Fréttablaðið - 04.11.2010, Blaðsíða 54

34 4. nóvember 2010 FIMMTUDAGUR34
menning@frettabladid.is
Þankaganga Myślobieg
nefnist ný íslensk barna-
bók eftir Völu Þórsdóttur
og Agnieszku Nowak. Bókin
fjallar um pólsk-íslenska
stúlku á Íslandi, sem er tví-
tyngd og er bókin skrifuð
bæði á íslensku og pólsku.
Snúið mál að tala tvö mál
AGNIESZKA OG VALA Kynntust í íslenskukennslu hjá Mími og ákváðu að taka höndum saman og skrifa bók um tvítyngda pólsk-
íslenska stúlku. FRÉTTABLAÐIÐ/PJETUR
Þankaganga Myślobieg fjallar um
Myślobieg, tíu ára gamla íslensk-
pólska stúlku, sem er tvítyngd
og býr með foreldrum sínum og
afa og ömmu í Reykjavík. Þangað
eru þau nýflutt frá Egilsstöðum
en upphaflega kemur fjölskylda
hennar frá Gdansk í Póllandi.
Bókin segir frá daglegu lífi Myślo-
bieg, sem litast meðal annars af
hugarangri hennar yfir því að
vera smámælt.
Bókin er höfundarverk þeirra
Völu Þórsdóttur, sem er höf-
undur sögunnar, og Agnieszku
Nowak, sem teiknar myndirn-
ar. Leiðir þeirra lágu saman
á íslenskunámskeiði hjá Mími
fyrir tveimur árum, þar sem Vala
kennir íslensku en Agnieszka var
nemandi hennar.
„Agnieszka er arkitekt en
missti vinnuna í hruninu,“ segir
Vala. „Ég minntist einu sinni á
það við hana að mig langaði til
að skrifa barnabók og hún spurði
hvort ég væri búin að fá einhvern
til að teikna myndirnar. Í kjölfar-
ið ákváðum að leiða saman hesta
okkar og byrjuðum á bókinni.“
Vala hafði kynnst mörgum
fjölskyldum með tvítyngd börn í
kennslustarfi sínu. Þær Agnieszka
ákváðu fljótlega að láta bókina
fjalla um pólsk-íslenska stelpu.
En til að vera betur í stakk búnar
til að gægjast inn í hugarheim
tvítyngdrar stúlku lögðust þær í
talsverða heimildarvinnu.
„Ég talaði við fólk uppi í
Háskóla og las mér til um tví-
tyngi, auk þess sem ég tók við-
töl við pólsk-íslenskar fjölskyld-
ur til að kynnast því hvort og þá
hvernig það sé öðruvísi að alast
upp á Íslandi verandi af tveimur
þjóðernum. Börnin sem ég talaði
við, ásamt alíslenskum börnum,
lásu svo uppdrátt að handritinu
og gáfu mér gagnrýni. Þetta var
mjög skemmtilegt ferli.“
Vala segir að rannsóknir hennar
á hlutskipti tvítyngdra barna hér
á landi hafi leitt ýmislegt forvitni-
legt í ljós. „Þeim er stundum strítt
þegar þau tala við hvert annað á
móðurmálinu. Þau lenda líka oft
í því að þurfa að túlka fyrir for-
eldra sína og aðra ættingja sína,
til dæmis úti í búð eða jafnvel í
skólanum. Þau þurfa því að axla
talsverða ábyrgð ung að árum og
vaxa mjög fljótt úr grasi.“
Bókin er sem fyrr segir skrif-
uð á tveimur tungumálum; vinstri
síðan á pólsku og sú hægri á
íslensku. Vala segir að eftir því
sem hún komist næst sé þetta
fyrsta tvítyngda barnabókin sem
komið hefur út hér á landi. „Og það
hafa ekki komið út margar barna-
bækur hér á landi sem fjalla um
nýbúa, þó vissulega einhverjar.“
Vala og Agnieszka gefa bók-
ina sjálfar út en í tengslum við
útgáfuna efna þær til ókeypis
námskeiða í sagnagerð og teikn-
ingu fyrir krakka á bókasöfnum
á fimm stöðum á landinu: í Kefla-
vík, Breiðholti, á Selfossi, Akur-
eyri og Egilsstöðum.
„Við vildum búa til smá átak í
kringum þetta,“ segir Vala, „til
að stuðla að meiri tengingu milli
krakka af blönduðu þjóðerni og
íslenskra krakka eftir skóla. Von-
andi verður bókin og námskeiðin
til þess að hrinda af stað umræðu
um þessi mál hér á landi; ekki er
vanþörf á.“ bergsteinn@frettabladid.is
SNAGAR LÍNUR Á VEGG Guðrún Hadda Bjarnadóttir opnar sýninguna „Snagar línur á vegg“ á Café Karólínu á
Akureyri laugardaginn 6. nóvember klukkan 15. Sýningin stendur til 3. desember og eru allir velkomnir.
O magnum mysterium er yfirskrift
tónleika Kvennakórsins Vox fem-
inae sem haldnir verða í Krists-
kirkju Landakoti í kvöld klukkan
20.30. Á þeim verða flutt nokk-
ur trúarleg verk sem Margrét J.
Pálmadóttir kórstjóri hefur valið
frá endurreisnartímanum auk
tveggja sálma Þorkels Sigurbjörns-
sonar sem bera með sér stílbragð
liðins tíma. Stefán S. Stefánsson
spinnur á saxófón við sum verk-
anna. Þess má geta að sama dag-
skrá verður flutt í Hafnarfjarðar-
kirkju 10. nóvember og hluti hennar
við og eftir messu í Reykholtskirkju
í Borgarfirði næsta sunnudag.
Að tónleikunum loknum mun
Margrét J. Pálmadóttir kórstjóri
árita nýútkomna bók Vox feminae,
da capo. Bókinni fylgir geisladisk-
ur með nokkrum söngperlum kórs-
ins frá eldri upptökum. Miðaverð er
2.000 krónur.
Vox feminae syngur
1
3
5
7
9
2
4
6
8
10
Furðustrandir
Arnaldur Indriðason
Myrkvun
Stephenie Meyer
Fleiri prjónaperlur
Ýmsir höfundar
Mataræði - handbók um
hollustu - Michael Pollan
Hreinsun
Sofi Oksanen
Stóra Disney
matreiðslubókin
METSÖLULISTI EYMUNDSSON
SAMKVÆMT BÓKSÖLU Í EYMUNDSSON UM LAND ALLT
27.10.10 - 02.11.10
Sokkar og fleira
Kristín Harðardóttir
Danskennarinn snýr aftur,
kilja - Henning Mankell
Stelpur
Þóra Tómasdóttir
Guðrún Ögmundsdóttir
Halla Gunnarsdóttir