Fréttablaðið - 29.10.2010, Síða 26

29. október 2010 FÖSTUDAGUR4
„Auðvitað klóruðu sér einhverj-
ir í hausnum yfir þessu framtaki.
Almennt tóku þó flestir vel í það
og enn í dag eru þetta langvin-
sælustu réttirnir á matseðlinum,“
segir Valgerður Jóhannsdóttir,
einn eigenda Hornsins, sem var
einn af fyrstu veitingastöðum á
landinu sem bauð upp á pitsur.
Valgerður og eiginmaður henn-
ar, Jakob H. Magnússon, stofn-
uðu Hornið árið 1979 þá nýflutt
heim með eit barn frá Danmörku,
en það var einmitt þar sem þau
fengu þá hugmynd að opna pitsu-
stað á Íslandi. „Við bjuggum í
Kaupmannahöfn í nokkur ár þar
sem Jakob vann á pitseríu við
Strikið. Okkur datt í hug að opna
sams konar stað hérlendis ásamt
félaga okkar, sem gekk reyndar
út úr rekstrinum einu og hálfu
ári síðar, og ekki verður annað
sagt en að það hafi lukkast vel,
þar sem pitsurnar féllu í kramið
hjá þjóðinni.“
Pitsumenning Íslendinga
hefur vitanlega tekið miklum
breytinum frá því að Hornið
var opnað fyrir meira en þrjá-
tíu árum. Pitsustaðir og -keðjur
hafa sprottið upp eins og gorkúl-
ur og pitsur teljast ekki lengur
til framandi rétta heldur dæmi-
gerður heimilismatur á borðum
landsmanna. Valgerður segir þó
ekkert af þessu hafa slegið á vin-
sældir pitsanna á Horninu. „Nei
og það sem meira er að þótt við
höfum reynt að fylgja einhverj-
um nýjum straumum í pitsugerð
þá eru það þessar sem hafa verið
lengst á matseðli sem fólk sækist
mest eftir.“
Valgerður segir sömu lögmál
gilda um útlit staðarins, sem
hefur verið haldið óbreyttu frá
upphafi og að þar spili ekki síst
inn í kröfur viðskiptavinanna.
„Auðvitað hefur okkur oft lang-
að til að breyta ýmsu og höfum
reynt að gera nokkrar lítils hátt-
ar breytingar, eins og að færa
til málverk, en þessu hafa kúnn-
arnir mótmælt harðlega og þar af
leiðandi þorum við ekki að hreyfa
við neinu. Svona eftir á að hyggja
er vel hugsanlegt að þetta eigi
sinn þátt í vinsældum staðarins,
fyrir jú utan auðvitað matseðil-
inn. Fólk vill geta gengið að öllu
vísu og á meðan það gengur vel
er svo sem engin ástæða til að
breyta því.“ roald@frettabladid.is
Nýjung sem féll í kramið
Hornið var með fyrstu veitingastöðum á Íslandi til að bjóða upp á pitsur þegar það var opnað árið 1979. Einn eigendanna, Valgerð-
ur Jóhannsdóttir, segir landsmenn hafa tekið framtakinu fagnandi og síðan þá hafi pitsurnar verið vinsælastar á matseðli staðarins.
Á Horninu geta viðskiptavinir fylgst
með matreiðslumönnum að störfum á
meðan beðið er eftir kræsingunum.
„Þetta er sannkallað fjölskyldufyrirtæki, maðurinn minn Jakob og dóttirin Ólöf
sjá um matseld, eldri sonurinn Hlynur kemur að rekstrinum og sá yngri Jakob
er þjónn. Sjálf er ég allt í öllu, sinni allt frá þrifum til reksturs,“ segir Valgerður,
hér ásamt Jakobi og elsta syninum Hlyni. FRÉTTABLAÐIÐ/STEFÁN
Setjið fjóra bolla af hveiti út í einn bolla af
volgu vatni ásamt hálfri teskeið af þurrgeri,
tveimur teskeiðum af sykri og hálfri teskeið
af salti. Hnoðið vel saman og látið hefa sig.
Þegar því er lokið eru gerðar hnefastórar kúlur
úr deiginu. Látið þær hefa sig smávegis aftur,
fletjið síðan út í pitsu.
Sósan á Horninu er leyndarmál, en hægt er
að kaupa tilbúna pitsusósu úti í búð eða laga
hana til heima úr maukuðum tómötum, orega-
no, salti og pipar og krydda eftir smekk. Þá þarf
bara að gæta þess að sósan sé ekki of þykk,
svo auðvelt sé að smyrja hana á pitsuna.
Þegar búið er að smyrja sósu á pitsuna, setjið
þá kræklingana, hörpuskeljarnar og rækjurn-
ar ofan á og dreifið vel úr öllu saman. Bakið
pits una við 180-200°c í um það bil 15-20
mínútur. Setjið óreganó yfir pitsuna þegar hún
kemur úr ofninum.
PIZZA PESCATORE HEFUR VERIÐ Á
MATSEÐLI HORNSINS FRÁ UPPHAFI
Pizza pescatore eða sjávarréttapitsa er meðal þeirra
rétta sem hafa notið mikilla vinsælda á Horninu frá
fyrstu tíð. FRÉTTABLAÐIÐ/STEFÁN
Pitsudeig
1 bolli volgt vatn
4 bollar hveiti
½ tsk. þurrger
2 tsk. sykur
½ tsk. salt
Álegg
4-5 kræklingar
Um það bil 10 hörpu-
skeljar
Handfylli af rækjum
Pitsusósa, keypt eða
heimalöguð
Óreganó
rKo nax-hveiti er framleitt með mismunandi baksturseiginleika
rP óteinríkt hveiti hentar t.d. vel í pizzur og brauð en hveiti sem
ni nheldur minna prótein hentar betur í kökur og kex.
Kornax framleiðir 2 gerðir af hveiti ásamt heilhveiti og rúgmjöli.
Á heimasíðu Kornax, www.kornax.is,
má finna ýmsan fróðleik, hollráð og uppskriftir
sem falla vel að bakstri úr Kornax-hveiti.
Veldu íslenska
gæðaframleiðslu!
Ferskasta hveitiÐ!
- alltaf nýmalaÐ
hí uga sem byggja á próteininnihaldi hveitisins.
Kornax hveitimylla | Korngörðum 11 - 104 Reykjavík | Sími: 540 8700 | kornax@kornax.is | www.kornax.is