Fréttablaðið - 29.10.2010, Page 8

8 29. október 2010 FÖSTUDAGUR
MENNTAMÁL Nýlega skipað siðaráð Kennarasam-
bands Íslands (KÍ) mótar nú nýjar verklagsreglur
um viðbrögð sambandsins við kynferðisbrotamál-
um. Ekki hefur verið til skýr stefna um verkferli
slíkra mála innan KÍ hingað til.
Atli Vilhelm Harðarson, fyrsti
formaður siðaráðs KÍ, segir sitt
fyrsta verk hafa verið að efna til
samstarfs innan þeirra mörgu
stofnana sem séu innan sam-
bandsins.
„Við erum fyrst núna að ná
saman og móta stefnu um mál
sem varða áreitni og slíka hegð-
un í skólum. Sú stefna er ekki
orðin til. Við erum ekki komin
lengra,“ segir Atli. „Þegar um er
að ræða brot sem eru á gráum
svæðum hefur hingað til ekki
verið skýrt hvaða verklag á að
nota.“
Atli segir ófaglega framkomu
kennara alvarlegt mál. Ekki séu
til neinar beinar reglur um það
hvernig kennara beri að haga
sér í samskiptum við nemend-
ur, heldur séu málin metin innan
hverrar stofnunar fyrir sig.
Ef fullorðinn kennari tælir óharðnaðan ungl-
ing verður að taka það alvarlega og það er óheim-
ilt samkvæmt lögum, segir Atli. KÍ hafi þó hvorki
umboð né lagagrundvöll til þess að veita formleg-
ar áminningar heldur verður það skólastjórnanda
til ráðgjafar.
Guðrún Jónsdóttir, talskona Stígamóta, segir að
mikilvægt sé fyrir bæði kennara og nemendur að
vita hvert eigi að snúa sér ef kynferðisbrot eigi
sér stað innan stofnunarinnar.
„Allir skólar eiga að hafa klárt ferli um það
hvað fer í gang, hverjir koma að því og hvernig sé
brugðist við. Það er ekki nóg fyrir starfsfólkið að
vita það, heldur verður það einnig að vera skýrt
fyrir nemendur,“ segir Guðrún.
Eiríkur Jónsson, formaður KÍ, segir að ef alvar-
leg mál komi upp innan sambandsins verði menn
ákærðir og málið fari í sinn farveg fyrir dómstól-
um. Hann segir það ekki vera hlutverk stéttar-
félagsins að verja þá sem séu sakaðir um brot á
hegningarlögum.
„Við höfum velt þessu fyrir okkur eftir þessa
miklu umræðu um kynferðisbrot í samfélaginu,“
segir Eiríkur. „Auðvitað er þetta hlutur sem getur
hent í okkar umhverfi eins og annars staðar. Það
getur enginn fríað sig þeirri ábyrgð.“
sunna@frettabladid.is
Kennarar móta nýja stefnu
í kynferðisbrotamálum
Siðaráð KÍ endurskoðar siðareglur um kynferðisbrotamál. Nægilega skýrum verklagsreglum ábótavant,
segir formaður siðaráðs. Brjóti starfsmaður hegningarlög fer málið strax í farveg fyrir dómstólum.
– Lifið heil
Danatekt Intim
DANATEKT INTIM er hreinsikrem
og hlífðarkrem fyrir viðkvæmustu staði
líkamans. Intim hentar allri fjölskyldunni,
einnig ungabörnum. Danatekt brjósta-
kremið þarf ekki að þurrka af fyrir gjöf
og er eina svansmerkta brjóstakremið
á markaðnum.
Nýtt
í Lyfju
www.lyfja.is
ÍS
L
E
N
S
K
A
/S
IA
.I
S
/L
Y
F
5
19
70
1
0/
10
Án parabena, ilm- og litarefna
Nánari upplýsingar á www.portfarma.is
DÓMSMÁL Hæstiréttur Íslands
hefur hnekkt úrskurði Héraðs-
dóms Reykjavíkur þar sem Sjúkra-
tryggingar Íslands voru sýknaðar
af bótakröfu sjómanns.
Bátur mannsins strandaði í Væk-
ilvík skammt frá Skagaströnd í júlí
2007. Hann hafði verið við veiðar á
Hofstaðagrunni og hugðist sigla til
Skagastrandar til að taka olíu.
Hann setti sjálfstýringu á og
stefnuna á Spákonufellshöfða.
Sjómaðurinn sofnaði á leiðinni og
vaknaði þegar báturinn á skall á
fjörugrjóti. Hann hlaut áverka í
hálsi og baki og tognun á vinstri
úlnlið sem leiddi að hans sögn til
þess að hann var óvinnufær í fjóra
mánuði.
Sjúkratryggingar vildu meina
að slysið hefði ekki borið óvænt
að og félli þá ekki undir lög um
vátryggingarétt. Hæstiréttur tók
ekki undir það.
Hæstiréttur hnekkir úrskurði Héraðsdóms:
Sjómaður fær bætur
frá Sjúkratryggingum
ATLI HARÐARSON
EIRÍKUR JÓNSSON
SERBÍA, AP Ríkisstjórn Serbíu hefur
lagt meira fé til höfuðs Bosníuser-
banum og stríðsglæpamanninum
Ratko Mladic. Upphæðin var tíföld-
uð, fór úr einni í tíu milljónir evra.
Mladic er sakaður um að hafa
skipulagt fjöldamorð á allt að 8.000
múslímskum drengjum og mönnum
frá Srebrenica árið 1995 og fyrir
þriggja ára umsátur um Saraje-
vo, höfuðborg Bosníu. Ríkisstjórn-
in lofaði einnig einni milljón evra í
verðlaun fyrir handtöku uppreisn-
arleiðtoga Króatíuserba, Gorans
Hadzic. Áður var lofað 250 þúsund
evrum. Fé var fyrst lagt til höfuðs
mönnunum árið 2007, en báðir eru
taldir vera í felum í Serbíu. Banda-
ríkin hafa þegar lofað fimm millj-
ónum Bandaríkjadala (560 milljón-
um króna) fyrir upplýsingar sem
myndu leiða til handtöku Mladic.
Fyrr í þessari viku sagði Evrópu-
sambandið að Serbía yrði að draga
þessa tvo stríðsglæpamenn fyrir
dóm ef landið vildi einhvern tím-
ann gerast aðili að sambandinu.
- óká
VEGGJAKROT Í BELGRAD Kona
gengur fram hjá mynd af Ratko
Mladic í Belgrad í Serbíu.
FRÉTTABLAÐIÐ/AP
Serbía leggur meira fé til höfuðs tveimur stríðsglæpamönnum:
Tífalda verðlaunafé fyrir Mladic
SIÐAREGLUR KENNARA Formaður siðaráðs KÍ telur ástæðu til þess að endurskoða þær siðareglur sem
snúa að kynferðisbrotamálum. FRÉTTABLAÐIÐ/ANTON
1. Grunur um kynferðisbrot
Fái skólameistari ábendingu um kynferðisbrot skal hann
tilkynna slíkt til lögreglu og hlutaðeigandi barnaverndar-
yfirvalda.
2. Ákæra
Gefi saksóknari út ákæru skal skólameistari tilkynna
kennara um að honum hafi verið veitt leyfi frá störfum og
forsendur liggi fyrir að fenginni niðurstöðu dómsmálsins.
3. Sýknudómur
Verði kennari sýknaður af ákærum skal skólameistari meta
það sérstaklega hvort tilefni sé til viðbragða gagnvart
starfsmanninum, með hliðsjón af öllum málavöxtum.
4. Dómur eða játning fyrir dómi eða lögreglu
Hafi kennari hlotið dóm eða játað brot eftir að hann var
ráðinn til starfa, uppfyllir hann ekki lengur hæfnisskilyrði til
að gegna starfinu. Um leið og vitneskja um sekt fæst ber
að segja kennara upp störfum.
5. Játning við meðferð skólameistara á málinu
Játi kennari refsivert brot fyrir skólameistara hefur hann
ekki lengur þá tiltrú sem til þarf til að gegna áfram starf-
inu. Skólameistara ber þá að tryggja fullnægjandi sannanir
fyrir játningu.
6. Skólanefnd
Við meðferð mála sem varða meint kynferðisbrot kennara
skal skólameistari hafa samráð við skólanefnd.
7. Kynning
Að höfðu samráði við skólanefnd ákveður skólameistari
hvernig einstök mál verða kynnt fyrir nemendum, foreldr-
um og starfsfólki skólans.
Leiðbeiningar til skólameistara um viðbrögð við brotum
Unnið af mennta- og menningarmálaráðuneytinu út frá samvinnu ráðuneytisins og Kennara-
sambands Íslands, varðandi viðbrögð við kynferðisbrotum.
Leiðbeiningarnar eru settar fram á grundvelli laga um réttindi og skyldur starfsmanna ríkisins og laga um framhaldsskóla
þegar taka þarf ákvörðun um réttindi og skyldur framhaldsskólakennara og fyrir liggur grunur um kynferðisbrot, játning
eða dómur. Það er skólameistari sem tekur ákvörðun um réttindi og skyldur kennara.
ÞÝSKALAND, AP Grænfriðungar
létu sig í gær síga ofan af höfuð-
stöðvum flokks Angelu Merkel
Þýskalandskanslara með borða
þar sem kjarnorku er mótmælt.
Aðgerðirnar eru meðal fjölda
annarra þar sem fyrirætlunum
stjórnar Merkel um að fram-
lengja líf kjarnorkuvera í Þýska-
landi er mótmælt.
Merkel hefur varið óvinsæla
ákvörðun stjórnarinnar um að
hætta við úreldingu kjarnorku-
veranna fyrir árið 2021. Hún
segir að kjarnorku þurfi til að
útvega ódýra og trygga orku
fram til 2050 þegar endurnýjan-
legir orkukostir hafi verið teknir
í notkun. - óká
Greenpeace lætur til sín taka:
Mótmæla
breyttri kjarn-
orkuáætlun
MÓTMÆLI Aðgerðasinnar hengja mót-
mælaplagg á höfuðstöðvar Kristilegra
demókrata í Þýskalandi. FRÉTTABLAÐIÐ/AP
1. Hvenær hefst rjúpnaveiði-
tímabilið í ár?
2. Hvert verður upplag síma-
skrárinnar á næsta ári?
3. Hvað hefur Ólafur Stefáns-
son leikið marga leiki með
handboltalandsliðinu?
SVÖR
1. Í dag. 2. 150 þúsund eintökum. 3. 300
leiki.
Dæmdur fyrir barsmíðar
Hæstiréttur hefur staðfest dóm
Héraðsdóms Reykjavíkur yfir manni
sem sló annan mann með glerflösku
í höfuðið á skemmtistaðnum Nasa
í Reykjavík. Maðurinn var dæmdur í
sex mánaða skilorðsbundið fangelsi
og til greiðslu nær 360 þúsunda
króna í skaðabætur.
DÓMSMÁL
Knattspyrnufélagið Fram hefur sótt
um vínveitingaleyfi til að geta nýtt
félagsheimili sitt til veisluhalda.
Afgreiðslu málsins var frestað á fundi
byggingafulltrúa á þriðjudag.
ÍÞRÓTTAFÉLÖG
Fram vill vínveitingaleyfi
MEXÍKÓ, AP Sex ungir menn voru
skotnir til bana í Mexíkóborg
aðfaranótt fimmtudags.
Í viðtali við sjónvarpsstöðina
Televisa sagði saksóknari að til
harðra orðaskipta hafi komið milli
ungu mannanna, sem allir voru
um og rétt yfir tvítugu, og byssu-
mannanna sem borið hafði að áður
en þeir síðarnefndu hófu skothríð.
Mancera kvaðst ekki vita hvort
árásin tengdist eiturlyfjaviðskipt-
um glæpagengja. Deilur gengja
bílaþjófa hafi líka verið til vand-
ræða í hverfinu. - óká
Gengi bílaþjófa eiga í deilum:
Sex skotnir í
Mexíkóborg
VEISTU SVARIÐ?