Fréttablaðið - 30.06.2010, Blaðsíða 42

30 30. júní 2010 MIÐVIKUDAGUR
sport@frettabladid.is
FÓTBOLTI Landsliðskonan Dóra
Stefánsdóttir mun væntanlega
ekkert spila með Malmö í sænsku
úrvalsdeildinni í sumar þar sem
hún hefur verið að glíma við
erfið meiðsli. Í byrjun maímán-
aðar fékk hún að vita að hún væri
með brjóskskemmdir í hné og var
fyrirskipað að hvíla það eins vel og
mögulegt er.
„Það þýðir einfaldlega að ég
má ekki hlaupa hvað þá æfa með
bolta,“ segir Dóra í samtali við
Fréttablaðið. „Það eru líka ein-
hverjar taugaskemmdir í fætinum
og hef ég verið á fullu í endurhæf-
ingu vegna þessa.“
Dóra segir að líklega sé um
álagsmeiðsli að ræða. „Það var
ekkert sérstakt sem gerðist hjá
mér. Ég fór í tvær aðgerðir á síð-
asta ári, í september og desem-
ber, þar sem hluti af liðþófanum
var tekinn. Það er á þeim stað sem
liðþófinn veitir vanalega stuðning
sem brjóskskemmdirnar eru. Það
er í raun ekki vitað hvenær þetta
kom til.“
Hún mun næst fara í myndatöku
hér á landi í ágúst og fær þá von-
andi jákvæð svör. „Það eina sem
ég get gert er bara að vona það
besta og að ég fái jákvæð svör.“
En þó svo að hún fengi grænt
ljós á að byrja að æfa á nýjan leik
er ólíklegt að hún myndi ná loka-
sprettinum á tímabilinu í Svíþjóð.
„Þá verða fjórir mánuðir liðn-
ir síðan ég hljóp síðast og þá á ég
talsvert langt í land með að koma
mér aftur í nægilega gott form.“
Samningur hennar við Malmö
rennur út í lok tímabilsins og alls
óvíst hvað tekur við þá. „Ég hef
fengið mikinn stuðning hjá öllum
í félaginu og ég vil auðvitað vera
áfram hér. Þetta er mjög sterkt
lið og það hefur gengið mjög vel
á tímabilinu. En eins og staðan er
nú þýðir ekkert að ræða um mína
framtíð. Ég vona auðvitað að lið-
inu gangi jafn vel á næsta sumri
og að ég fái að taka þátt í því þá.
En það er alveg ljóst að félagið er
ekki að reka neina góðgerðastarf-
semi og því algerlega óljóst hvað
gerist.“
Malmö er sem stendur langefst í
sænsku úrvalsdeildinni en liðið er
enn taplaust og hefur aðeins gert
eitt jafntefli. Þóra B. Helgadótt-
ir er aðalmarkvörður liðsins og
hefur aðeins fengið á sig átta mörk
í þrettán deildarleikjum í sumar.
„Það er auðvitað mjög erfitt að
þurfa að missa af tímabilinu. Ég
væri mikið til í að taka þátt þessu
en það þýðir lítið að tala um það
– svona er þetta bara stundum í
fótbolta,“ segir Dóra.
Hún hefur einnig sem áður mik-
inn metnað fyrir því að spila með
íslenska landsliðinu. „Að sjálf-
sögðu. Ég hefði gert allt til að ná
leiknum gegn Frakklandi en mun
þess í stað bara mæta á völlinn og
öskra úr mér lungun í stúkunni.“
Ísland mætir Frakklandi í hrein-
um úrslitaleik á Laugardalsvellin-
um þann 21. ágúst næstkomandi
um hvort liðið komist áfram upp
úr riðlinum og í umspil um sæti á
HM 2011. eirikur@frettabladid.is
Get bara vonað það besta
Dóra Stefánssdóttir mun af öllum líkindum missa af öllu tímabilinu í sænsku
úrvalsdeildinni vegna meiðsla. Hún hefur ekkert getað spilað í sumar þar sem
hún er með brjóskskemmdir í hné. Óvíst er hvort hún verður áfram í Svíþjóð.
DÓRA STEFÁNSDÓTTIR Hér í leik með íslenska landsliðinu á síðasta ári.
FRÉTTABLAÐIÐ/STEFÁN
FÓTBOLTI Paragvæ vann fyrstu víta-
spyrnukeppni HM 2010 en Japan
fór heim með sárt ennið. Leikmenn
Paragvæs nýttu allar fimm spyrn-
ur sínar en Japanar skutu í slána
og þurftu svo ekki að taka síðustu
spyrnu sína þar sem úrslitin voru
ráðin.
Leikurinn var hrútleiðinlegur
og aðeins sláarskot Japana var
nálægt því að verða að marki.
Eftir bragðdaufar 120 mínútur
komst Paragvæ svo áfram.
„Við vorum óheppnir en við
kennum engum um. Við vinnum
sem heild og við töpum sem heild.
Vítaspyrnukeppnir snúast yfirleitt
um heppni og andstæðingar okkar
höfðu heppnina með sér núna. Við
erum vonsviknir að ná ekki lengra,“
sagði Keisuke Honda.
Gerardo Martino, þjálfari Para-
gvæja, fannst sitt lið betra heilt
yfir. „Ég er fyrst og fremst ánægð-
ur með að komast áfram. Þetta var
mikill baráttuleikur og liðin gáfu
fá færi á sér. Það er eðlilegt þegar
komið er svona langt á HM. Ég er
mjög stoltur af strákunum,“ sagði
þjálfarinn.
Þetta er í fyrsta sinn sem Para-
gvæ kemst alla leið í átta liða
úrslit. Liðið hefur aðeins fengið á
sig eitt mark í fjórum leikjum. Jap-
anar höfðu sett markið á að kom-
ast í átta liða úrslitin og voru ekki
langt frá takmarki sínu. - hþh
Paragvæ komst áfram í 8 liða úrslitin á HM eftir sigur á Japönum í gær:
Skotvissir Paragvæjar skoruðu
úr öllum vítaspyrnum sínum
FÖGNUÐUR OG SORG Leikmenn Para-
gvæs spretta til að fagna sigrinum í gær
en Japanar sitja eftir. FRÉTTABLAÐIÐ/AFP
Ósykrað
Hollur barnamatur fyrir 8 mánaða og eldri
www.barnamatur.is
Fjölbreytt og gott
veganesti fyrir lífið
> Stórleikur kvöldsins á Akureyri
Heil umferð fer fram í Pepsi-deild kvenna í knattspyrnu í
kvöld. Stórleikur kvöldsins er á Akureyri þar sem Þór/KA
tekur á móti KR. Norðanstúlkur eru í þriðja sæti deild-
arinnar og KR í því fjórða. Topplið Vals sækir Grindavík
heim og Breiðablik sem er í öðru sætinu
mætir Haukum. Hafnarfjarðarliðið er í
níunda og næstneðsta sæti. Grannar
þeirra í Hafnarfirðinum, FH, eru neðstir
en þær hvítklæddu mæta Stjörnunni í
Krikanum. Þá heimsækja Fylkisstúlkur
Mosfellsbæ og mæta þar Aftureldingu. Allir
leikirnir hefjast klukkan 19.15 nema leikur-
inn á Akureyri sem hefst klukkan 18.30.
GOLF Hlynur Geir Hjartarson leið-
ir stigalista Eimskipsmótaraðar-
innar í golfi eftir sigur á Canon-
mótinu um síðustu helgi. Hann er
með góða forystu en Kristján Þór
Einarsson er honum næstur.
Í kvennaflokki hefur Valdís
Þóra Jónsdóttir náð góðu forskoti,
hún hefur unnið tvö mót og lent
einu sinni í öðru sæti. - hþh
Stigalisti Eimskips-mótaraðar:
Hlynur Geir og
Valdís í forystu
HEITUR Hlynur hefur staðið sig vel í
sumar. FRÉTTABLAÐIÐ/STEFÁN
Staðan:
Karlaflokkur: Stig
1. Hlynur Geir Hjartarson (GK) 3129.38
2. Kristján Þór Einarsson (GKJ) 2655.00
3. Sigmundur E. Másson (GKG) 2431.88
4. Arnar Hákonarson (GR) 2259.38
5. Axel Bóasson (GK) 2182.50
6. Guðmundur Kristjáns. (GR) 2081.25
7. Sigurþór Jónsson (GK) 1800.00
8. Tryggvi Pétursson (GR) 1790.62
9. Ólafur Björn Loftsson (NK) 1779.38
10. Björgvin Sigurbergsson (GK) 1500.00
Kvennaflokkur:
1. Valdís Þóra Jónsdóttir (GL) 4132.50
2. Ólafía Kristinsdóttir (GR) 2685.00
3. Ingunn Gunnarsdóttir (GKG) 2362.50
4. Tinna Jóhannsdóttir (GK) 2362.50
5. Signý Arnórsdóttir (GK) 2062.50
FÓTBOLTI Þrír leikmenn Fylkis
voru dæmdir í leikbann af aga-
nefnd KSÍ í dag auk þjálfarans
Ólafs Þórðarsonar. Þetta eru
Andrés Már Jóhannesson, Ásgeir
Börkur Ásgeirsson og Þórir
Hannesson.
Andrés fékk tveggja leikja
bann vegna brottvísunar í leik
Fylkis og Fram og Ásgeir þriggja
leikja bann. Þórir fékk eins
leiks bann vegna fjögurra gulra
spjalda en Ólafur þjálfari tveggja
leikja bann.
Þá fékk FH-ingurinn Gunnleif-
ur Gunnleifsson eins leiks bann
eftir brottvísunina gegn Stjörn-
unni og Daníel Einarsson úr
Haukum eins leiks bann vegna
fjögurra gulra spjalda líkt og KR-
ingurinn Skúli Jón Friðgeirsson.
Selfyssingurinn Arilíus Mart-
einsson og Atli Sveinn Þórarins-
son og Baldur Aðalsteinsson úr
Val fengu einnig eins leiks bann
eftir að hafa fengið fjögur gul
spjöld. - hþh
Fylkismenn í leikbann:
Fjórir í samtals
sjö leikja bann
Á HLIÐARLÍNUNNI Ólafur Þórðarson
horfir á leikinn gegn Fram úr áhorfenda-
stæðinu eftir að hafa fengið rauða
spjaldið. FRÉTTABLAÐIÐ/VALLI
Fylkismenn eru mættir til Hvíta-Rússlands þar sem þeir mæta
Zhodino í fyrstu umferð forkeppni Evrópudeildar UEFA á morgun.
„Þetta var bara flug til Berlínar og svo í einn og hálfan tíma
til Minsk. Þetta er alls ekki erfitt ferðalag og það væsir ekkert
um okkur hér. Þetta lítur allt mjög vel út og betur en margur
áætlar. Við vorum reyndar í tvo tíma að fara í gegnum vega-
bréfaeftirlitið en það er nokkuð eðlilegt hérna skilst mér,“
sagði fyrirliðinn, Valur Fannar Gíslason.
Það er mikið álag á liðinu sem spilaði gegn Grindavík
á sunnudag þar sem liðið vann 2-1, það spilar svo á
morgun og næst á sunnudaginn. „Sá leikur
gæti reyndar verið færður fram á mánudag-
inn en það skiptir ekki öllu máli, við eigum
leik strax á fimmtudeginum eftir það en við vissum
alltaf að þetta yrði svona,“ sagði Valur og liðið leikur
því fjóra leiki á tólf dögum.
Allir skiluðu sér með skó og farangur en liðið æfir í dag en var í
fríi í gærkvöldi. Valur veit nákvæmlega ekkert um andstæðinginn
og því fara Fylkismenn hálfblindir inn í leikinn.
„Þeir hafa unnið tvo leiki af níu í deildinni og eru frekar neðar-
lega þar. Þeir komust í keppnina af því þeir spiluðu bikarúrslitaleik
við BATE en töpuðu samt,“ sagði Valur og bætti við að það
væri lítið að finna á Youtube af liðinu.
„Það frægasta sem við fundum var að dómari sem
dæmdi einu sinni fullur dæmdi leik hjá þeim. Fjalar
markmaður fann þetta á Netinu. En annars vitum við
það lítið að við ætlum bara að fara rólega inn í leikinn,
við vitum að hér er hefð fyrir góðum knattspyrnu-
mönnum.
Við vitum ekkert hvað við erum að fara út í og
byrjum rólega en breytum svo bara ef við þurfum,“
sagði Valur Fannar.
FYLKISMENN ERU Í HVÍTA-RÚSSLANDI TIL AÐ SPILA Í EVRÓPUKEPPNINNI: MÆTA ZHOPIDO Á MORGUN
Fundum lítið af andstæðingnum á Youtube