Fréttablaðið - 30.06.2010, Blaðsíða 2

2 30. júní 2010 MIÐVIKUDAGUR
„Ólafur, hefur einhvern tím-
ann verið sussað á ykkur?“
„Nei, það erum við sem sussum á
aðra eins og nafnið gefur kynna.“
Ólafur Örn Nielsen er formaður SUS,
Sambands ungra sjálfstæðismanna. SUS
fagnar um þessar mundir 80 ára afmæli
en Ólafur sagði í Fréttablaðinu í gær að
skoðanir SUS og Sjálfstæðisflokksins
hefðu ekki alltaf farið saman.
FÓLK Breskur ferðamaður sem
var hér á ferð skömmu fyrir efna-
hagshrun, er sannfærður um að
hraunmoli sem hann hafði með
sér af landi brott sé uppspretta
allrar hans ógæfu. Eftir að hann
kom heim með molann varð hann
fyrir ýmsum skakkaföllum, bæði
í einka- og opinbera lífinu, og
tengdi það molanum.
Hann sá að við svo búið máti
ekki standa og sendi molann til
Jarðvísindastofnunar Háskóla
Íslands og bað um að honum yrði
komið á tilhlýðilegan stað.
„Honum var full alvara með
þetta og hann var ekkert að
grínast,“ segir Rikke Peder-
sen, sérfræðingur á stofnuninni.
„Hann hafði verið í ferðalagi með
fjölskyldu sinni
hér og alls kyns
slæmir hlut-
ir hentu hann
þegar hann kom
heim. Hann var
alveg viss um
að það væri
vegna steinsins
sem hann hafði
tekið í leyfis-
leysi. Hann var
viss um að þetta
myndi lagast ef hann sendi hann
til Íslands.“
Rikke fékk steininn ásamt bréfi
með útskýringum, en hefur það
því miður ekki lengur undir hönd-
um. Hún gerði gangskör að því í
gær að verða við bónum um stein-
inn og kom honum á Iceland Tour-
ist Assistance. Þar höfðu menn
samband við Norðurflug og þaðan
var flogið með hann á gosstöðv-
arnar í gær, en þar er að finna
nýjasta hraunið hér á landi.
„Það má tengja þetta þjóðtrú
um steina,“ segir Kristinn H.
Schram þjóðfræðingur. Hann
segir Jón Árnason ræða um nátt-
úrusteina í Íslenskum þjóðsögum
og ævintýrum. Bæði séu til heilla-
steinar og óheilla og samkvæmt
Jóni þurfi mikla kunnáttu og
þekkingu til að nýta sér þá. Best
er að tína þá á Jónsmessu.
„Á hinn bóginn má setja þetta
í samhengi við trú á álagabletti.
Það hefur verið gömul þjóðtrú að
allt þess konar væri í eign ein-
hverrar vættar eða álfa sem legðu
reiði sína á bóndann ef hann nytj-
aði blettina. Það væri honum hins
vegar til hagsbóta ef hann gerði
það ekki.“
Kristinn segir þetta tengjast
náttúrufriðun sem komin sé inn
í ferðaþjónustuna. „Þetta eru
náttúrulega ekki nákvæm vís-
indi, en maður sér í þessari þjóð-
trú með hvaða hætti hún er tengd
náttúrufriðun, bændum og búa-
liði til hagsbóta. Í þessu tilfelli
er þetta kannski komið yfir í
ferðamennskuna þar sem svona
frásagnir göfga landið.“
kolbeinn@frettabladid.is
Taldi hraunmolann
uppsprettu ógæfu
Breskur ferðamaður hefur skilað aftur hraunmola sem hann tók héðan í leyfis-
leysi. Taldi molann uppsprettu allrar sinnar ógæfu. Molanum hefur verið skilað
aftur og var flogið með þyrlu á gosstöðvarnar. Gömul þjóðtrú er tengd steinum.
MOLINN FRÆGI Hraunmolinn, eða hrunmolinn, var tekinn skömmu fyrir efnahags-
hrun. Bretinn taldi hann uppsprettu ógæfu sinnar og honum hefur nú verið skilað til
foldar á ný. Jón K. Björnsson hjá Norðurflugi sá til þess. FRÉTTABLAÐIÐ/STEFÁN
KRISTINN SCHRAM
Hann hafði verið í
ferðalagi með fjöl-
skyldu sinni hér og alls kyns
slæmir hlutir hentu hann
þegar hann kom heim.
RIKKE PEDERSEN
SÉRFRÆÐINGUR
MENNING Harpa, nýja tónlistar- og
ráðstefnuhúsið í Reykjavík, verður
opnuð eftir 308 daga, nánar tiltekið
miðvikudaginn 4. maí 2011. Þetta
var tilkynnt á blaðamannafundi í
tónleikasal hússins í gær.
Húsið verður opnað með sinfón-
íutónleikum undir stjórn Vlad im-
irs Ashkenazy. Tíu dögum síðar,
14. maí, verður haldin viðamikil
opnunardagskrá.
Húsið var hannað af dönsku
arkitektastofunni Henning Lar-
sen og Ólafi Elíassyni myndlistar-
manni. Lýstu fulltrúar stofunnar
og Ólafur yfir ánægju með hvernig
til hefði tekist með húsið. Nánar
verður rætt við Ólaf Elíasson í
Fréttablaðinu á morgun. - bs
Tónlistarhúsið Harpa:
Húsið opnað
4. maí að ári
AÐSTANDENDUR HÖRPU Frá vinstri:
Pétur J. Eiríksson, stjórnarformaður Port-
us, Ólafur Elíasson, Osbjørn Jacobsen
arkitekt og Peer T. Jeppesen arkitekt.
FRÉTTABLAÐIÐ/ ARNÓR
FÓLK Hvatningarátakið Til fyrir-
myndar náði hámarki í gær. Þá
safnaðist fjöldi fólks saman í Iðnó
til þess að skrifa þakkarbréf til
þeirra sem eru taldir hafa verið til
fyrirmyndar.
Meðal þeirra sem skrifuðu bréf
var Vigdís Finnbogadóttir fyrr-
verandi forseti, en í gær voru þrjá-
tíu ár liðin frá því að hún var fyrst
kvenna kjörin forseti í lýðræðisleg-
um kosningum. Átakið er haldið í
tilefni af því og er henni til heið-
urs. Vigdís skrifaði dóttur sinni og
tengdasyni bréf í gær og þakkaði
þeim fyrir að vera góðir foreldrar.
Bréfsefni til að skrifa bréfin bár-
ust inn á heimili í gær og munu ber-
ast inn á fleiri heimili í dag. Einnig
verður hægt að nálgast bréfsefnin
á pósthúsum og hjá N1 um allt land.
Bréfin er hægt að setja ófrímerkt í
póst innanlands. - þeb
Fjöldi fólks settist niður í Iðnó í gær í tilefni af átakinu Til fyrirmyndar:
Margir eiga von á þakkarbréfi
VIGDÍS FINNBOGADÓTTIR Vigdís var á meðal þeirra sem skrifuðu bréf í Iðnó í gær.
Haldið var upp á að þrjátíu ár voru liðin frá kjöri hennar. FRÉTTABLAÐIÐ/STEFÁN
GRIKKLAND, AP Tugir grímu-
klæddra ungmenna lentu í átökum
við lögreglu í gær í Aþenu, höf-
uðborg Grikklands, á mótmæla-
fundi sem verkalýðsfélög efndu
til í tengslum við allsherjarverk-
fall gegn aðhaldsaðgerðum stjórn-
valda.
Óeirðalögregla beitti táragasi og
hvellsprengjum til að dreifa hópn-
um sem hafði kastað grjóti, brot-
ið rúður og kveikt í ruslatunnum.
Sumir réðust með bareflum að lög-
reglumönnum.
Sjö lögreglumenn særðust í átök-
unum, en þrettán mótmælendur
voru handteknir. - gb
Grikkir mótmæla sparnaði:
Hópur réðst á
lögreglumenn
ÁTÖK Í AÞENU Fimmta allsherjarverk-
fallið hófst í Grikklandi í gær til að
mótmæla aðhaldsaðgerðum.
BANDARÍKIN, AP David Petraeus
herforingi, sem tók við af hinum
brottrekna Stanley McChrystal
sem yfirmaður fjölþjóðaliðs NATO
í Afganistan, segist ætla að meta
það undir árslok hvort hann mæli
með því að brotthvarf Bandaríkja-
hers frá Afganistan verði teygt á
langinn.
Barack Obama Bandaríkja-
forseti hefur boðað að brott-
hvarf hefjist um mitt næsta ár, en
hversu hratt það verður fari eftir
aðstæðum.
„Mér sýnist að harðir bardagar
muni halda áfram. Þeir gætu orðið
enn ákafari næstu mánuðina,“
segir Petraeus. - gb
Brotthvarf hersins gæti tafist:
Petraeus segist
ekki bjartsýnn
N
O
R
D
IC
PH
O
TO
S/A
FP
DÓMSMÁL Ákæra á hendur Styrmi
Þór Bragasyni, fyrrverandi for-
stjóra MP banka, er haldlaus, að
sögn Ragnars H. Hall lögmanns
hans. Styrmir er ákærður fyrir
hlutdeild í meintum umboðssvik-
um Ragnars Zophoníasar Guðjóns-
sonar, fyrrum sparisjóðsstjóra
Byrs, og Jóns Þorsteins Jónssonar
fyrrum stjórnarformanns spari-
sjóðsins.
Málið er það fyrsta frá embætti
sérstaks saksóknara sem kemst á
ákærustig. Það snýst um 1,1 millj-
arða lán Byrs til félagsins Exeter
Holding eftir bankahrunið. Lánið
er talið hafa valdið sparisjóðn-
um miklu fjárhagslegu tjóni. Pen-
ingarnir voru nýttir til að kaupa
stofnfjárbréf í Byr af MP banka,
Jóni Þorsteini og Birgi Ómari Har-
aldssyni, fyrrum stjórnarmanni í
Byr.
Styrmir er sem fyrr segir
ákærður fyrir hlutdeild í því máli.
Ragnar segir háttsemi Styrm-
is hafa falist í því að selja stofn-
fjárbréf og taka við greiðslu fyrir
hönd MP banka. Það sé ekki refsi-
verð háttsemi.
Önnur mál eru langt á veg komin
hjá sérstökum saksóknara, en hann
treystir sér ekki til að svara því
hvenær fleiri rannsóknum ljúki.
- þeb
Lögmaður fyrrverandi forstjóra MP banka um ákæru á hendur honum:
Sýndi ekki refsiverða háttsemi
STYRMIR ÞÓR BRAGASON Styrmir er
ákærður fyrir hlutdeild sína í Byr-málinu.
FRÉTTABLAÐIÐ/STEFÁN
ÁLFTANES Bæjarstjórn Álftaness
hefur samþykkt að biðja bæjar-
stjórn Garðabæjar um að hefja
viðræður um mögulega samein-
ingu sveitarfélaganna.
Bæjarstjórnin ákvað þetta á
fundi sínum í gær. Í könnun sem
var gerð meðal bæjarbúa í mars
settu 44 prósent þeirra samein-
ingu við Garðabæ sem fyrsta kost
en 34 prósent Reykjavík. Því var
ákveðið að óska fyrst eftir við-
ræðum við Garðabæ, þrátt fyrir
að borgarráð Reykjavíkur hafi
lýst yfir áhuga á viðræðum. - þeb
Álftanes skoðar sameiningu:
Vilja viðræður
við Garðabæ
NEYTENDUR Verðlag matvæla á
Íslandi vorið 2009 var einungis
fjórum prósentum hærra en með-
altalsverð matvæla í 27 aðildar-
ríkjum Evrópusambandsins, í
evrum reiknað.
Þetta kemur fram í niðurstöðu
evrópskrar könnunar á verði mat-
væla, áfengis og tóbaks, sem birt
hefur verið á vef Hagstofu Íslands.
Þetta er mikil breyting frá könn-
un sem gerð var árið 2006, þegar
verðlag var 61 prósenti hærra hér
en í Evrópusambandinu.
Breytingin stafar einkum af
lækkun á gengi krónunnar. - gb
Könnun á verði matvæla:
Verðlagið hefur
nálgast Evrópu
SPURNING DAGSINS