
Ég fékk til liðs við mig fólk sem
ég þekki og treysti. Viðbrögð kjós-
enda hafa svo sýnt okkur að við
erum ekki ein á báti. Fólk er bara
búið að fá nóg. Sá mikli stuðningur
sem framboðið hefur fengið kom
mér töluvert á óvart og mér finnst
það því skylda mín að útskýra mál
betur fyrir fólki. Ef það er vilji
kjósenda þá erum við til í að gera
okkar besta.
Reykjavík er orðin leiðinleg borg
Ég hef búið í Reykjavík alla mína
ævi og í flestum hverfum. Ég
þekki borgina. Hún er hluti af
því hver ég er. Mér finnst Reykja-
vík orðin leiðinleg borg og mér
finnst það vera stjórnmálamönn-
um að kenna, viðhorfum þeirra
og athöfnum. Mér sýnast þeir líka
meira uppteknir af sjálfum sér og
hver öðrum en þeim verkefnum
sem þeir voru ráðnir til að leysa.
Mig langar að búa í skemmti-
legri borg sem er gaman að vera
í. Ég vil geta sent börnin mín út án
þess að vera hræddur um að það
verði keyrt á þau. Ég vil að fjöl-
skyldur hafi aðgang að skemmti-
legum útivistarsvæðum þar sem
eitthvert líf er. Hljómskálagarð-
urinn og Miklatún bjóða uppá
mikla möguleika sem eru van-
nýttir. Þessi svæði eru ekki einu
sinni girt af þótt í kring séu stór-
ar umferðargötur. Afþreying fyrir
börn er í skammarlegu lágmarki.
Í Hljómskálagarðinum t.d. er einn
forljótur og útkrotaður kofi og
kassabíll. Þetta minnir á úthverfi
í útlöndum en ekki lystigarð í mið-
borg. Engin merki um frumkvæði
eða sköpun.
Getum við virkilega ekki gert
betur?
Sama má segja um Fjölskyldu- og
Húsdýragarðinn. Hann hefur lítið
sem ekkert breyst frá því hann
var opnaður. Þar er mikill metn-
aður meðal starfsfólks en áhuga-
leysi ráðamanna lamar hann. Ég
vil endurskipuleggja garðinn og
tengja hann betur skólakerfinu. Ég
vil fá ísbjörn þangað. Hann hefði
mikið aðdráttarafl og mundi jafn-
vel vekja heimsathygli. Ég vil koma
lagi á samgöngur í borginni og end-
urhugsa strætisvagnakerfið. Ég vil
skoða möguleika á að rafbílavæða
samgöngukerfið. Við eigum raf-
orkuframleiðslufyrirtæki og tilval-
ið að nota það. Fulltrúi samgöngu-
mála fyrir hönd Besta flokksins er
rithöfundurinn Sjón. Hann hefur
aldrei tekið bílpróf og þekkir þessi
mál því mjög vel.
Fallegan miðbæ, styttur og fjöl-
menningu
Miðbærinn er öllum Reykvíking-
um kær. Þar slær hjarta borgarinn-
ar. Hann líður nú fyrir það stjórn-
leysi sem hér hefur ríkt árum
saman. Forljótar aspir spretta eins
og illgresi um allt. Hús eru endur-
byggð en enginn veit hvað á að vera
í þeim. Hér mætti tína endalaust
til. Hver er t.d. tilgangurinn með
hinu risavaxna graskeri á Lækjar-
torgi? Ég vil flytja húsin í Árbæj-
arsafninu aftur í miðbæinn og fylla
þau af lífi. Ég vil gera miðborgina
skemmtilega. Ég vil láta gera stytt-
ur af kynlegum kvistum sem settu
svip sinn á bæinn hér á árum áður.
Ég vil styttu af Ástu Sigurðardóttur
en líka af Báru sem kennd var við
bleikt. Ég vil gera minnismerki til
heiðurs nunnunum í Landakoti sem
reistu hér fyrsta spítalann, björguðu
þúsundum mannslífa en hafa aldrei
fengið neina þökk fyrir.
Fulltrúi okkar í skipulagsmálum
er Páll Hjaltason arkitekt.
Reykjavík getur orðið skemmti-
legasta borg í heimi. Hugmynda-
fræði stjórnmálaflokkanna er stöðn-
uð. Hér vantar skapandi hugsun.
Hana hafa þeir ekki. Kærleikur er
ekki bara orð heldur miklu frekar
verk. Það skiptir engu máli hvað þú
segir ef þú gerir ekki neitt.
Greinin birtist í fullri lengd á
heimasíðu okkar bestiflokkurinn.is.
Þar er líka hægt að styrkja okkur.
Við trúum að það sem við séum að
gera sé til góðs. Kær kveðja.
Kæri Reykvíkingur
Borgarmál
Jón Gnarr
oddviti Besta flokksins
Eitt er víst í lífinu, að tíminn líður og nú er enn einu sinni
komið að því, að kjósa til sveitar-
stjórnar í landinu. Kosningar nú
fara fram í skugga einnar verstu
kreppu sem riðið hefur yfir heim-
inn, með gríðarlegum áhrifum
hér á landi sem annars staðar.
Við höfum í raun þurft að end-
urmeta alla hluti í okkar efna-
hags- og viðskiptalífi. Reykja-
víkurborg hefur ekki farið
varhluta af þessum breyting-
um, enda hafa vaxandi atvinnu-
leysi og erfiðleikar í rekstri fyr-
irtækja mikil áhrif á tekjur og
afkomu borgarinnar. Núver-
andi meirihluti hefur gengið til
verka af festu og öryggi. Skattar
hafa ekki verið hækkaðir í borg-
inni, heldur hefur verið farið í
að endurmeta þjónustu með það
að leiðarljósi, að ná niður kostn-
aði, með sem minnstum áhrifum
á þjónustu við borgarbúa. Mik-
ill árangur hefur náðst í að hag-
ræða í rekstri og fjárhagsstaða
borgarinnar er sterk, þrátt fyrir
lækkandi tekjur.
Þetta er nokkuð ólíkt þeim leið-
um sem núverandi ríkisstjórn
hefur farið, þar sem skatta-
hækkanir hafa skollið á okkur
sem aldrei fyrr. Það er einfald-
lega staðreynd, að það hefur
aldrei gengið að snúa kreppu við
með skattahækkunum. Það verð-
ur að fá hjólin til að snúast aftur
og hvetja fólk til dáða. Slíkt næst
ekki með skattahækkunum og
vaxandi forsjárhyggju hins opin-
bera. Við verðum að verjast því
að fá vinnubrögð ríkisstjórnar-
innar inn í rekstur borgarinnar
okkar.
Síðasta kjörtímabil var um
margt mjög sérstakt í Reykja-
vík. Meirihlutaskipti voru tíð í
upphafi tímabils, með tilheyr-
and óvissu og oft nokkuð sér-
stökum uppákomum. Sem betur
fer náðist stöðugleiki með mynd-
un núverandi meirihluta. Undir
stjórn Hönnu Birnu Kristjáns-
dóttur borgarstjóra, hefur vinnu-
brögðum í borginni verið gjör-
breytt.
Samvinna hefur verið aukin á
öllum sviðum, bæði við starfs-
menn borgarinnar, sem og full-
trúa minnihlutans í borgar-
stjórn. Menn hafa náð saman um
að vinna að því sem allir geta
verið nær sammála um, í stað
þess að leggja áherslu á þau mál-
efni sem ósamstaða er um. Það er
ljóst að þessi samvinna hefur átt
mikinn þátt í þeim árangri sem
náðst hefur í rekstri borgarinnar.
Það er einnig ljóst, að kjósendur
kunna að meta þessa staðreynd,
eins og fram kemur í niðurstöð-
um skoðanakannana um fylgi
Hönnu Birnu til áframhaldandi
starfa sem borgarstjóri.
Margir eru orðnir langþreytt-
ir á pólitísku þrasi og það sést
greinilega að áhugi á stjórnmál-
um og trú á stjórnmálamönnum
hefur sjaldan verið minni. Við
megum ekki láta atburði síðustu
mánaða draga úr okkur mátt. Það
erum jú við sem veljum þá full-
trúa til forystu, sem fara með
mál okkar.
Það er gríðarlega mikilvægt að
stöðugleiki ríki áfram við stjórn
borgarinnar okkar. Það er enn
mikilvægara, að við höfum áfram
við stjórn aðila sem framkvæma
og koma hlutum áfram.
Við þurfum ekki stjórnend-
ur sem tala mikið en segja lítið.
Við verðum að kynna okkur mál-
efnin, taka afstöðu og að sjálf-
sögðu að mæta síðan á kjörstað
og kjósa. Vinnum saman að því
að tryggja áfram framfarir í
borginni okkar.
Ó, borg,
mín borg
Borgarmál
Jón Karl Ólafsson
frambjóðandi
Sjálfstæðisflokksins í
Reykjavík
Hörðuvallaskóli – Baugakór 38
Opið hús frá kl. 13.00 til 15.00 þar sem nýr fullbúinn skóli verður til
sýnis. Á þessu skólaári bætast við alls tíu almennar kennslustofur,
textílmenntastofa, sérkennslustofa, vinnuherbergi kennara og aðstaða
fyrir dægradvölina.
Kórinn – Vallakór 12
Opið hús frá kl. 13.00 til 16.00 þar sem Kópavogsbúum gefst kostur á
að kynna sér hina nýju og glæsilegu íþróttaaðstöðu. Kl. 16.00 hefst svo
úrslitaleikur í Kórnum í deildarbikarkeppninni milli Breiðabliks og KR.
Þjónustumiðstöð í Boðaþingi – Boðaþingi 9
Opið hús frá kl. 13.00 til 16.00. Í þessari nýju þjónustumiðstöð verður
fjölþætt þjónusta og félagsheimili fyrir eldri borgara. Í tilefni dagsins
verður boðið upp á kaffi og vöfflur og margvíslegt félagsstarf eldri
borgara verður kynnt.
Allir velkomnir!
Opið hús
í Kórnum, Hörðuvallaskóla og í Boðaþingi
Opið hús verður í dag, 1. maí, í Kórnum, Hörðuvallaskóla og í Boðaþingi.
Kópavogsbúar eru hvattir til að kynna sér ný mannvirki, aðstöðu og þjónustu
á þessum stöðum.
Va
tns
end
ave
gu
r
Rjúpnavegur
Arnarnesvegur
1
1
2
3
2
3