Fréttablaðið - 12.05.2010, Blaðsíða 30
12. MAÍ 2010 MIÐVIKUDAGUR6 ● baðherbergi
Hjá Flísaverk.is færðu alla þjónustu
sem þú þarft fyrir baðherbergið ofl.
Flísalagnir • Parketlagnir • Niðurrif
• Förgun • Pípulagnir
Rafmagn • Múrverk • Smíðavinna
Flísaverk • Sími 898-4990
Gerum upp baðherbergið frá A–Ö
„Við gerum allt frá a til ö, rífum út,
færum til lagnir og fleira án þess
að húseigendur þurfi að lyfta litla
fingri,“ segir Kristján Sveinsson,
annar eigandi fyrirtækisins Flísa-
verk, sem sérhæfir sig í endurgerð
baðherbergja.
Kristjáni stofnaði Flísaverk
ásamt Arinbirni Snorrasyni pípu-
lagningamanni upp úr síðustu ára-
mótum og segir fyrirtæki af þess-
ari gerð hafa sárvantað á Íslandi.
„Akkúrat svona þjónusta, þar sem
hægt er að nálgast alla iðnaðar-
menn á einum stað, var varla fyrir
hendi í góðærinu þegar langir bið-
listar voru eftir iðnaðarmönnum.
Við útvegum hins vegar iðnaðar-
menn og öll tæki og tól í verkið,“
bendir hann á.
Kristján segir að af þessum
sökum hafi þeir Arinbjörn ákveð-
ið að stofna Flísaverk, því enda
þótt almennt sé minna að gera í
byggingariðnaði sé fjöldi viðhalds-
verkefna sem þarf að sinna. „Við
erum til dæmis í mörgum tilvik-
um að aðstoða eldra fólk sem getur
kannski ekki skipt um húsnæði en
er í leit að hagkvæmari lausnum
fyrir heimilið, þar á meðal fyrir
baðherbergið og þar hjálpum við.
Þannig höfum við fjarlægt baðkör
og sett sturtu í staðinn og gert allt
aðgengi betra fyrir hjólastóla.“
Kristján segir framkvæmdir yf-
irleitt ganga fljótt fyrir sig. „Ef til
stendur að breyta öllu taka breyt-
ingarnar að meðaltali um tvær
vikur, svo hratt gengur þetta.“
Við sjáum um allt
Kristján og Arinbjörn í einu baðherbergjanna sem þeir hafa gert upp í nafni Flísa-
verks, en hægt er að afla sér frekari upplýsinga á flisaverk.is. FRÉTTABLAÐIÐ/ANTON
● REGLU KOMIÐ
Á ÓREIÐUNA
Baðherbergisskúff-
ur enda oft sem nokk-
urs konar ruslakistur.
Þangað ratar allt sem
hvergi annars staðar á
heima. Burstar blandast
við teygjur, spennur,
kremtúpur, snyrtivör-
ur, plástra og allt sem
nöfnum tjáir að nefna.
Einkenni slíkra skúffa
eru að ekkert finnst
sem þó er vitað að
leynist í húsgagninu.
Gott ráð við því er
að fjárfesta í skilrúmum
í skúffuna. Með því fær
hver hlutur sitt pláss
og auðveldara reynist
að finna það sem leitað
er að.
Netið er gullnáma fyrir bað-
herbergisfrömuði sem langar
að setja niður fyrir sér hvernig
draumabaðherbergið þeirra
eigi að líta út. Hér eru nokkrar
gagnlegar vefsíður nefndar til
sögunnar.
Bobedre.dk, boligmagasinet.dk og
elleinterior.se eru dæmi um síður
þar sem baðherbergið er með sér
svæði og yfirgripsmiklar upp-
lýsingar og hugmyndir er að
finna. Bæði ber þar mikið á
skandinavískum baðher-
bergjum, sem eru oftar
en ekki með stórum
ljósum veggflöt-
um, ljósum viði
svo sem eik
og hlýlegu
yfir-
bragði og svo þyngri ítölskum
og miðevrópskum baðherbergj-
um. Þá eru baðherbergin gjarnan
flísalögð að stórum hluta, oft með
glansandi og litríkum flísum, og
blöndunartækjum sem ber mikið
á. Önnur góð dönsk síða með stór-
um myndabanka fyrir baðher-
bergi er indretninginspiration.
dk.
Rómantískar baðhugmyndir má
finna í hundraða tali
á bresku vefslóð-
inni houseto-
home.co.uk/
galleries/
bathroom.
html. Eru þar mjög
góðar hugmynd-
ir um hvernig gera
má upp gömul hús-
gögn til að nota undir handklæð-
in, eða sem vaskskápa og hvern-
ig má geyma sápur, skrúbbsölt
og þess háttar í glerkrukkum og
öðru. Annar góður vefur fyrir
hugmyndir að rómantískum fylgi-
hlutum er danski vefurinn augu-
stes.dk. Englendingarnir eru oft
rómantískir og vefur BBC heldur
úti sérstöku svæði þeim til „inn-
blásturs“ sem hyggjast leggjast
í baðframkvæmdir. Slóðin þar er
www.bbc.co.uk/homes/design/de-
sign_inspiration.
Dwell.com er vefslóð ameríska
tímaritsins dwell en þar má finna
talsvert af greinum um baðher-
bergi en síðan einblínir einkum
á klassíska hönnun. Alltaf er stór
hópur sem er hrifinn af amerísk-
um sveitastíl og fyrir þann hóp er
kitchenbathideas.com með marg-
ar fallegar myndir og hugmyndir.
- jma
Troðfullt af hugmyndum
Fallegt getur verið að blanda saman
svörtum flísum við bláa tóna en lita-
blöndur á 6. áratugnum voru oft þannig
í litlum mósaíkflísum á baðherberginu.
NORDICPHOTOS/GETTY
Til að aðskilja salernishluta baðherbergisins frá sturtuaðstöðu getur komið mjög vel
út að nota mismunandi efni á vegginn, svo sem veggfóður og flísar.
Kuðungur kemur alltaf jafnfal-
lega út á baðherbergjum.
Bresk baðherbergi eru oft auðþekkjan-
leg á veggfóðri og blöndunartækjum.
●HANDGERÐAR SÁPUR Á BAÐHERBERGIÐ Sælusápur eru
íslensk framleiðsla sem kemur frá bænum Lóni í Kelduhverfi. Hjónin Guð-
ríður Baldvinsdóttir og Einar Ófeigur Björnsson stunda sauðfjárbúskap
ásamt skóg- og byggrækt og stofnuðu fyrirtækið Sælusápur vorið 2008.
Sápurnar eru handgerðar og unnar úr íslensku hráefni sem fengið er á
staðnum, svo sem villt-
um jurtum eins og
vallhumli og blóð-
bergi, lífrænt rækt-
uðu hunangi og mjólk
úr þingeyskum kúm.
Meðal tegunda má
nefna Sveitasælu, Sjáv-
arsælu, Heiðarsælu
og Súkkulaðisælu en
nánar má forvitnast
um sápurnar sælu á
vefsíðunni saelusapur.is