Fréttablaðið - 07.09.2010, Blaðsíða 42

7. september 2010 ÞRIÐJUDAGUR26
sport@frettabladid.is
FÓTBOLTI Það er ekki ástæða til
mikillar bjartsýni fyrir leikinn
gegn Dönum í kvöld ef rýnt er í
söguna og tölfræðina. Danir hafa
unnið síðustu fimm leiki sína
við Íslendinga á Parken í Kaup-
mannahöfn og markatalan er 27-2
þeim í hag.
Íslenska landsliðið hefur ekki
skorað á Parken í 43 ár eða síðan
að Hermann Gunnarsson minnk-
aði muninn í 9-2 í 14-2 tapinu
fræga 23. ágúst 1967.
Síðan Hermann skoraði þetta
mark hafa Danir skorað 18 sinn-
um í röð hjá Íslendingum á
Parken án þess að íslenska liðið
hafi náð að svara fyrir sig.
Ísland hefur einu sinni náð í
jafntefli á Parken en það í undan-
keppni Ólympíuleikanna 18. ágúst
1959 þegar liðin gerðu 1-1 jafn-
tefli.
Sveinn Teitsson kom þá
íslenska liðinu í 1-0 eftir 29 mín-
útur og íslenska liðið var yfir þar
til að Danir jöfnuðu á 82. mín. - óój
UNDANKEPPNI EM
EIRÍKUR STEFÁN ÁSGEIRSSON
skrifar frá Kaupmannahöfn
eirikur@frettabladid.is
ÍSLENSKA LANDSLIÐIÐ hefur aldrei náð að vinna Dani í A-landsleik. Þjóðirnar hafa mæst 20 sinnum,
Danir hafa unnið 16 leiki og fjórir leikir hafa endað með jafntefli. Danir hafa unnið síðustu fjóra landsleiki eða alla
leiki síðan þjóðirnar gerðu markalaust jafntefli á Laugardalsvelli 4. september 1991.
0
Leikir Íslands á Parken:
Átján dönsk
mörk í röð
HERMANN GUNNARSSON Skoraði
síðasta mark Íslands á Parken í 14-2 tapi
fyrir 43 árum.
FÓTBOLTI
FYRIR ALLA
Æfingar verða á laugardögum kl. 14 og hefjast 9. október.
Æft verður í glænýju íþróttahúsi Sjálandsskóla í Garðabæ
og verða búningar til afnota á staðnum. Þjálfarar og
hjálparþjálfarar verða á staðnum þannig að allir fá aðstoð
við hæfi.
Námskeiðið er samtals 10 skipti og er kostnaður 5.000 kr.
á barn. Ábyrgðarmaður námskeiðsins er Ýr Sigurðardóttir
barnalæknir. Skráning fer fram í tölvupósti yr@lsh.is.
Greiðsla fer fram með millifærslu á reikning Stjörnunnar
1135-26-110534, Kt. 580589-1389 og sendið staðfestingu
um greiðslu með nafni/kt. barns á yr@lsh.is.

Fótboltaæfingar fyrir öll börn
sem ekki geta nýtt sér hefðbundið
barna- og unglingastarf sinna félaga
Leikir Íslands á Parken
9. ágúst 1953 Danmörk-Ísland 4-0
18. águst 1959 Danmörk-Ísland 1-1
23. ágúst 1967 Danmörk-Ísland 14-2
26. ágúst 1981 Danmörk-Ísland 3-0
28. september 1988 Danmörk-Ísland 1-0
6. október 2001 Danmörk-Ísland 6-0
21. nóbember 2007 Danmörk-Ísland 3-0
FÓTBOLTI Íslenska landsliðið freist-
ar þess í kvöld að vinna sinn fyrsta
sigur á frændum okkar Dönum í
landsleik í knattspyrnu. Liðin
mætast í undankeppni EM 2012
en þetta er fyrsti leikur Dana í
riðlinum.
Lærisveinar Ólafs Jóhannes-
sonar landsliðsþjálfara æfðu á
Parken-leikvanginum í gær þar
sem hann sat einnig fyrir svörum
blaðamanna. Og hann hafði ekki
mikið velt fyrir sér sameiginlegri
sögu þessara tveggja liða.
„Ég hef í sjálfu sér ekkert pælt
í því,“ sagði Ólafur. „Ég las það
í einhverju blaði að okkur hefur
aldrei tekist að vinna Dani og
fjórum sinnum gert jafntefli. Ég
tel að jafntefli á þessum velli hér
á morgun væru frábær úrslit fyrir
okkur.“
Ísland tapaði fyrir Noregi
á föstudagskvöldið í leik þar
sem liðið var síst lakari aðil-
inn lengst af í leiknum. „Nú
erum við að spila við
mun sterkara lið.
Danir munu vera
meira með bolt-
ann en við. Þeir
hafa stundum
verið kallaðir
Brasilíumenn
Evrópu og hafa
góðan skilning
á því hvað þeir
vilja gera. Liðið
hefur verið með
sama þjálfarann
í tíu ár sem hefur
fastmótað stíl liðs-
ins.“
Ólafur á von á
því að íslenska liðið
þurfi að vera í eltingar-
leik við Danina í kvöld.
„Þeir munu pressa mjög
stíft á okkur. Við þurf-
um að finna lausnir á
því og koma okkur úr
þeirri pressu. En þegar
möguleikinn
gefst á að taka
boltann og spila
honum ætlum við
að reyna að nýta
hann.“
Hann segir lyk-
i latriði að loka
ákveðnum svæðum
í íslensku vörninni.
„Við viljum ekki láta
sundurspila okkur á miðj-
um vellinum og í kringum
vítateiginn okkar. Auðvitað kemur
það einhvern tímann fyrir að þeir
taki þríhyrning á miðjum vellin-
um og það mun koma fyrir að þeir
komist upp vængina. En þá munum
við reyna að vinna þá bolta sem
verða sendir fyrir markið.“
Ólafur hefur áður sagt að til þess
að íslenska landsliðið nái árangri
gegn sterkari þjóðum þurfi allt
að ganga upp. Hann ítrekaði það
í gær. „Við megum hvergi mis-
stíga okkur, ekki í eina sekúndu.
Okkur verður refsað fyrir það.
Við förum inn á völlinn með eitt
stig og við ætlum að berjast með
kjafti og klóm í níutíu mínútur til
að halda því,“ sagði hann og bætti
við að hann hefði tröllatrú á sínum
mönnum.
„Menn verða að fara óhrædd-
ir inn á völlinn. Við höfum ekk-
ert að hræðast – ekki neitt. Við
erum í þessu til að hafa gaman af
þessu og menn verða líka að þora
að brosa. Út á það gengur þetta.
Ég veit að leikmenn verða mjög
sáttir eftir leikinn. Ég veit að við
munum gefa allt sem við mögulega
eigum og getum í leikinn – það er
pottþétt.“
Við höfum ekkert að hræðast
Ísland mætir í dag Dönum á Parken-leikvanginum í Kaupmannahöfn en leikurinn er liður í undankeppni
EM 2012. Ólafur Jóhannesson landsliðsþjálfari býst við erfiðum leik en hefur trú á strákunum sínum.
ÆTLUM AÐ BERJAST Landsliðs-
þjálfarinn segir að strákarnir ætli
að selja sig dýrt í kvöld.
FRÉTTABLAÐIÐ/ANTON
EINBEITTIR Strákarnir æfðu á hinum glæsilega Parken-leikvangi í gær og voru afar einbeittir eins og sjá má.
Ísland hefur aldrei unnið landsleik á þessum velli. FRÉTTABLAÐIÐ/BJÖRGVIN
FÓTBOLTI Sölvi Geir Ottesen verður
fyrirliði íslenska landsliðsins á
Parken í Kaupmannahöfn í kvöld.
Þar mætir liðið Dönum í undan-
keppni EM 2012. Sölvi leikur
með FCK þar í borg og þekkir því
Parken vel. Hann á þó ekki von á
því að tilfinningin verði öðruvísi
fyrir vikið.
„Í raun og veru ekki. Það er
mikið stolt og heiður sem fylgir því
að fá að leiða íslenska landsliðið út
á völlinn og þannig verður það líka
í kvöld. Annars er þetta bara sama
tilfinning og venjulega sem fylgir
því að spila fótboltaleiki.“
Hann segir möguleika Íslands
í kvöld ágæta þrátt fyrir tapleik
gegn Noregi á föstudagskvöldið.
„Ef við náum að spila eins vel og
við gerðum í fyrri hálfleik gegn
Noregi. En við verðum líka að hafa
trú á okkur og að við getum náð
stigi hér.“
Hann segir þó ýmislegt sem
liðið þurfi að bæta fyrir leik-
inn í kvöld. „Við þurfum að vera
nær hver öðrum inni á vellin-
um og vera þéttari fyrir í okkar
varnarleik. Það var það sem fór
úrskeðis í seinni hálfleik gegn
Norðmönnum.“
Ólafur Ingi Skúlason spilar
einnig í Danmörku en með Sönd-
erjyskE. Hann segir að allir leik-
menn liðsins séu harðákveðnir í
því að láta tapleikinn ekki slá sig
út af laginu.
„Auðvitað vorum við reiðir og
pirraðir. En við þekkjum allir þá
tilfinningu sem fylgir því að tapa
knattspyrnuleikjum og við vorum
ákveðnir í því að þessum leik væri
einfaldlega lokið. Hann fór inn á
reynslubankann og menn eru gír-
aðir upp í að gera það gott hér,“
sagði Ólafur Ingi og bætti við:
„Við teljum að það sé mögulegt.
Það verður að sjálfsögðu erfitt, en
það er enginn vafi á því að það er
mögulegt.“ - esá
Sölvi Geir Ottesen og Ólafur Ingi Skúlason um leikinn gegn Dönum í kvöld:
Þurfum að hafa trú á okkur
HRESSIR Það var létt yfir Ólafi Inga og Ólafi landsliðsþjálfara í gær.
FRÉTTABLAÐIÐ/BJÖRGVIN