Fréttablaðið - 30.06.2010, Blaðsíða 43

MIÐVIKUDAGUR 30. júní 2010 31
HM 2010 - 16 liða úrslit:
Paragvæ - Japan 0-0 (5-3)
Paragvæ komst áfram eftir vítaspyrnukeppni.
Spánn - Portúgal 1-0
1-0 David Villa (63.).
8-liða úrslit:
Úrúgvæ - Gana 2. júlí
Holland - Brasilía 2. júlí
Argentína - Þýskaland 3. júlí
Paragvæ - Spánn 3. júlí
ÚRSLIT
FÓTBOLTI Maradona er ánægður
með að fá loksins það hrós sem
að hans mati er verðskuldað. Fáir
höfðu trú á Maradona á HM en
hann hefur leitt Argentínu í 8 liða
úrslitin og liðið hefur spilað vel.
„Ég er mjög stoltur núna.
Margir sögðu að ég væri hálf-
viti eftir undankeppnina en núna
eftir fjóra leiki á HM að ég sé
frábær,“ sagði Maradona.
„Það er hrein fegurð að fá
að vera með leikmönnunum og
hópnum,“ bætti hann við. - hþh
Diego Maradona nýtur sín:
Var hálfviti en
er núna frábær
REYKUR Maradona púar vindil á æfingu
Argentínumanna. FRÉTTABLAÐIÐ/AFP
FÓTBOLTI Jorge Larrionda og
Roberto Rosetti fá ekki að dæma
fleiri leiki á HM eftir mistökin
sem þeir gerðu á sunnudaginn.
Larrioda sá ekki markið sem
Frank Lampard skoraði en skot
hans fór greinilega yfir línuna.
„Hann var sá eini á vellinum sem
sá þetta ekki, fyrir utan kannski
aðstoðardómarann,“ sagði Lamp-
ard eftir markið.
Rosetti gaf Argentínu mark
þegar Carlos Tevez kom þeim
yfir en hann var rangstæður
þegar hann skoraði. Reyndar er
báðum dómurunum refsað fyrir
mistök aðstoðardómara sinna.
Mistökin leiddu til þess að
Sepp Blatter, forseti FIFA, sá sig
knúinn til að biðja knattspyrnu-
sambönd Englands og Mexíkó
afsökunar.
Malímaðurinn Koman Couli-
baly sem dæmdi af löglegt mark
Bandaríkjanna gegn Slóvenum og
Frakkinn Stephane Lannoy sem
gaf Kaká glórulaust rautt spjald
hafa einnig verið sendir heim. - hþh
Fjórir dómarar sendir heim:
Refsað fyrir
mistök á HM
SENDUR HEIM Larrionda ásamt Lampard
í leiknum fræga. FRÉTTABLAÐIÐ/AFP
FÓTBOLTI Evrópumeistarar Spán-
verja bókuðu farseðilinn í 8-liða
úrslit HM með 1-0 sigri á Portú-
gal í gær. David Villa sá um bók-
unina, hann skoraði sitt fjórða
mark á HM sem reyndist nóg til
sigurs.
Í gær voru liðin tvö ár upp á
dag frá því að Spánverjar hömp-
uðu Evrópumeistaratitlinum. Gott
gengi þeirra hélt áfram en það
verður að segjast eins og er að
mótherjinn olli vonbrigðum.
Þar fór fremstur í flokki Cristi-
ano Ronaldo sem náði sér aldrei á
strik á mótinu. Hann virkaði eins
og algjör meðaljón og komst lítt
áfram. Hann fékk reyndar enga
aðstoð en sóknarleikur Portúgals
var í molum.
Fyrir utan sjö marka burstið
gegn liði Norður-Kóreu skoraði
Portúgal ekki mark á HM.
Þrátt fyrir að skora aðeins eitt
mark í leiknum í gær voru yfir-
burðir Spánverja miklir. Þeir
sýndu skemmtilega takta með lipr-
um sendingum og eftir eina slíka
sókn skoraði Villa gott mark.
Eduardo markvörður Portú-
gals, varði glæsilega í aðdraganda
marksins en Villa fylgdi á eftir og
setti boltann í slána og inn.
Margir leikmenn Spánverja
voru góðir en þeir eiga Fern-
ando Torres enn alveg inni. Hann
hefur engan veginn fundið sig en
hann er enn að ná sér af meiðsl-
um. Raunar var ekki talið líklegt
að hann byrjaði leikinn í gær en
það gerði hann án þess að ná sér
á strik.
Spánverjar hafa ekki komist
lengra en í átta liða úrslitin síðan á
HM 1950 þegar þeir lentu í fjórða
sæti. Nú mæta þeir liði Paragvæja
í 8-liða úrslitunum og eru til alls
líklegir. - hþh
Sóknarleikur Portúgala enginn og Ronaldo var týndur í tapinu gegn Spáni í gær:
David Villa skaut Spáni áfram
KOSS Villa fékk koss frá Sergio Ramos eftir markið í gær. FRÉTTABLAÐIÐ/AP