Fréttablaðið - 08.07.2010, Side 54

46 8. júlí 2010 FIMMTUDAGUR
sport@frettabladid.is
HANDBOLTI Valsmenn ætla sér
greinilega stóra hluti undir stjórn
Júlíusar Jónassonar næsta vetur
en félagið klófesti besta leikmann
N1-deildarinnar í fyrra, Valdimar
Fannar Þórsson, í gær.
Valdimar Fannar skrifaði undir
svokallaðan einn plús einn samn-
ing við félagið.
HK kom allra liða mest á óvart
síðasta vetur og þar var Valdimar
í lykilhlutverki. Hann var síðan
valinn besti leikmaður deildar-
innar, besti sóknarmaðurinn og
hlaut einnig Valdimarsbikarinn
eftirsótta.
„Þetta er búið að vera klárt í
nokkra daga en ég var á Costa del
Sol að hvíla mig og því var ekki
hægt að ganga frá þessu fyrr en
núna,“ sagði Valdimar Fannar
kátur með nýja samninginn.
Hann ætlaði sér reyndar ekki
að spila á Íslandi í vetur heldur
stefndi hugurinn út og hann var
meðal annars orðaður við danska
liðið Tvis Holstebro.
„Ég ætlaði mér vissulega út en
það var lítið spennandi að gerast.
Þetta með Holstebro gekk ekki upp
og hitt voru allt minni klúbbar og
lakari samningar.
Ég nennti ekki að fara út til þess
að vera í gerviatvinnumennsku. Þá
komu Valsarar inn og það var afar
spennandi kostur,“ sagði Valdimar
en hann segist þó ekki fá neinn
atvinnumannasamning hjá Val þó
svo hann sé sáttur við samning-
inn.
Hann segir fá lið á Íslandi hafa
borið víurnar í sig en að sjálfsögðu
hefðu HK-ingar reynt að halda
honum hjá félaginu.
„Valsmenn sýndu mér mestan
áhuga og ég var spenntastur fyrir
að fara þangað. Það er ekkert félag
stærra á Íslandi en Valur,“ sagði
Valdimar en býst hann við tveggja
hesta kapphlaupi á milli Vals og
FH næsta vetur?
„Nei. Ég geri ráð fyrir Frömur-
um sterkum líka. Svo er bara júlí
og enn langt í mót. Það verða frek-
ari hræringar.“
- hbg
Valsmenn nældu sér í feitan bita á leikmannamarkaðnum í gær er félagið samdi við Valdimar Þórsson:
Ekkert félag á Íslandi stærra en Valur
Á LEIÐ Í RAUTT Valdimar Fannar Þórsson mun leika í rauða búningnum næsta vetur.
FRÉTTABLAÐIÐ/STEFÁN
FÓTBOLTI Orri Freyr Hjaltalín
fórnar sér heldur betur fyrir
málstaðinn. Hann er fyrirliði
Grindavíkur sem er í harðri
botnbaráttu í Pepsi-deildinni og
spilar nú gegn læknisráði.
Hann þjáist nú af sömu
meiðslum og leiddu til þess að
knattspyrnukonan Guðrún Sóley
Gunnarsdóttir hefur ekki enn
spilað fótbolta eftir marga mánaða
fjarveru, sem eru mar á heila.
Guðrún fékk mar á heilann og eftir
annað höfuðhögg meiddist hún enn
verr.
Handboltakappinn Jón Heiðar
Gunnarsson óttaðist að ferli sínum
væri lokið eftir að hafa lent í sömu
meiðslum. Svo er þó ekki og hann
er á leiðinni út í atvinnumennsku
eftir að hafa spilað með FH í
vetur, en hann spilar með sérstaka
höfuðhlíf.
„Ég fékk höfuðhögg í leiknum á
móti Haukum,“ segir Orri Freyr.
„Þetta var snemma leiks og ég var
ekki að hugsa mikið um þetta. Ég
kláraði leikinn en eftir hann fór
mér að líða skringilega. Ég fékk
jafnvægis- og sjóntruflanir og
tveimur dögum eftir leikinn fór
ég á spítala,“ segir Orri.
Þar fór hann í heilaskanna og
var á endanum greindur með
mar á heila. „Læknarnir sáu að
þetta var komið í tóma vitleysu.
Læknarnir sögðu í raun ekki
mikið en ég mátti ekki
spila á móti KR. Það kom
þó ekkert annað til greina,“
sagði Orri.
„Ég lét mig meira að
segja vaða í nokkra
skallabolta. Þetta
er eitthvað sem
maður verður að gera og það þýðir
lítið að hugsa um þetta. Staðan er
bara þannig að við megum ekki
við því að missa neina menn út,“
segir Orri.
Hann segist þó vera að koma
til og að hann finni ekki mikið til
lengur. „Læknarnir segja bara að
ég verði að stýra þessu sjálfur.
Mér finnst ég ekki vera að
taka neina óþarfa áhættu,“
segir Orri sem hefur
kannað það að spila
með svipaða hlíf og
Jón Heiðar.
„Ég veit ekki hvað
dómararnir myndu segja við því,
þetta er ansi strangt. Ég held að
Jón Heiðar hafi sérsaumað sína
hlíf. En það eru ekki læknarnir
sem skipa mér það, ég ákveð
sjálfur hvort ég fari út í það,“ sagði
Orri.
Milan Stefán Jankovic, sem
stýrir liðinu á meðan Ólafur Örn
Bjarnason klárar samning sinn
með Brann nú í júlí, hrósar Orra
í hástert.
„Hann er ótrúlegur. Hann er
frábær fyrirliði og hann hefur
staðið sig mjög vel. Það að hann
ætli að spila er einkennandi fyrir
hann,“ segir Milan.
Grindvíkingar taka á móti
Selfyssingum í botnbaráttuslag í
kvöld og þann leik mun Orri byrja.
hjalti@frettabladid.is
Finnst ég ekki vera að
taka neina óþarfa áhættu
Orri Freyr Hjaltalín spilar með Grindavík gegn læknisráði. Hann er með mar
á heila sem hefur valdið íþróttamönnum miklum vandræðum. „Kemur ekki
annað til greina en að spila,“ segir fyrirliðinn sem leikur gegn Selfossi í kvöld.
ENGIN ÁHÆTTA Þrátt fyrir meiðslin segir Orri að hann sé ekki að taka neina óþarfa
áhættu. FRÉTTABLAÐIÐ/ARNÞÓR
FÓTBOLTI Botnliðin þrjú, Haukar,
Grindavík og Selfoss, ætla öll að
styrkja sig þegar félagaskipta-
glugginn verður opnaður um
miðjan júlí.
„Við erum opnir fyrir því að
semja við þá alla,“ segir Andri
Marteinsson, þjálfari Hauka, um
þrjá leikmenn sem komnir eru
til reynslu hjá félaginu. Haukar
eru í neðsta sæti deildarinnar og
mæta Val í kvöld.
„Þeir voru kannski ekki feitir
en ekki í góðu formi. Við höfum
ekki tíma til að hjálpa mönnum í
form,“ sagði Guðmundur Bene-
diktsson um tvo Austurríkismenn
sem komu til félagsins á reynslu
en fara væntanlega aftur án
samnings. „Ég yrði ekki hissa ef
fleiri kæmu á næstunni.“
Grindvíkingar eru í sömu hug-
leiðingum en Ólafur Örn Bjarna-
son mun spila með liðinu þegar
hann kemur frá Noregi í lok júlí,
ásamt því að þjálfa liðið. „Við
erum að leita en það gengur frek-
ar illa. Við erum ekki í neinum
skuldum og þar sem þetta er
mjög dýrt er landslagið erfitt.
Við viljum fá einn eða tvo leik-
menn,“ sagði Milan Stefán Jank-
ovic þjálfari en Grindvíkingar
taka einmitt á móti Selfyssingum
í botnbaráttuslag í kvöld.
Þá tekur Breiðablik einnig á
móti Stjörnunni, ÍBV á móti Kefla-
vík og FH á móti Fram. - hþh
Pepsi-deild karla:
Botnliðin ætla
að styrkja sig
UNDIR PRESSU Þjálfari Hauka ætlar að
fá fleiri leikmenn til félagsins í sumar en
liðið hefur lent í miklum meiðslavand-
ræðum. FRÉTTABLAÐIÐ/VALLI
James Hurst sneri aftur til ÍBV í vikunni eftir að lánssamningur
hans frá Portsmouth var framlengdur. Hurst ætlaði að reyna
að koma sér í aðalliðið en það verður að bíða.
„Stjórinn vildi hafa reynslumikla menn hjá félaginu og
ætlar að reyna að fá einhverja slíka til sín. Hann talaði við
mig og marga aðra unga leikmenn, og sagði bara við okkur
að hann vildi að við færum til annarra félaga á reynslu.
Hann sagði mér að þetta tæki tíma og að ég ætti að
vera þolinmóður,” sagði Hurst við Fréttablaðið í gær.
Stjóri Portsmouth, Steve Cotterill, hreifst augljóslega
af styrkleika íslensku deildarinnar að mati Hurst. „Já
klárlega. Ég var í betra formi en allir aðrir þarna. Ég
spilaði auðvitað á meðan aðrir voru í fríi,” sagði Hurst.
Hann lætur þó ekki deigan síga og er ánægður með
að komast aftur til Eyja. Þrátt fyrir að vera frá Birm-
ingham, þar sem um milljón manns búa en rúmlega
4.000 manns í Eyjum, venst hann Íslandi vel.
„Ég er búinn að koma mér vel fyrir hérna og bý með Rasmusi
Christiansen. Það er allt svo auðvelt hérna og ég nýt þess að
fá mér göngutúr og njóta útsýnisins. Ég er ekki vanur svona
smábæ en hann venst vel,” segir Englendingurinn.
Orðrómur um að Hurst sneri aftur til Eyja þar sem hann
væri kominn með kærustu fór á fullt eftir Pepsi-mörkin á
mánudaginn. Hurst vill lítið kannast við það og segist ekki eiga
neina kærustu. „Ég er of gáfaður til að vera með kærustu hérna,”
sagði hann glettinn, kvenpeningnum í Eyjum eflaust til ánægju.
„Ég vil ekki festa mig hérna,” sagði hann. „Ég tek þessu öllu
með ró.”
Hurst segir að það komi til greina að hann spili með ÍBV út
tímabilið en fyrst um sinn er samningur hans út ágúst. „Það
kemur vel til greina. Þetta verður endurskoðað í ágúst og ég
vil gjarnan klára tímabilið,” sagði Hurst sem er ánægður með
hversu vel ÍBV hefur komið á óvart í sumar.
ENGLENDINGURINN JAMES HURST: GÆTI SPILAÐ MEÐ ÍBV ÚT TÍMABILIÐ
Er ekki á kvennafari í Vestmannaeyjum
> Garðar til Unterhaching
Garðar Gunnlaugsson mun væntanlega skrifa undir
tveggja ára samning við þýska félagið Unterhaching í dag.
Unterhaching spilar í þriðju efstu deild en Garðar hefur
verið á reynslu hjá félaginu í vikunni og staðið sig
vel. Garðari var boðinn tveggja ára samningur en
sendi gagntilboð til félagsins sem hefur mikinn
áhuga á að semja við hann. „Hann vill ganga
frá þessu og skrifa undir hjá félaginu,“ staðfesti
Hafþór Hafliðason, umboðsmaður Garðars.
„Honum líst vel á félagið og þjálfarann,“ bætti
hann við en þjálfarinn er goðsögnin Klaus
Augentaler sem spilaði yfir 400 leiki fyrir
Bayern Munchen. Garðar spilaði síðast með
LASK frá Linz í Austurríki.
FÓTBOLTI Fylkir og KR spila síðari
leiki sína í 1. umferð forkeppni
Evrópudeildar UEFA í kvöld.
Staða liðanna er ólík en KR vann
fyrri leikinn gegn Glentoran frá
Norður-Írlandi örugglega, 3-0.
Liðin mætast ytra í kvöld en leik-
urinn hefst klukkan 18.30.
Hálftíma síðar hefst
viðureign Fylkis og FC Torpedo
Zhodino frá Hvíta-Rússlandi á
Laugardalsvellinum. - esá
Evrópudeildin í kvöld:
Ólík staða KR
og Fylkis
HANDBOLTI Handknattleiks-
samband Evrópu, EHF, hefur
sektað HSÍ um 2.000 evrur eða
316 þúsund krónur íslenskar
vegna mistaka í umgjörð á
kvennalandsleik Íslands og
Austurríkis.
Samkvæmt reglugerð ber að
spila leikina á gólfi sem er án
aukalína. Leikurinn fór aftur á
móti fram í Vodafonehöllinni án
handboltadúks.
„Þetta voru mistök. Það
verður að viðurkennast að þessi
reglugerð fór fram hjá okkur,“
sagði Einar Þorvarðarson,
framkvæmdastjóri HSÍ.
„Ég er hissa á hörkunni hjá
EHF í þessu máli. Ég mun ekki
áfrýja þar sem það kostar 5.000
evrur en mun skrifa bréf til
stjórnar EHF og reyna að fá
sektina lækkaða hið minnsta.“
- hbg
Mistök í umgjörð í landsleik:
HSÍ sektað um
316 þúsund kr.
DÝR LEIKUR Þessi landsleikur skilaði
rúmum 300 þúsund krónum í
aukakostnað. FRÉTTABLAÐIÐ/ANTON
HLÍFIN GÓÐA Jón Heiðar
Gunnarsson sést hér
með hlífina í leik.
Enginn leikur á HM í kvöld
– skelltu þér á völlinn!
Fimmtudagurinn 8. júlí
Grindavík–Selfoss kl. 19:15
Grindavíkurvöllur
ÍBV–Kelfavík kl. 19:15
Hásteinsvöllur
Valur–Haukar kl. 19:15
Vodafonevöllurinn
Breiðablik–Stjarnan kl. 19:15
Kópavogsvöllur
FH–Fram kl. 20:00
Kaplakrikasvöllur