Fréttablaðið - 03.07.2010, Blaðsíða 28

2 fjölskyldan
Fjölskyldan kemur út mánaðarlega með helgarblaði Fréttablaðsins. Ritstjórn:
Sigríður Björg Tómasdóttir Hönnun: Silja Ástþórsdóttir Forsíðumynd: Vilhelm
Gunnarsson Pennar: Hólmfríður Helga Sigurðardóttir, Marta María Friðriksdóttir,
Ragnheiður Tryggvadóttir, Sunna Valgerðardóttir og Þórdís Lilja Gunnarsdóttir
Ljósmyndir: Fréttablaðið Auglýsingar: Benedikt Jónsson benediktj@365.is
Hólmfríður Helga
Sigurðardóttir
skrifar
Samheldni í fjölskyldum er mismikil. Fjölskylda Sigríð-ar Ólafsdóttur hittist senni-lega oftar en flestar aðrar,
enda vinna allir í henni saman í
fjölskyldufyrirtækinu Tæknibæ.
Auk foreldra hennar
vinna þar bræðurnir
tveir og eiginmaður
hennar. Börnin hennar
tvö eru enn á leikskóla-
aldri þannig að þau eru
ekki farin að hjálpa til
en koma oft í heimsókn.
„Fyrirtækið var stofn-
að þegar ég var sex ára
en þegar verslunin var
stofnuð byrjaði ég að
hjálpa til þá á unglings-
aldri,“ segir Sigríður
sem er þrítug.
Sigríður er menntaður við-
skiptafræðingur og vann um
skeið í áhættustýringu hjá Kaup-
þingi. „En það á betur við mig að
vera í fjölskyldubisness, vera í
rekstri og sjá afrakstur vinnunnar
strax,“ segir Sigríður, sem sér um
fjármálin en stekkur í önnur verk
þegar þarf eins og aðrir starfs-
menn. „Það er svolítið skemmtilegt
hvað við höfum fundið okkar sess
í fyrirtækinu fjölskyldan. Eldri
yngri bróðir minn Arthúr, sér til
dæmis um vefsíðuna og vefversl-
unina en hann lærði hugbúnaðar-
verkfræði. Gauti Rafn sá yngsti
í hópnum er svo mest
í versluninni og sölu-
mennsku. Hann er
22 ára og hefur lokið
fyrsta árinu í verk-
fræðinni,“ segir Sig-
ríður.
Foreldrar Sigríðar,
þau Ólafur Arason og
Agnes Arthúrsdóttir,
stofnuðu fyrirtækið og
þó að þau hafi dregið
sig út úr daglegum
rekstri vinnur faðir
hennar fyrir fyrir-
tækið en mikið heima.
Maðurinn hennar, Bernharður
Guðmundsson, hefur hins vegar
einna lengstan starfsaldur starfs-
manna, enda hefur hann unnið þar
síðan hann var fimmtán ára.
Þrátt fyrir að fjölskyldan lifi og
hrærist í Tæknibæ þá tekst þeim
að forðast að tala um vinnuna
þegar þau hittast í matarboðum.
Sama má segja um Sigríði og Bern-
harð. „Við kúplum okkur út heima
og tölum þeim mun meira um aðal-
áhugamálið, fótbolta,“ segir Sigríð-
ur en þau hjónin spiluðu bæði með
Stjörnunni í yngri flokkum. „Nú
búum við í Kópavogi sem er alvar-
legt mál nú þegar sá aldur nálgast
að krakkarnir fara að æfa,“ segir
Sigríður og hlær, en Breiðablik er
hverfisfélagið.
Sigríður segir ýmsa kosti fylgja
því að vinna með fjölskyldunni og
segir þau alltaf hafa verið sam-
rýmd. „Mamma man varla eftir
því að við höfum rifist systkinin,“
segir Sigríður sem tókst að smita
bræður sína af hlaupabakteríu á
síðasta ári. „Við fórum saman til
Berlínar og hlupum þar maraþon.
Það var kannski ekki svo rosalegt
afrek fyrir mig þar sem ég hef
alltaf verið í góðu formi, þeir hins
vegar hafa ekki verið jafn mikið
í íþróttum þannig að þetta var
meiriháttar afrek fyrir þá. Ég veit
eiginlega ekki hvernig mér tókst
að plata þá út í þetta.“ - sbt
Man ekki eftir að
við höfum rifist
Sigríður Ólafsdóttir er hluti af samheldinni fjölskyldu sem vinnur saman og rífst aldrei.
Maðurinn hennar hefur unnið hjá fjölskyldufyrirtækinu síðan hann var fimmtán ára, en
heima við er umræðuefnið frekar fótbolti en vinnan.
Samheldin Fjölskylda Sigríðar hittist sennilega oftar en flestar aðrar fjölskyldur, enda vinna allir í henni í sama fyrir-
tæki. Frá vinstri: Arthúr, Gauti Rafn, Ólafur, Agnes, Ólöf María, Sigríður, Arnar Guðni og Bernharður. FRÉTTABLAÐIÐ/STEFÁN
Meðgangan viku fyrir viku Margar konur sem eiga von á
barni hafa gaman að því að eiga bók sem fylgir þeim í gegnum
meðgönguna stig fyrir stig. Lengi hefur vantað slíka bók á
íslensku en nú hefur verið bætt úr því, með útgáfu Meðgöngu-
bókarinnar hjá Sögu útgáfu. Í henni er að finna miklar og
fróðlegar upplýsingar fyrir verðandi foreldra og svör við
velflestum þeim spurningum sem kunna að vakna á með-
göngunni, bæði hjá móður og föður. Í henni eru hagnýt ráð er
varða allar hliðar meðgöngunnar, foreldrahlutverkið, tilfinn-
ingaleg íhugunarefni og hvernig annast á nýburann eftir
fæðingu.
Sérstaklega er skemmtilegt og fróðlegt að skoða myndirnar
í bókinni, sem sýna hvernig bumban stækkar og barnið
þroskast, viku fyrir viku. Bókin er skrifuð af teymi sérfræðinga,
ljósmæðra, lækna og annarra sérfræðinga. Hún er þýdd og
staðfærð af Eddu Ýr Þórsdóttur, hjúkrunar- og lýðheilsufræð-
ingi, sem jafnframt starfar við ungbarnaeftirlit.
BÓKIN
Fátt er eins vel til þess fallið að skapa vandræðaleg og ógleymanleg augnablik í lífi foreldra og hreinskilni og framhleypni lítilla barna. Eins og í flestum fjölskyldum eru til mýmargar sögur af mér og
bróður mínum í æsku, þar sem við létum foreldra okkar engjast um með
slíkri hegðun. Bróðir minn var og er mikið blíðmenni og oftast með það
á hreinu hvað má og hvað má ekki segja á almannafæri. „Það má alls
ekki benda á svona litla og skrýtna karla,“ sagði hann einu sinni hátt og
skýrt við mömmu okkar, um leið og hann benti á lítinn og skrýtinn karl.
Ég var meira í því að segja leikskólakennurunum í Danmörku, þar
sem við bjuggum, lygasögur. Mig langaði í dýragarðinn og í Legoland
um hverja helgi, sem var ekki alltaf í boði, með kornunga námsmenn
sem foreldra. En ímyndunaraflið kemur sterkt inn þegar viljinn nær
ekki sínu fram að ganga, svo ég sagði fóstrunum iðulega frá ævintýra-
legum ferðum fjölskyldunnar um helgar. Þegar mamma kom að sækja
mig tóku fóstrurnar oft á móti henni með bros á vör og spurðu: „Ooo,
var ekki dejligt hjá ykkur um helgina í Legolandi?“
Ég hef í gegnum tíðina velst um af hlátri yfir þessum sögum og
skemmt mér við að ímynda mér viðbrögð foreldra minna við þessar
ómögulegu aðstæður. En nú er komið að þeim, ömmunni og afanum, að
hlæja og okkur systkinunum að engjast. Við eigum nefnilega bæði lítil
börn á miðju þriðja árinu sem eru komin með fínasta tak á tungumálinu.
Mér finnst ekkert skemmtilegra en að spjalla við strákinn minn og
lendi oft í því að gapa af undrun yfir því hvað hann er orðinn lunkinn
við að koma hugsunum sínum í orð. Þetta nýfengna frelsi, að vera búinn
að mastera talfærin og upplifa að fólk skilji, gerir það að verkum að
hann hefur breyst í afkastamikla orðaframleiðsluvél. Talar stanslaust,
frá því hann sest upp í rúminu á morgnana þangað til hann lognast út af
á kvöldin. Og hann talar upp úr svefni líka.
Og auðvitað talar hann líka stundum um eitthvað sem er fullkomlega
óviðeigandi að færa í orð. „Mamma! Af hverju er þessi kona með svona
stóra bumbu? Svona stóra, stóra risabumbu?“ sagði hann í sturtuklefan-
um í sundi um daginn. Hjá mér varð fátt um móðurleg svör. Ég roðnaði,
setti höfuðið undir bununa og lét mig dreyma um að konan hefði geymt
heyrnartækin sín í búningsklefanum.
Ég veit þetta er bara byrjunin á ballinu. Næstu árin á ég eftir að lenda
reglulega í aðstæðum þar sem ég vildi óska að ég gæti sveipað um mig
huliðsskikkju eða hreinlega gufað upp. Eitt er þó gott. Minningar verða
til sem aldrei gleymast. Sundlaug Vesturbæjar, þennan sumardag árið
2010, verður að eilífu greypt í mitt minni.
Ekki benda á skrýtna karlinn
Sp
ör
e
hf
.
s: 570 2790 www.baendaferdir.is
A L L I R G E T A B Ó K A Ð S I G Í B Æ N D A F E R Ð I R
Hálft fæði og allar skoðunarferðirinnifaldar
Stralsund er ótrúlega fögur borg með heildstæðan miðaldarblæ og er saga Stralsund
samofin sögu hansakaupmannanna. Ferðin hefst á flugi til Berlínar og er haldið þaðan
til Stralsund þar sem gist er í 3 nætur. Förum í dagsferð til drottningar hansaborgara,
Lübeck, skoðum hið fræga borgarhlið, förum á safn og smökkum á marsipani sem
Lübeck er fræg fyrir. Leiðin liggur síðan til Rostock þar sem er áhugavert miðaldasafn
og endum á eyjunni Rügen sem er þekkt fyrir náttúrufegurð. Gistum í 4 nætur í
bænum Sellin og njótum strandmenningarinnar. Farið verður í skoðunarferð um
Jasmund þjóðgarðinn, til Putbus sem er miðstöð menningar á Rügen og skoðum
veiðihöllina Göhren. Komum einnig á Usedom eyjuna, förum í gönguferð yfir til
Swinoujscie í Póllandi og siglum um Müritz-vatnasvæðið. Ferðin endar í höfuðborginni
Berlín þar sem farið verður í skoðunarferð áður en flogið er heim á leið.
Fararstjóri: Kristín Jóhannsdóttir
Verð: 164.400 kr. á mann í tvíbýli Örfá sæti laus!
Innifalið: Flug, skattar, hótelgisting, allar skoðunarferðir með rútu,
hálft fæði og íslensk fararstjórn.
Marsipan &
12. - 19. ágúst
SUMAR 9
Hansakaupmenn