Fréttablaðið - 25.06.2010, Blaðsíða 10
25. júní 2010 FÖSTUDAGUR
ÁRBORG Stöður sérfræðings í
umhverfismálum og verkefn-
isstjóra í íþrótta-, forvarna- og
menningarmálum í Árborg verða
lagðar niður, gangi hugmyndir
meirihlutans eftir. Tillögur þess
efnis verða lagðar fram á fundi
bæjarráðs í dag. Þá verður staða
starfsmannastjóra lögð niður, en
enginn hefur gegnt henni í tvö ár.
Samkvæmt heimildum Frétta-
blaðsins var einnig rætt við tvo
yfirmenn á Fjölskyldumiðstöð, en
ekki hefur verið tekin ákvörðun
um að leggja þær stöður niður.
Elfa Dögg Þórðardóttir, formað-
ur framkvæmda- og veitustjórnar,
segir að þetta sé hluti af sparnað-
araðgerðum nýs meirihluta. Sveit-
arfélagið sé þannig sett að gera
þurfi ákveðnar breytingar. Búið
sé að ákveða að leggja þessar stöð-
ur niður og ræða við viðkomandi.
Önnur svið séu einnig til skoðunar,
en hún búist ekki við fækkun þar.
Ragnheiði Hergeirsdóttur, odd-
vita Samfylkingarinnar og fyrrum
bæjarstjóra, líst illa á málið. Hún
segir aðferðafræðina dapurlega og
vandséð hví liggi svona á.
„Það liggur ekki fyrir nein
stefna eða hugmyndir um það
hvernig skipulagið á að vera í
kjölfarið, hvert þau verkefni sem
þarna er verið að leggja niður eiga
að fara, hvort það eigi að hætta að
sinna þeim eða fela það öðrum
starfsmönnum. Mér finnst það lág-
markskrafa þegar fólk fer í skipu-
lagsbreytingar með niðurlagningu
starfa, að það liggi fyrir í hvaða átt
á þá að halda.“
Elfa Dögg segir breytingarn-
ar hins vegar vera gerðar að yfir-
lögðu ráði og þeim verkefnum sem
viðkomandi aðilar sinntu hafi verið
komið fyrir annars staðar.
Tómstundafulltrúi sveitarfélags-
ins er hættur og Elfa Dögg segir
að gerðar verði breytingar á þeim
sviðum. Ráðinn verði nýr starfs-
maður sem taki yfir tómstunda-
og íþróttamál.
Staða sérfræðings í umhverf-
ismálum var stofnuð fyrir tveim-
ur árum og var Elfa Dögg þá einn
umsækjenda. Hún segir að sveit-
arfélagið hafi ekki efni á að halda
þeirri stöðu úti núna. Hún segir að
umhirðumál í sveitarfélaginu muni
falla beint undir þá nefnd sem sjái
um framkvæmda- og veitustjórn-
ina, sem hún er í forsvari fyrir.
Ragnheiður segir dapurlegt
að leggja niður stöður í þessum
málaflokkum, gott starf hafi verið
unnið á þeim sviðum sem sveitar-
félagið hafi fengið viðurkenningar
fyrir. „Mér finnst þetta bera vott
um að fólk sé ekki búið að setja sig
inn í málin.“ kolbeinn@frettabladid.is
Spara í umhverfis-
og forvarnamálum
Tvær stöður verða lagðar niður hjá Árborg í umhverfismálum og á fjölskyldu-
sviði. Illa unnið og stefnulaust segir fulltrúi minnihlutans. Nefndarformaður
sótti um stöðu umhverfissérfræðings sem nú verður lögð niður.
ÁRBORG Lagt verður til á fundi bæjarráðs í dag að leggja niður tvær stöður á sviði
umhverfismála og íþrótta-, forvarna og menningarmála. Þá stendur einnig til að
leggjan niður stöðu starfsmannastjóra sem enginn hefur gegnt í tvö ár. FRÉTTABLAÐIÐ/GVA
Laugavegi 172-174 · 590 5000 · hekla.is · hekla@hekla.isÞjónustuver og þjónustumóttökur: Opið frá 8-17 alla virka daga · Pantanasími 590 5030 · thjonusta@hekla.is. Netspjall á www.hekla.is.
Vaxtalaust 100% þjónustulánLáttu þinn Audi
njóta sín í sumar
Elías og félagar sjá til þess að Audi bíllinn þinn njóti sín til fulls í sumar. Þú getur fengið vaxtalaust 100% lán fyrir því
sem þarf til að gera með sveigjanlegum greiðslum til allt að tólf mánaða*. Láttu okkur gera betur við bílinn þinn.
Val um upprunalega eða ódýrari varahluti Sérstök hraðþjónusta í boði Ókeypis forgreining
*Lán geta numið að hámarki 500 þús, að lágmarki 60 þús. Lántökugjald: 3%.
Þjónustulán
0% vextir
Fastus ehf. | Síðumúla 16 | 108 Reykjavík | Sími 580 3900 | www.fastus.is
Ansell einnota hanskar