Fréttablaðið - 24.06.2010, Síða 18

18 24. júní 2010 FIMMTUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
MENNING: Páll Baldvin Baldvinsson fulltrúi ritstjóra pbb@frettabladid.is HELGAREFNI: Anna Margrét Björnsson amb@frettabladid.is og Sigríður Björg Tómasdóttir sigridur@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
Ákvörðun leiðtogafundar ESB um að hefja aðildarviðræður við Ísland er
fagnaðarefni. Margir spyrja: Hvers vegna
á að hefja aðildarviðræður nú? Eru ekki
önnur mál brýnni? Svarið er einfalt. Við
erum að súpa seyðið af vondum stjórnar-
háttum Sjálfstæðisflokks og Framsókn-
arflokks árum saman. Stjórnvöld höguðu
málum svo að frelsi í fjármagnsflutning-
um var unnt að misnota af skammsýnum
bankamönnum. Vildarvinum voru afhent-
ir bankar og þess gætt að eftirlit uppfyllti
einungis lágmarkskröfur. Markmiðið var
sem fyrr að hlaða undir hina fáu á kostnað
hinna mörgu.
Ef Ísland hefði verið í ESB hefði verið
erfiðara að skrifa og leika þetta ömurlega
leikrit. Aðhald nágrannaríkja hefði fyrr
krafið íslensk stjórnvöld reikningsskila.
Aðild að stærra gjaldmiðilssvæði hefði
tryggt stöðugri efnahag og þvingað óábyrg-
ar ríkisstjórnir til að halda aftur af inni-
stæðulausum skattalækkunum sem hafa
valdið okkur öllum tjóni. Lægra vaxtastig
samfara aðild hefði auðveldað hátæknifyr-
irtækjum atvinnurekstur og uppbyggingu
starfa hér á landi.
Við höfum náð miklum árangri í hreins-
unarstarfi eftir vitleysishagstjórnartím-
ann. Við erum að ná tökum á ríkisútgjöld-
um með aðhaldsaðgerðum og aukum um
leið tekjuöflun til að standa undir nauð-
synlegri velferðarþjónustu. Árangur-
inn mun koma hratt í ljós, með hagvexti
strax á næsta ári. Ef við höldum sjó bendir
flest til að þá verði Ísland í betri stöðu en
flest önnur ríki í okkar heimshluta. En sá
árangur verður skammvinnur ef við leggj-
um ekki grunn að stöðugra efnahagsum-
hverfi til lengri tíma með lágum vöxtum og
traustum lífskjörum.
Við vitum af reynslunni til hvers krón-
an leiðir. Við þurfum ekki aftur að upplifa
að skuldir okkar tvöfaldist vegna geng-
ishruns. Við þurfum ekki að láta börn-
in okkar upplifa að missa tök á fjármál-
um sínum vegna óðaverðbólgu – rétt eins
og kynslóðirnar á undan. Við þurfum ekki
aftur að upplifa nærri 20% stýrivexti árum
saman, sem þvinguðu fólk til áhættu-
samrar lántöku í erlendum gjaldmiðli. Við
þurfum ekki aftur að upplifa að sjá vaxta-
brodda atvinnulífsins flytja stóran hluta
starfsemi sinnar úr landi til að lifa af.
Þess vegna þurfum við traustan grunn.
Aðild að ESB er eina leiðin til að snúa baki
við stöðugum óstöðugleika íslensku krón-
unnar og kveðja svartnætti okurvaxta og
verðtryggingar. Þess vegna má aðildarum-
sóknin ekki bíða.
Hvers vegna aðild að ESB nú?
Evrópumál
Árni Páll
Árnason
félags- og trygg-
ingamálaráðherra
HANNAÐ AF FAGFÓLKI - Á VERÐI FYRIR ÞIG
LJÓST HÁR
Sérhönnuð hárvörulína fyrir
Lengir tímann sem liturinn endist í hárinu
Breyttar forsendur
Páll Magnússon útvarpsstjóri
hefur ráðið Sigrúnu Stefánsdótt-
ur, dagskrárstjóra útvarps, í starf
dagskrárstjóra sjónvarps RÚV. Forveri
Sigrúnar, Erna Kettler, sagði starfinu
lausu vegna veikinda en Páll segir að
hún verði aðstoðarmaður Sigrúnar.
Enginn hefur gegnt því starfi
á undanförnum árum en Páll
gengur út frá því að stöðu-
gildið hljóti að hafa verið til á
einhverjum tímapunkti.
Ef það er ekki verið að sam-
eina stöður dagskrárstjóra
útvarps og sjónvarps er
ljóst að það er verið að
fjölga stöðugildum hjá RÚV. Það
væri ánægjuefni, því ekki er nema
hálfur mánuður síðan útvarpsstjóri
lýsti því í bréfi til ráðherra að segja
þyrfti upp þrjátíu til fjörutíu manns ef
niðurskurðarhugmyndir stjórnvalda á
rekstri RÚV næðu fram að ganga.
Kaldar kveðjur
Vefþjóðviljinn fjallar um
ákvörðun Hönnu Birnu
Kristjánsdóttur að þiggja
boð um að setjast í stól
forseta borgarstjórnar.
Greinarhöfundur er ekki hrifinn
og heimfærir dæmið á Alþingi. „Ef
embætti þingforseta kæmi í hlut
Sjálfstæðisflokksins nú, þá yrði fyrir
valinu einhver reyndur þingmaður
sem mætti missa úr eldlínunni.“ Að
sama skapi væri Hanna Birna alltof
dýrmætur forystumaður til að vera
forseti borgarstjórnar.
Stefán Pálsson sagnfræðingur
barnar færsluna á bloggi sínu
og nefnir nafnið sem Vefþjóð-
viljinn gerir ekki: „Auðvitað
hefði hún getað svarað: Þetta er
rausnarlega boðið – þið fáið
Júlíus Vífil!“
bergsteinn@frettabladid.is
F
lokksstofnanir þriggja stærstu stjórnmálaflokka þjóð-
arinnar funda um komandi helgi. Þetta eru fyrstu fund-
irnir af því tagi, sem haldnir eru eftir að skýrsla rann-
sóknarnefndar Alþingis kom út og eftir að haldnar voru
sveitarstjórnarkosningar, þar sem allir fjórir hefðbundnu
flokkarnir fengu skell. Þetta eru tengd mál; slök útkoma gömlu
flokkanna í kosningunum skrifast meðal annars á þá útreið sem
hið pólitíska kerfi fékk í rannsóknarskýrslunni.
Meiri athygli beinist að landsfundi Sjálfstæðisflokksins en
fundum hinna flokkanna, enda er landsfundur æðsta vald í málum
flokksins. Eftir því verður tekið,
hvernig fundurinn fjallar um
rannsóknarskýrsluna og niður-
stöður hennar, sem hafa reynzt
honum þungar í skauti. Bjarni
Benediktsson, formaður flokks-
ins, hefur talað hraustlega um að
flokkurinn verði að taka mark
á niðurstöðunum. Minna hefur
borið á raunverulegri vinnu, sem miðar að sama markmiði.
Á síðasta landsfundi, í ársbyrjun 2009, lá fyrir býsna beinskeytt
skýrsla svokallaðrar endurreisnarnefndar sem starfaði undir for-
ystu Vilhjálms Egilssonar, með þátttöku margra úr grasrót Sjálf-
stæðisflokksins. Þar var forysta flokksins meðal annars gagnrýnd
harðlega. Fyrrverandi formaður flokksins, Davíð Oddsson, jarðaði
þá skýrslu í ræðu á landsfundinum og ekki hefur orðið vart við að
ný flokksforysta hafi reynt að grafa hana upp aftur. Þó blasir við
að Sjálfstæðisflokkurinn verður að gera upp árin fyrir hrun, vilji
hann á ný höfða til breiðs hóps.
Búast má við að á landsfundinum verði lögð fram tillaga um að
Ísland dragi til baka umsókn sína um aðild að Evrópusamband-
inu, eins og Fréttablaðið greindi frá í gær. Meðal stuðningsmanna
Sjálfstæðisflokksins hefur andstaða við ESB-aðild farið hlutfalls-
lega vaxandi, bæði í takt við þróun almenningsálitsins í landinu
og vegna þess að einhverjir af Evrópusinnaðri stuðningsmönn-
um hans hafa snúið við honum bakinu. Með því að loka á aðildar-
viðræður við ESB myndi Sjálfstæðisflokkurinn hins vegar gera
þrennt. Hann myndi spilla fyrir möguleikum sínum á að ná aftur
til þeirra, sem í síðustu þingkosningum kusu aðra flokka vegna
Evrópumálanna. Hann myndi takmarka möguleika sína á árang-
ursríkri stjórnarþátttöku við samstarf með Vinstri grænum. Og
hann myndi hrekja á brott enn fleiri stuðningsmenn, ekki sízt úr
atvinnulífinu, sem telja afar brýnt að niðurstaða fáist í aðildarvið-
ræðum við ESB, sem þjóðin geti síðan greitt atkvæði um.
Evrópumálin eru þau eðlis að þau kljúfa iðulega flokka, bæði
hér á landi og erlendis. Hugsanlega geta íslenzku flokkarnir eitt-
hvað lært af norska Verkamannaflokknum, sem fyrir þjóðarat-
kvæðagreiðsluna um EB-aðild 1972 keyrði harða EB-aðildarlínu
og útmálaði andstæðinga aðildar sem svikara. Afleiðingin varð sú
að margir EB-andstæðingar fóru úr flokknum og hann klofnaði í
raun. Fyrir atkvæðagreiðsluna um ESB-aðild 1994 beitti flokksfor-
ystan annarri nálgun; hélt því opnu að tvær skoðanir væru innan
flokksins, viðurkenndi báðar og gerði flokkinn ekki að vígvelli
stuðningsmanna og andstæðinga ESB-aðildar heldur leyfði þeim
átökum að fara fram á öðrum vettvangi, þannig að flokksmenn
gætu einbeitt sér að því sem þeir voru sammála um.
Nær Sjálfstæðisflokkurinn vopnum sínum á landsfundi?
Hrunið og Evrópa
Ólafur Þ.
Stephensen
olafur@frettabladid.is
SKOÐUN