Fréttablaðið - 30.06.2010, Blaðsíða 24

30. JÚNÍ 2010 MIÐVIKUDAGUR2 ● fréttablaðið ● jaðarsport
Að sögn Þorra er hægt að nota landbretti
við ýmsar aðstæður allt árið um kring.
Hefurðu heyrt um landbretti?
Með þeim rúllarðu niður fjöll
eða sendnar fjörur með dreka.
„Við erum búnir að húrra niður
öll fjöll fyrir vestan og maður
er búinn að detta oft, en auðvit-
að byrjar maður smátt áður en
maður æðir á fullri ferð út í brjál-
æðið,“ segir Þorri Gestsson fjalla-
brettamaður sem stundað hefur
landbretti undanfarin þrjú ár.
„Landbretti eru tiltölulega stór
um sig, með sjálfstæða fjöðrun
og stórum „muddaradekkjum“,
ekki ósvipað breyttum fólksbíl á
stórum dekkjum. Við félagarnir
sáum þetta auglýst og ákváðum að
prófa, og höfum síðan látið okkur
bruna allt sem við höfum komist
á brettunum, en mest fer hraðinn
upp í 30 til 40 kílómetra á klukku-
stund,“ segir Þorri og vísar til fé-
laga síns Eyjólfs R. Bjarnasonar
en saman reka þeir vefverslun-
ina Vindsport þar sem kaupa má
landbretti.
„Landbretti eru oft notuð með
stórum flugdrekum, allt að tíu fer-
metrum, sem draga þau áfram.
Það sport hentar öllum, frá ömmu
og afa niður í litla krakka. Það er
hins vegar ekki allra að láta sig
húrra niður fjallshlíðar og þeir
sem aðhyllast slíkt sport hafa
oftast staðið á hjólabretti áður, en
byrja hægt á litlum hólum áður en
þeir fara hærra og í harkalegra
undirlag,“ segir Þorri.
Hann segir landbretti með
dreka fjölskylduvæna íþrótt. „Út-
búnaðinn má fá í öllum stærðum
og gerðum, og ákaflega gaman að
fara sem hópur og láta vindinn
tosa sig áfram,“ segir Þorri, en
þegar vindur togar dreka áfram
leggst brettamaður á móti drek-
anum til að halda jafnvægi.
„Töfrar flugdrekans felast í afli
hans, en fólk gerir sér ekki grein
fyrir þeim kröftum. Þetta er
algjörlega umhverfisvænt sport
og með ólíkindum hversu fáir
stunda það miðað við þann fjölda
sem brennir bensíni og mótorum í
snjósporti. Með dreka fyrir brett-
inu er maður miklu frjálsari, og
vindurinn ræður engu því full-
komin stjórn er á bæði brettinu
og drekanum,“ segir Þorri.
Samfélag land-, sjó- og snjó-
drekamanna hérlendis telur færri
en fingur beggja handa. „Þetta
er svo nýtt sport að fáir vita af
þessu, en ætti hiklaust að vera
útbreiddara því þetta er frábær-
lega gaman. Íslendingar eiga nóg
af fjöllum til að æfa sig í og fjör-
ur, því best er að hafa undirlag
landbretta mjúkt og þétt. Því sé
ég ekkert því til fyrirstöðu að Ís-
lendingar eignist stóran hóp hæfi-
leikafólks sem keppt gæti á land-
brettum við þá bestu úti í heimi.“
Þeir sem vilja prófa landbretti
geta haft samband við Þorra á
thorri@vindsport.is. - þlg
Brjálað en bara gaman
Anton Örn Arnarson, 19 ára hjólakappi, segir BMX-
hjólamenninguna vaxandi á Íslandi. BMX-samband Ís-
lands telur um 30 manns á bilinu 14 til 25 ára sem eru
allir virkir.
„Hópurinn er alltaf að stækka. Við vorum með sýn-
ingu í Ráðhúsinu og Smáralindinni. Ætlunin er að fé-
lagið geti haft tekjur af því að halda keppnir til að
byggja æfingaaðstöðu,“ segir Anton en aðstöðuleysi
hrjáir BMX-hópinn. Þeir rampar sem víða er að finna
eru of litlir fyrir BMX og hópurinn hefur ekki fengið
inni í Héðinshúsi á vegum ÍTR. „Við notum tröppur og
veggi og aðstöðuna í 88 húsinu í Keflavík,“ segir Anton
og bætir við að aðstöðuleysi hamli þátttöku erlendis.
„Stefnan er að taka þátt í áhugamannakeppnum,“ segir
Anton sem er með styrktaraðila. „GP gaf mér hjól og
Mow Hawks-fatnað frá DC og Ölgerðin hefur styrkt
mig. Svo verða myndbönd af mér send til DC til að sjá
hvað þeir segja. Frábært væri að keppa úti.“ - rat
Aðstöðuleysið er vandamál
Anton Örn Arnarson BMX-hjólakappi stefnir á að taka þátt í
áhugamannakeppnum erlendis. Mynd af stökkum hans má
skoða á www.vimeo.com/anton. FRÉTTABLAÐIÐ/ARNÞÓR
OPIÐ Í ALLT

SUMAR
Ferðaþjónustan
BAKKAFLÖT
Skagafirði
River
raftin
g
.is
245
Velkomin að Bakkaflöt
● HAFRAGRAUTURINN 2010 Hafragrauturinn 2010 er svif-
vængjakeppni sem fer fram í Hafrafelli við Hafravatn laugardaginn 3.
júlí. Þá fara svifvængjaflugmenn í grímubúninga og keppa í marklend-
ingum, en búningar telja nánast fleiri stig en lendingarnar og verðlaun
verða veitt fyrir besta búninginn.
Dagskrá hefst klukkan 11 og stendur fram eftir degi, en síðdegis
verður kveikt upp í grillinu fyrir gesti og gangandi.
Mótið er kjörið fyrir þá sem eru að stíga sín fyrstu skref í sportinu
og bæði nýir flugmenn og lengra komnir eru hvattir til að sameinast í
Hafrafellinu og gera sér glaðan dag á þessari skemmtilegu hátíð. Þá er
öllum áhugasömum velkomið að sækja Hafragrautinn og fylgjast með
því sem fyrir augu ber.
Þorri Gestssion fjallabrettamaður hefur
stundað landbretti undanfarin þrjú ár.
Landbretti er eitt af nýrri jaðarsportum á Íslandi og enn stundað af mjög fámennu
samfélagi, en ætti að höfða til fólks á öllum aldri. NORDICPHOTOS/GETTY
● HEIMASÍÐA TILEINKUÐ JAÐAR-
SPORTI Hrollur.is er heimasíða sem hefur
að geyma alls kyns myndbönd sem tengj-
ast jaðarsporti, svo sem bílasporti, vatna-
sporti, hjólum, sleðum og brettum og
geta notendur vefsíðunnar sjálfir sett
inn myndbönd.