Fréttablaðið - 21.05.2010, Blaðsíða 23
FÖSTUDAGUR 21. maí 2010 3
„Hugmyndin kviknaði síðasta
sumar þegar við Inga Maren
bjuggum í Amsterdam og íhuguð-
um hvernig allt verður vonlaust
þegar t i l -
verunni er
snúið á hvolf
og hversu
erfitt yrði
að aðlagast
heiminum
upp á nýtt ef
hann snerist
bókstaflega
við,“ segir
Ásgeir Helgi
Magnús-
son, dansari
í Menningar-
félaginu, sem
um hvítasunnuhelgina frumsýnir
dansverkið Aftursnúið í Rýminu á
Akureyri.
„Listdans hefur hingað til verið
bundinn við höfuðborgarsvæðið
og því hafa dansunnendur lands-
byggðarinnar ekki notið hans
í sama mæli og borgarbúar. Á
Akureyri hefur svo verið rosaleg
uppsveifla í leiklistinni en okkur
finnst að dansinn eigi að fylgja
þeim takti og hefur Leikfélag
Akureyrar stutt okkur dyggilega í
þessari uppsetningu,“ segir Ásgeir
um fyrstu frumsýningu íslensks
dansverks norðan heiða.
Aftursnúið er þriðji viðburð-
ur Menningarfélagsins, en í því
eru auk Ásgeirs þær Inga Maren
Rúnarsdóttir dansari, �úlíanna
Lára Steingrímsdóttir vídeólista-
maður, sem sér um búninga- og
sviðsmyndarhönnun og Lydía
Grétarsdóttir tónsmiður sem sér
um tónsmíðar dansverksins.
„Við erum öll að sunnan, en eftir
dágóða dvöl hér á Akureyri værum
við öll sem eitt til í að setjast hér
að; slík er fegurð bæjarins, mann-
lífið gott og yndislegt að vera. Inga
Maren var hér reyndar á sumr-
um æsku sinnar og hefur verið
skotfljót að ná aftur norðlenska
hreimnum,“ segir Ásgeir kátur.
Hann segir Aftursnúið fylgja
tveimur einstaklingum í tilraunum
þeirra til að fóta sig við ókunnar
aðstæður og takast á við heiminn
eftir að honum hefur verið snúið
á hvolf.
„Inntak verksins er áföll í lífi
fólks og eftirmálar þeirra. Fólk
fær á tilfinninguna að við séum í
lausu lofti og víst skapast vá!-áhrif
meðal áhorfenda, þótt við séum
jafn háð þyngdarlögmálinu og
þeir. Verkið er blanda af nútíma-
dansi og fimleikum, en hugmynd-
in er fersk og hefur ekki verið
útfærð á þennan hátt áður,“ segir
Ásgeir sem viðurkennir að dans-
inn reyni verulega á þegar búið er
að dansa á hvolfi í nokkrar mínút-
ur og blóð streymir til höfuðsins.
„Þá fer mann dálítið að svima og
þráir að tilveran öðlist sinn sama
sess. Þetta reynir heilmikið á
okkur, en við erum komin í topp-
form eftir þrotlausar æfingar. Og
ef útkoman leggst vel í landann
er ekki loku fyrir það skotið að
við komum í sýningarferð suður,“
segir Ásgeir sem starfar sem dans-
ari í Hollandi en kemur til starfa í
verkefni Íslenska dansflokksins á
hausti komanda.
Aftursnúið verður sýnt 22., 23.
og 28. maí klukkan 20. Miðapant-
anir á 4600200 og á www.leikfelag.
is. thordis@frettabladid.is
Í öfugum heimi
Maður hlammar sér ekki jafn léttilega í stofusófann þegar heimur-
inn snýst á hvolf og ljósakróna flækist fyrir manni á gólfinu, en þá
glímu há fimir dansarar í tilfinningaróti öfugrar heimsmyndar.
Ásgeir Helgi Magnús-
son dansari.
Það er enginn hægðarleikur að komast um heima þegar gólfið er komið upp í loft
og loftið orðið að gólfi, eins og sjá má hjá dönsurunum Ásgeiri og Ingu Maren sem
reyna að fóta sig við kunnuglegar en ómögulegar aðstæður. Mynd/úr eInkasafnI
Menningarhúsið HOF �erð�r
formlega opnað 27. ágúst
2010. HOF m�n skapa �erð-
�gan ramma �m menningar-
og tónlistarlíf á Ak�reyri.
www.menningarhus.is
Tilboð á
hreinlætistækjum
Gæði, þjónusta og ábyrgð - það er TENGI
IFÖ salerni með setu
Verð kr. 34.900,-
Sphinx upphengt salerni, og seta
Verð kr. 19.900,-
Mora sturtutæki með upp eða niður stút
Verð kr. 19.950,-
IFÖ Next sturtuklefi 80x80
Verð kr. 99.900,-
Mora Eco sturtusett
Verð kr. 5.500,-