Fréttablaðið - 21.05.2010, Blaðsíða 8

8 21. maí 2010 FÖSTUDAGUR
1. Hvað ætla hrefnuveiðimenn
að nýta í fyrsta skipti í sumar?
2. Hvað heitir olíufélagið sem
lengi var í eigu Rússans Mik-
haíls Khodorkovskí?
3. Hvaða listi mældist með
hreinan meirihluta á Ísafirði í
nýrri skoðanakönnun?
SVÖRIN ERU Á SÍÐU 38
IÐNAÐUR Hótelkeðjan Hilton
Worldwide hefur ákveðið að
íslenska flöskuvatnið Icelandic
Glacial verði í hávegum haft á
meira en 750 hótelum sínum um
víða veröld.
Íslenska vatnið, sem fyrirtæk-
ið Icelandic Water Holdings ehf.
framleiðir, þótti bera af öðrum
vatnstegundum eftir að gerðar
höfðu verið ítarlegar prófanir á
gæðum frá mörgum framleið-
endum.
Jón Ólafsson, framkvæmda-
stjóri fyrirtækisins, segist afar
stoltur af niðurstöðunni. - gb
Íslenskt vatn vekur lukku:
Hilton-keðjan
velur íslenskt
UMHVERFISMÁL „Það er einfald-
lega sorglegt að nokkur maður
finni sig í því að henda rusli á
víðavangi,“ segir Valtýr Valtýs-
son, sveitarstjóri Bláskógabyggð-
ar, þar sem menn glíma nú við að
rusl er skilið eftir þar sem áður
voru gámar.
Þar til í vetur hélt sveitarfélagið
úti ruslagámum víðs vegar í Blá-
skógabyggð. Valtýr segir að eftir
að öll heimili sveitarfélagsins voru
„tunnuvædd“ í fyrrahaust hafi
umræddir gámar verið fjarlægð-
ir í febrúar. Það hafi verið gert að
lokinni rækilegri kynningu. Settar
hafi verið upp afgirtar og mannað-
ar móttökustöðvar á fjórum stöð-
um sem opnar séu á tilteknum
tímum. Hann ítrekar að samtím-
is breytingunni hafi sveitarfélagið
hætt að innheimta sorphirðugjald
og taki nú aðeins eyðingargjald
vegna frístundahúsa.
Júlíus Sigurbjörnsson, formað-
ur Félags sumarhúsaeigenda í
Efstadal, segir sumarhúsaeigend-
ur þar um kring einfaldlega vera
„kolvitlausa“ vegna málsins. Þeir
hafi með atbeina Landssambands
sumarhúsaeigenda kært Bláskóga-
byggð til umhverfisráðuneytis-
ins fyrir vinnubrögðin. „Ég held
að allflestir séu fylgjandi því að
flokka sorpið en opnunartíminn
er skelfilegur og hentar ekki svo
stór hluti af fólkinu endar með því
að fara ruslið heim til sín,“ segir
Júlíus.
Valtýr sveitarstjóri segir Blá-
skógabyggð vinna samkvæmt
landsáætlun um meðhöndl-
un sorps. Þar séu ákvæði um
að minnka beri urðun og auka
endurvinnslu og endurnýtingu.
Þess vegna þurfi að flokka rusl
ítarlegar en áður og það gangi
ekki í eftirlitslausum gámum um
allar grundir.
„Við höfum ætlast til þess af
sumarhúseigendum að þeir komi
sér upp sorpílátum á sínum svæð-
um,“ segir Valtýr en Júlíus segir
það of dýrt fyrir svæði með fáum
húsum og gagnrýnir sveitarstjórn-
ina fyrir ósveigjanleika. „Það virð-
ist eiga að laga okkur að skipulagi
sveitarfélagsins en ekki laga sveit-
arfélagið að þeim sem það á að
þjóna,“ segir Júlíus. Hann bendir
á að eftir breytinguna hendi sumir
í „mótmælaskyni“ enn þá rusli þar
sem gámarnir voru áður. „Þeir
sem ekki þekkja til halda svo að
þetta sé viðeigandi og bæta bara
á.“
Júlíus kveðst ekki vilja tjá sig
um þá sem henda ruslinu vísvit-
andi þar sem það er bannað en
Valtýr segir það hins vegar vera
„harmleik“ viðkomandi einstakl-
inga. „Þetta eru sjálfsagt ein-
hvers konar mótmæli. Auðvitað
reynum við eftir fremsta megni
að hirða þetta síðan upp svo þetta
fjúki ekki um allt og sé til vansa í
umhverfinu,“ segir sveitarstjórinn.
gar@frettabladid.is
Eigendur sumarhúsa
svara með sóðaskap
Gámar á vegum Bláskógabyggðar hafa verið fjarlægðir úr sumarhúsahverfum.
Ósáttir sumarhúsaeigendur hafa kært og henda áfram rusli á gömlu gámastæð-
in í stað þess að fara með það á móttökustöðvar. Sorglegt, segir sveitarstjórinn.
VIÐ BÖÐMÓÐSSTAÐI Sumarhúsaeigendur mótmæla með því að halda áfram að
henda rusli hér þótt enginn sé gámurinn og bannað sé að skilja eftir úrgang á staðn-
um. FRÉTTABLAÐIÐ/GARÐAR
VIRKJANIR Ross J. Beaty, forstjóri
Magma Energy, er sagður hafa
sagt blaðamönnum tímaritsins
Reykjavík Grapevine ósatt um
fyrirætlanir
fyrirtækisins
hér á landi.
Beaty sagði
í viðtali við
Grapevine 16.
september
2009 að fyrir-
tæki hans hefði
engan áhuga
á að eignast
meirihluta í
HS orku. „Ég hef engan áhuga
á að kljást við Íslendinga, allra
síst ríkisstjórnina, um hvað sé
eðlileg orkustefna í landinu.“ Þá
hafi hann sagt Ísland spennandi
fjárfestingarkost, óháð efnahags-
lægðinni, og hann væri ekki að
nýta sér ástandið hér. Í viðtali
við fjárfestingarblaðið Hera
Research Monthly hafi hann hins
vegar sagt að ógjörningur hefði
verið að fjárfesta á Íslandi ef
ekki hefði verið fyrir efnahags-
hrunið. - kóp
Reykjavík Grapevine:
Segja Beaty
hafa sagt ósatt
ROSS J. BEATY
VÍSINDI Rannsókn vísindamanna
við háskólann í Newcastle hefur
leitt í ljós að fuglar velja síður líf-
rænt ræktað korn ef hefðbundið
korn er einnig í boði.
Niðurstöður rannsóknarinnar,
sem stóð yfir í þrjú ár, ætti að
vera fólki umhugsunarefni nú
þegar áherslan á lífrænt ræktað-
an mat eykst dag frá degi, segir
líffræðingurinn Ailsa McKenzie,
sem stýrði rannsókninni.
Hún rekur áhugaleysi fuglanna
á lífrænt ræktuðu korni til þess
að prótíninnihald í því sé minna
en í hefðbundnu korni. Fuglarnir
vilji sem prótínríkastan mat og
velji því hefðbundið korn. - bj
Rannsókn á lífrænni ræktun:
Fuglar velja sér
síður lífrænt
DÓMSMÁL Hæstiréttur hefur stað-
fest tveggja og hálfs árs fangels-
isdóm yfir 46 ára síbrotamanni,
Guðmundi Jakobi Jónssyni, fyrir
ótal afbrot framin á árunum 2008
og 2009.
Ákæran á hendur honum var
alls í 34 liðum, meðal annars
fyrir rán, fjársvik, þjófnaði, lík-
amsárás og fíkniefna- og umferð-
arlagabrot. Hann var sakfelldur
fyrir 33 af ákæruliðunum í
héraðsdómi og 32 í Hæstarétti.
Guðmundur á langan sakaferil
að baki, og hefur frá árinu 1990
hlotið fjórtán refsidóma fyrir
ýmis afbrot. - sh
Síbrotamaður í fangelsi:
Tvö og hálft ár
fyrir ótal afbrot
Verkfallsbann úr gildi
Áfrýjunardómstóll í Bretlandi hefur
fellt úr gildi bann við verkfalli flug-
freyja hjá British Airways. Flugfreyjur
geta því hafið fimm daga verkfall sem
þær hafa boðað að hefjist næsta
mánudag.
BRETLAND
HAMFARIR Stórvirkar vinnuvélar
voru notaðar í gær til að verja
mannvirki fyrir flóðinu í Svað-
bælisá undir Eyjafjöllum. Fyrir
hádegi tók að rigna og óx í ánni að
sama skapi, að sögn Ólafs Eggerts-
sonar bónda á Þorvaldseyri.
„Það er mjög mikið í ánni og
stöðugt rennsli,“ sagði hann síð-
degis í gær. „En þetta er ekki eins
þykkur korgur og í gær. Menn
börðust í gær við að halda ánni
í farveginum svo að hún flæddi
ekki yfir þjóðveginn eða kæmist
að húsinu á Lambafelli, en hún
rennur nærri því.
„Efnið sem runnið hefur niður
af jöklinum fyllir farveginn og þá
hækkar í ánni,“ útskýrði Ólafur.
Flóðið væri vatnskenndara en
áður og rynni greiðar fram. Síð-
degis í gær hafði heldur dregið úr
rigningunni á svæðinu.
Spurður um sýnina til jökulsins
sagði Ólafur að ekkert glitti í hann
vegna þoku sem næði niður í miðj-
ar hlíðar. Ekkert heyrðist heldur
til hans.
„En svart er að líta til fjalla,
alveg kolbikasvart,“ bætti Ólafur
við og sagði svifrykið hafa kvalið
fólkið á svæðinu mest, því þegar
það væri í loftinu væri ekki viðlit
að vera úti við, hvorki fyrir menn
né skepnur. - jss
SVAÐBÆLISÁ Áin ruddist kolgrá fram í
fyrradag þegar eðjuhlaup kom í hana.
Stórvirkar vinnuvélar notaðar í baráttunni við vatnsflauminn:
Vörðu mannvirki fyrir eðjuflóði
HVERAGERÐI Bæjarstjórn Hvera-
gerðis lýsir furðu sinni á því að
í samgönguáætlun Alþingis sé
ekki gert ráð fyrir framlagi til
Suðurlandsvegar heldur eigi að
horfa til aðkomu lífeyrissjóð-
anna. Komið hafi fram að arður
lífeyrissjóðanna ætti að felast í
veggjöldum.
Bæjarstjórnin telur að veggjöld
séu óásættanleg mismunun gagn-
vart íbúum sem margir hafa
sest að fyrir austan fjall í þeirri
trú að suðvesturhornið væri eitt
atvinnusvæði. - gar
Hvergerðingar mótmæla:
Segja veggjöld
óásættanleg
Ég held að allflestir
séu fylgjandi því að
flokka sorpið en opnunartím-
inn er skelfilegur og hentar
ekki svo stór hluti af fólkinu
endar með því að fara ruslið
heim til sín.
JÚLÍUS SIGURBJÖRNSSON
FORMAÐUR SUMARHÚSAEIGENDA
VEISTU SVARIÐ?