Fréttablaðið - 30.06.2010, Blaðsíða 19

Sölufulltrúar Henný Árnadóttir henny@365.is 512 5427 Jóna María Hafsteinsdóttir jmh@365.is 512 5473 Þórdís Hermannsdóttir thordish@365.is 512 5447
„Ég er algjör reynslufíkill og vil
prófa eitthvað nýtt og spennandi en
það var líka góð reynsla að kynn-
ast andlegu hliðinni á lífinu,“ segir
Hinrik Ólason sem dvaldi í tæpt ár
í Suður-Taílandi í bænum Hat Yai.
Undir lok dvalarinnar kynntist
hann lífi munka af eigin raun.
„Það var fyrir tilviljun en tveir
munkar héldu fyrirlestur um búdd-
isma í skólanum. Ég fór að spjalla
við þá um lífið og tilveruna og upp-
lifði þá í fyrsta skipti á ævinni að
hamingjan kemur innan frá. Þess-
ir menn áttu ekkert nema upplit-
aðan dúk sem þeir vöfðu um sig og
höfðu ekki verið með kvenmanni
í tugi ára. Samt hlógu þeir eins
og vitleysingar og reyttu af sér
brandarana! Það endaði með því
að annar þeirra bauð mér að ger-
ast lærisveinn sinn. Ég sló bara
til og rakaði af mér allt hárið og
augabrúnirnar,“ segir Hinrik, sem
gekk í gegnum vígsluathöfn, lærði
bænir á fornindversku og gerðist í
raun munkur í mánuð.
„Við sváfum á beru steingólfinu
með flugnanet yfir okkur í klaustr-
inu. Dagurinn byrjaði klukkan
4 með kaldri sturtu, svo tók við
bænastund. Eftir það fórum við
ölmusugöngu en Taílendingar vilja
gefa munkunum mat til að öðlast
gott karma. Það var sterk upplif-
un að sjá fólkið koma út úr litl-
um kofum, eigandi enga peninga
og gefa okkur af matnum sínum í
trú á eitthvað gott.“ Hinrik borðaði
aðeins ávexti í klaustrinu og fastaði
hálfan daginn. Hann segir sér þó
ekki hafa orðið meint af. „Ég var
auðvitað aðeins sjúskaður þegar
ég kom heim en aldrei þreyttur
eða veikur. Svo var ég fljótur að ná
mér aftur upp með skyri og rjóma
þegar ég kom heim.“
En hefur Hinrik haldið munka-
lífinu áfram heima á Íslandi?
„Nei, ég er ekki munkur í dag. Ég
lifi ekki skírlífi eða neitt þannig,“
segir hann hlæjandi. Hann reikn-
ar með því að heimsækja Taíland
aftur við tækifæri og heldur sam-
bandi gegnum netið. „Munkur-
inn sem ég var lærisveinn hjá er
til dæmis á Facebook. Ég spjalla
reglulega við hann og á örugglega
eftir að heimsækja Taíland aftur.“
heida@frettabladid.is
Gerðist munkur í mánuð
Hinrik Ólason, flokksstjóri í unglingavinnunni á Akureyri, dvaldi um tíu og hálfs mánaðar skeið í Taílandi
sem skiptinemi. Hinrik er óhræddur við að prófa nýja hluti og kynntist meðal annars klausturlífi munka.
Hinrik Ólason rakaði af sér hárið og augabrúnirnar og gerðist munkur í mánuð í Taílandi. MYND/ÚR EINKASAFNI
KAJAKFERÐIR býður upp á ferðir um lón einnar
fegurstu fjöru á Íslandi og vatnasvæðið vestan byggðar-
innar á Stokkseyri. Sjá www.kajakferdir.is
Bonito ehf. Friendtex,
Faxafen 10, 108 Reykjavík, sími: 568 2870 - www.friendtex.is
ÚTSALA
Opið mánud. – föstud.
frá kl 11 – 18
Lokað á laugardögum
Enn meiri
verðlækkun
40%50%
Hringdu í síma
ef blaðið berst ekki