Fréttablaðið - 29.10.2010, Page 55

29. október föstudagur 7
álag segist Jóhanna njóta hvers
augnabliks. „Ég minni mig þá á
hversu fljótt þetta er að líða og
að ég eigi að upplifa og njóta
núsins og ekki vera að bíða eftir
að ákveðið tímabil í lífi barnanna
hefjist eða ljúki.“
Að sögn Jóhönnu deilir Geir
áhuga hennar á heilbrigðu líf-
erni og árið 2006 ferðuðust þau
saman til Indlands þar sem þau
lærðu hugleiðslu. Parið dvaldi í
tvær vikur á Indlandi og segir
Jóhanna að ferðin hafi haft af-
gerandi áhrif á líf þeirra. „Þetta
snýst raunverulega um hina
andlegu leið. Hvernig ég vil þró-
ast sem manneskja og komast
nær kjarna mínum. Það er og
verður stóra verkefnið mitt í líf-
inu. Ég var einu sinni mjög upp-
tekin af því að vilja breyta heim-
inum en sannleikurinn er sá að
þú breytir engum nema sjálfum
þér. Þetta snýst um innri frið og
er stanslaus viðleitni því hraðinn
og streitan í samfélaginu hrifsar
fólk auðveldlega með sér. Og ég
er mjög fegin að við Geir deilum
þessum áhuga því það er mun
auðveldara að feta þessa leið
áfram ef lífsförunautur þinn er
þér samstiga. Og í raun held ég
að ég gæti ekki verið með manni
sem gerði það ekki.“
ÖRLÖGIN GRIPU INN Í
Jóhanna var á meðal þeirra
starfsmanna Ríkisútvarpsins
sem var sagt upp störfum í byrj-
un ársins. Hún segist líta á upp-
sögnina sem guðsgjöf sem gerði
það að verkum að hún fór að
rækta það sem stóð hjarta henn-
ar næst. „Ég var búin að starfa
í fjölmiðlum frá árinu 2001 og í
raun var minn tími bara kominn.
Það virðist vera að þegar maður
er kominn í þægilega stöðu í líf-
inu óttist maður breytingar og þá
er stundum eins og örlögin grípi
inn í.“
Frægðin er einn af fylgifiskum
þess að starfa í fjölmiðlum og
segir Jóhanna margt jákvætt og
neikvætt fylgja henni. Hún seg-
ist þó lítið hafa velt sér upp úr
frægðinni og líður best þegar hún
getur dregið sig inn í skel sína.
„Ætli ég sé ekki svolítið mikill
sporðdreki í mér, mér finnst best
að vera inni í skel minni. En það
virðast ekki vera mín örlög að fá
að dúsa þar,“ segir hún og hlær.
Jóhanna var ekki lengi frá
skjánum því nú stýrir hún þætti
á sjónvarpsstöðinni ÍNN sem
fjallar um hugðarefni hennar;
forvarnir og heilsu. „Ingvi [Hrafn
Jónsson] hafði samband við mig
og bað mig að ganga til liðs við
stöðina og mér þótti gaman að fá
að leggja henni lið. Þetta er í raun
aukabúgrein fyrir mig og meira
unnið af ástríðu en launin leggja
til. Ég næ auðvitað ekki til eins
margra og ég gerði hjá Sjónvarp-
inu en ég er sátt svo lengi sem ég
næ að hreyfa við einhverjum.“
UNG Í ANDA
Jóhanna verður fertug í desem-
ber og þegar hún er innt eftir því
hvort henni finnist hún standa
á ákveðnum tímamótum í líf-
inu verður hún hugsi. „Nei, ekki
hvað aldurinn varðar. Maður
heldur alltaf að með aldrinum
muni maður einnig eldast í koll-
inum en ég held að maður verði
alltaf ungur í anda, óháð aldri.
Maður þroskast auðvitað en mér
finnst ég alltaf yngri en aldur-
inn segir til um, ætli flestum líði
ekki þannig? Ég verð þó að við-
urkenna að ég hugsa kannski allt
of mikið um það eftir því sem ég
eldist hve tíminn í þessu lífi er
takmarkaður. Maður þarf því að
njóta hvers augnabliks og mæta
hverju því sem lífið hefur upp á
að bjóða með æðruleysi. Lífið er
til þess að njóta þess, og ég trúi
því að ef þú takir lífinu fagnandi
taki það fagnandi við þér. Það er
að minnsta kosti mín reynsla.“
segir hún að lokum brosandi.
www.signaturesofnature.is
Náttúrulegar og lifrænar snyrtivörur
Verlsanir okkar eru í Smáralind 2. hæð við D-inngang sími 511-10-09
Ég var svo ánægð að uppgötva Nature Scent
vörurnar í litlu fallegu búðinni sem lítið fer fyrir í
Smáralindinni. Ég hef prófað óteljandi húðvörur í
gegnum tíðina og elska að finna gott body-krem
eða olíu. Í mínu starfi er húðin í stöðugri hreinsun
og þá er svo gott að toppa meðhöndlun húðarinnar
með góðum vörum sem eru náttúrulegar og ylma
unaðslega. Ég elska lemongrass ylminn til dæmis.
Nature Scent vörurnar eru greinilega mjög vandaðar
og manni líður strax vel í húðinni. Yndisleg búð með
vörum sem hægt er að treysta og njóta!
Jóhanna Karlsdóttir
HotYoga leiðbeinandi
Tilboð
• Lavender líkamsdekur
20% verð 7.968
• Body scrub í lífrænni olíu
• Sturtu og baðsápa
• Body lotion
• Unaðsleg reykelsi
• Dekraðu og nærðu húðina
og á sama tíma upplifir þú
góða og heildræna slökun
Gú
rku
maski
Tómatam
as
ki
And
litsm
ask
ar
–30
%