Fréttablaðið - 03.07.2010, Blaðsíða 31

Sölufulltrúar Henný Árnadóttir henny@365.is 512 5427 Jóna María Hafsteinsdóttir jmh@365.is 512 5473 Þórdís Hermannsdóttir thordish@365.is 512 5447
„Ég hóf helgarfríið á Hólmavík
þar sem ég söng fyrsta bassa með
Raddbandafélagi Reykjavíkur,
en við stigum á stokk með Svav-
ari Knúti á Hamingjudögum,“
segir Samúel C. Lefever, lektor
við Háskóla Íslands, inntur eftir
dagskrá helgarinnar.
„Eftir góðan nætursvefn á
Ströndum brunaði ég áfram norð-
ur í Skagafjörð þar sem ég ætla
að eyða afgangi helgarinnar með
góðum vinum og fyrrverandi
sveitungum mínum á skagfirskum
sveitabæ,“ upplýsir Samúel sem
bjó í skagfirskri sveit í fimm ár.
„Ég kann afskaplega vel við
mig í sveit því sjálfur ólst ég upp
á sveitabæ í Kansas-fylki. Íslenskt
sveitalíf er þó mjög frábrugðið
því sem ég þekki úr minni heima-
sveit vestra; bæði landslag, veð-
urfar og mannlíf. Heima í Amer-
íku vorum við töluvert einangruð
sökum fámennis og dagarnir afar
fábreyttir, en hér er miklum mun
meira um að vera,“ segir Samúel
sem nýtur þess að ríða út í mekka-
héraði íslenskra hestamanna og
segir það bónus verði hægt að
fara á hestbak um helgina, en
helsta markmið þeirra vina sé að
ganga á Mælifellshnúk á sunnu-
dag, sem er einmitt þjóðhátíðar-
dagur Bandaríkjamanna.
„Kannski ég taki með gamla
þjóðfánann til að tylla á hnúkinn
að göngu lokinni, en allt frá því
ég flutti til Íslands fyrir þrjátíu
árum hef ég ekki haldið 4. júlí
hátíðlegan. Hátíðahöld Banda-
ríkjamanna eru miklu hófstillt-
ari en Íslendinga á þjóðhátíðar-
daginn, sem sennilega skýrist af
stærðarmun landanna. Bernsku-
minningarnar hafa þó að geyma
skrúðgöngu í sveitaþorpinu heima
og flugeldasýningu um kvöldið,
og á tímabili tók ég þátt í skrúð-
göngunni með skólahljómsveit-
inni. Ég held að hátíðahöld þar séu
enn með svipuðu sniði, en vinsælt
er að nota þennan frídag til endur-
funda gamalla skólafélaga og eru
þá haldin nemendamót, ekki síst
ef daginn ber upp á helgi,“ segir
Samúel og bætir við að þjóðernis-
kennd Bandaríkjamanna birtist
í fána þeirra sem víðast hvar er
dreginn að húni á þjóðhátíðar-
daginn, og margir haldi litla fjöl-
skylduveislu með sínum nánustu,
þótt sú hefð komist ekki í hálf-
kvist við Þakkargjörðarhátíðina
sem er stærst fjölskylduhátíða
vestra.
„Eftir ferðalög með Íslending-
um á erlendri grundu hef ég séð
að hjarta þeirra dvelur hjá fóstur-
jörðinni á 17. júní og séu marg-
ir samankomnir halda þeir dag-
inn hátíðlegan hvar sem þeir eru
staddir. Bandaríkjamenn eru allt
öðruvísi, en vissulega hugsa ég
heim til fjölskyldunnar þótt ég
éti ekki vatnsmelónur eða grilli
hamborgara þann daginn,“ segir
Samúel og hlær dátt.
„En ef ég væri heima í Kansas
er ég viss um að ég gerði eitthvað
sérstakt í tilefni dagsins, grillaði
með fjölskyldunni og færi jafnvel
aftur á gömlu, góðu flugeldasýn-
inguna.“ thordis@frettabladid.is
Bandarískur fáni á fjalli
Á morgun er þjóðhátíðardagur Bandaríkjanna og þá gæti þjóðfáni þeirrar miklu þjóðar blakt á toppi
Mælifellshnúks, þegar íslensk-ameríski lektorinn Samúel C. Lefever hugsar vestur um haf og heim.
Samúel C. Lefever með gamlan eplakassa, merktan Ríkisháskólanum í Kansas, en í þennan kassa tíndi Samúel fullþroska epli
fylkisins í sjarmerandi aukavinnu á háskólaárunum. FRÉTTABLAÐIÐ/ARNÞÓR
ÖNNUR UMFERÐ Íslandsmeistaramótsins
í motocrossi fer fram á keppnissvæði Vélhjóla-
íþróttaklúbbsins á Álfsnesi í dag. Nánari upplýsingar á
wwww.motocross.
Sængurfatnaðurinn er ofinn úr gæða bómullardamask.
Yfir 30 tegundir af sængurfatnaði til brúðargjafa.
Íslensk hönnun á góðu verði.
Jóna María Hafsteinsdóttir
jmh@365.is
sími 512 5473
Henný Árnadóttir
henny@365.is
sími 512 5427
Þórdís Hermannsdóttir
thordish@365.is
sími 512 5447
Þriðjudaga