Fréttablaðið - 03.07.2010, Blaðsíða 58

3. júlí 2010 LAUGARDAGUR
timamot@frettabladid.is
„Óhætt er að segja að samtökin séu
sterk og njóti virðingar og hafi haft
jákvæð áhrif í samfélaginu, fyrir
atbeina góðs starfsfólks og stjórna.
Sjálfur tel ég mig eiga einhvern þátt
í því og skil af þeim sökum sáttur
við samtökin og kveð þau með sökn-
uði,“ segir Jón Steindór Valdimarsson,
sem hefur látið af störfum sem fram-
kvæmdastjóri Samtaka iðnaðarins.
Jón Steindór er fæddur á Akureyri
1958 og er þar uppalinn, sonur hjón-
anna Sigurveigar Jónsdóttur leikkonu
og Valdimars Pálssonar bólstrara.
Hann útskrifaðist frá Menntaskólanum
á Akureyri árið 1978 og lauk prófi í lög-
fræði við Háskóla Íslands 1985. Áður
hafði hann kynnst eiginkonu sinni
Gerði Bjarnadóttur kennara og á með
henni þrjár uppkomnar dætur, Gunni,
Höllu og Hildi. Eftir útskrift starfaði
Jón Steindór um tíma hjá fjármála-
ráðuneytinu og síðan hjá Vinnumála-
sambandi samvinnufélaganna. Eftir
það vann hann hjá Félagi íslenskra
iðnrekenda og hefur tekið þátt í marg-
víslegum störfum á vegum þess. Jón
Steindór hefur unnið í þágu SI síðustu
16 ár og fannst tímabært að skipta um
vettvang.
„Ég hef náttúrulega ekki verið
mikið á ferðinni síðustu ár, hjá sam-
tökunum hef ég starfað sem aðstoðar-
framkvæmdastjóri frá stofnun 1994
og framkvæmdastjóri síðustu þrjú ár.
Áður starfaði ég hjá Félagi íslenskra
iðrekenda, sem er eitt þeirra félaga
sem rann inn í Samtök iðnaðarins.
Mér fannst því tímbært að snúa mér
að öðru og hleypa einhverjum ferskum
að, það er skynsamlegt að hætta þegar
vel gengur en halda ekki áfram þar til
maður er orðinn útbrunninn og láta það
bitna á samtökunum,“ segir Jón Stein-
dór og brosir, þótt alvara búi að baki
hverju orði.
Hann segist í gegnum starf sitt hafa
orðið vitni að miklum sviptingum í
iðnaði á Íslandi. „Ég tek við á hátindi
uppsveiflunnar árið 2007, þótt undir-
stöðurnar hafi síðan ekki reynst mjög
traustar og þegar ég hætti núna erum
við nærri því að vera á botninum.
Margt bendir þó til að allt sé smám
saman á uppleið og á heildina litið hafa
atvinnulífið og iðnaðurinn þróast mikið
síðustu tíu ár. Nýjar iðngreinar hafa
sprottið upp og nýsköpun og menntun
fengið aukið vægi. Svo erum við í við-
ræðum um aðild að Evrópusamband-
inu en ég er sannfærður um að hún
hefði góð áhrif á starfsumhverfi iðn-
aðar og hagsæld Íslendinga til langrar
framtíðar.“
Jón Steindór segir sína framtíð
hins vegar óráðna. „Þetta hefur verið
sprettur þannig að ég ætla að taka því
rólega í sumar og í framhaldinu mun
ég skoða hvað mig langar til að gera.
Það getur verið að ég snúi mér að ein-
hverju allt öðru, einn kosturinn við
þetta starf er að maður hefur kynnst
mörgum og ólíkum hlutum, sem ætti að
nýtast vel á margvíslegum vettvangi,“
segir hann bjartsýnn. roald@frettabladid.is
JÓN STEINDÓR VALDIMARSSON: HÆTTIR SEM FRAMKVÆMDASTJÓRI SI
Sáttur við góðan árangur
RÉTTIR ÖÐRUM KEFLIÐ „Mér fannst orðið tímabært að snúa mér að öðru og hleypa einhverjum nýjum og ferskum að,“ segir Jón Steindór Valdi-
marsson sem lætur af störfum sem framkvæmdastjóri Samtaka iðnaðarins eftir þrjú ár. FRÉTTABLAÐIÐ/STEFÁN
Íslendingum barst Marshall
aðstoð, um 39 milljónir dala, frá
Bandaríkjunum á þessum degi
árið 1948. Marshall-áætlunin, var
áætlun skipulögð af bandaríska
utanríkisráðuneytinu til að stuðla
að upphgangi landa í Evrópu
eftir seinna stríð. William L.
Clayton og George F. Kennan
gegndu lykilhlutverk í hönnun
áætlunarinnar sem var nefnd
eftir þáverandi utanríkisráðherra Bandaríkjanna, George Marshall.
Ísland var eitt þeirra landa sem þáðu aðstoðina en hún hafði
mikil áhrif á uppbyggingu landsins eftir seinni heimsstyrjöld. Fyrri
tilstilli hennar var meðal annars ráðist í stærri framkvæmdir og
togarar og landbúnaðarvélar af ýmsum gerðum keypt.
ÞETTA GERÐIST: 3. JÚLÍ 1948
Ísland fær Marshall-aðstoð
ÓLAFUR STEFÁNSSON ER 37 ÁRA
„Maður á bara að vera
valinn ef maður er betri
en hinir. Ekki á einhverri
fornri frægð.“
Ólafur Indriði Stefánsson er
íslenskur handknattleiks-
maður og fyrirliði íslenska
landsliðsins í handknatt-
leik. Hann er uppalinn í
Val og spilar stöðu hægri
skyttu fyrir RN Löwen í
þýsku fyrstu deildinni í
handknattleik.
Innilegar þakkir til allra þeirra sem
sýndu okkur samúð og vinarhug við
andlát og útför ástkærrar eiginkonu
minnar, móður okkar, tengdamóður
og ömmu
Ásgerðar Sigurbjörnsdóttur
Byggðavegi 86, Akureyri.
Sérstakar þakkir til starfsfólks líknardeildarinnar í
Kópavogi, Karitas, hjúkrunar- og ráðgjafarþjónustu og
deildar 11E á Landspítalanum fyrir veittan stuðning og
aðhlynningu.
Haraldur Magnússon
Sigurbjörg Haraldsdóttir Þorvaldur Rafn Kristjánsson
Anton Haraldsson Sverrir Haraldsson
Magnús Orri Haraldsson Sigurbjörn Haraldsson
og barnabörn.
Útför ástkærrar sambýliskonu minnar, móður,
tengdamóður, ömmu, systur og frænku,
Ragnhildar Ingólfsdóttur,
sem lést sunnudaginn 13. júní, fór fram í Vengkirkju
á Jótlandi 17. júní síðastliðinn. Minningarathöfn á
Íslandi verður auglýst síðar.
Peter W. Petersen
Sædís Ragnhildardóttir Jesper Mikkelsen
Martina Agrillo Lukas Benedikt Mikkelsen
systkini og fjölskyldur hinnar látnu.
Hjartans þakkir fyrir hlýjar kveðjur
og samúð við andlát og útför okkar
hjartkæra
Agnars Möller
Háulind 25, Kópavogi.
Við þökkum sérstaklega starfsfólki deildar 13 E og
blóðskilunardeildar Landspítalans fyrir fagmennsku og
manngæsku við umönnun og meðferð Agnars.
Lea Rakel Lárusdóttir Möller
Margrét Möller Guðmundur J. Guðlaugsson
Alma Möller Ólafur Valur Ólafsson
Thomas W. Möller Bryndís María Tómasdóttir
Ásta Möller Haukur Þór Hauksson
Edda Möller Einar Eyjólfsson.
Útfararþjónusta
Davíðs Ósvaldssonar ehf.
Davíð Ósvaldsson
Útfararstjóri
S. 896 6988 / 553 6699
Óli Pétur Friðþjófsson
Útfararstjóri
S. 892 8947 / 565 6511
Innilegar þakkir fyrir auðsýnda samúð
og hlýhug vegna andláts ogútfarar
elskulegs föður okkar, tengdaföður, afa
og langafa,
Jóns Bryntýs Zoega
Magnússonar,
Dalbraut 16, Reykjavík.
Pálína Ellen Jónsdóttir, Örn Björnsson,
Jóhanna Guðrún Zoega Jónsdóttir, Ragnar Ólafsson
Helgi Jón Jónsson,
Heiðar Bryntýr Jónsson,
barnabörn og barnabarnabörn.
Elskulegur eiginmaður minn, faðir,
tengdafaðir, afi, langafi og langalang-
afi,
Sigurberg Bogason
frá Flatey á Breiðafirði,
Kleppsvegi 32, Reykjavík,
lést á Landspítalanum fimmtudaginn 1. júlí sl.
Jarðarförin verður auglýst síðar.
Kristín Guðjónsdóttir
Erla Sigurbergsdóttir Haukur Már Haraldsson
Margrét Sigurborg Sigurbergsdóttir Þór Guðlaugur Vestmann
Ólafsson
Guðjón Sigurbergsson Dagmar Svala
Runólfsdóttir
barnabörn, barnabarnabörn og barnabarnabarnabarn.
Ástkær faðir minn og afi okkar,
Daði Daníelsson
Dvalarheimilinu Höfða,
(síðast Stillholti 19 Akranesi),
lést á Dvalarheimilinu Höfða 15. júní. Útförin hefur
farið fram í kyrrþey að ósk hins látna.
Fyrir hönd fjölskyldunnar,
Elín Ingibjörg Daðadóttir.