Fréttablaðið - 04.11.2010, Blaðsíða 58

38 4. nóvember 2010 FIMMTUDAGUR
tonlist@frettabladid.is
Strákarnir í Weezer hafa
endurútgefið hina van-
metnu Pinkerton frá árinu
1996. Tvær aðrar plötur
með sveitinni eru einnig
nýkomnar út.
Weezer sló í gegn um miðjan
tíunda áratuginn með sinni fyrstu
plötu, samnefndri hljómsveit-
inni. Hún seldist í milljónum ein-
taka og lögin Undone, The Sweat-
er Song og Buddy Holly fengu
mikla spilun á MTV og í útvarpi.
Weezer voru allir vegir færir og
þess vegna kom næsta plata henn-
ar, Pinkerton, mörgum á óvart.
Hljómurinn var hrárri og myrkari
en á forveranum og útkoman var
nokkuð á skjön við hið aðgengi-
lega og melódíska popp-rokk sem
einkenndi „bláu plötuna“.
Fyrsta smáskífulagið El Scorcho
féll ekki í kramið hjá almenningi
og smám saman varð Pinkerton
týnd og tröllum gefin, þó svo að
hörðustu aðdáendur Weezer hafi
ávallt haldið tryggð við hana. For-
sprakkinn Rivers Cuomo var lengi
að jafna sig á þessum ósigri. Hann
hvarf af sjónarsviðinu, sneri aftur
í Harvard-háskóla og heil fimm
ár liðu þangað til næsta plata, hin
græna Weezer, leit dagsins ljós. Sú
var greinilegt afturhvarf til fyrstu
plötunnar, og lögin Hashpipe,
Island in the Sun og Photograph
féllu mun betur í kramið en það
sem Pinkerton hafði upp á að
bjóða.
Núna, fjórtán árum eftir að
Pinkerton kom út, hefur hún
verið endurútgefin í viðhafnar-
útgáfu, endurhljóðblandaðri með
aukaplötu sem hefur að geyma
tónleikaupptökur, B-hliðalög og
ótúgefin lög. Ástæðan fyrir endur-
útgáfunni er sú uppreisn æru sem
platan hefur fengið eftir að hafa
upphaflega þótt mikil vonbrigði.
Núna er hún af mörgum spekúl-
entum talin ein mikilvægasta plata
síðasta áratugar og til marks um
það ákvað tímaritið Rolling Stone
að breyta þriggja stjörnu dómi
sínum um plötuna í fimm stjörnur
árið 2004. Tímaritið Spin nefndi
Pinkerton eina af hundrað bestu
plötum áranna 1985 til 2005 og
Guitar World segir hana á meðal
hundrað bestu gítarplatna allra
tíma. Tónlistarsíðan Pitchfork gaf
endurútgáfu Pinkerton síðan fullt
hús stiga, eða tíu, fyrir skömmu og
kallaði hana tímalausa snilld.
Weezer er með fleiri járn í eldin-
um um þessar mundir. Stutt er síðan
áttunda hljóðversplata sveitarinnar,
Hurley, og sú fyrsta hjá útgáfufyr-
irtækinu Epitah, kom út. Auk þess
kom út á þriðjudaginn, sama dag
og Pinkerton-endurútgáfan, plat-
an Death To False Metal. Á henni
eru níu óútgefin lög með Cuomo og
félögum sem komust ekki á hinar
plöturnar. Einnig er þar útgáfa
Weezer á smelli Toni Braxton, Un-
Break My Heart. freyr@frettabladid.is
TÓNNINN GEFINN
Trausti Júlíusson
Síðustu mánuðir ársins eru alltaf líflegir í tónleikahaldi á Íslandi. Air-
waves toppar auðvitað allt í október, en veislan heldur áfram út árið. Á
þessum tíma kemur út mikið af plötum og þeim fylgja útgáfutónleikar
sem oft er mikið lagt í. Prins póló, Sing for me Sandra, Sálin hans Jóns
míns, Blaz Roca, Rúnar Þórisson, Bubbi Morthens og Hjaltalín eru á
meðal þeirra sem halda útgáfutónleika á næstu dögum.
Hjaltalín kemur reyndar líka fram á stærsta tónlistarviðburði helg-
arinnar sem er norræna tónlistarhátíðin Direkt sem haldin er í tengsl-
um við norrænu listahátíðina Ting
sem nú stendur yfir í Reykjavík. Það
eru alls tíu tónlistaratriði á Direkt-
hátíðinni á fjórum viðburðum, en
dagskráin er sérstaklega þétt og
vel samsett. Í kvöld spila í Tjarnar-
bíói íslenska balkansveitin Orphic
Oxtra sem var að gefa út plötu, fær-
eyska bandið Budam sem margir
Íslendingar kannast við og danska
hljómsveitin Slaraffenland sem spil-
ar tilraunablandað popp og er sér-
staklega efnileg. Annað kvöld er það
svo sveittur stuðpakki á Nasa með
Berndsen, Retro Stefson og norsku
partíboltunum í Datarock sem áttu
góða innkomu á Airwaves 2006. Á laugardagskvöld eru tveir viðburð-
ir. Í Fríkirkjunni koma fram Hjaltalín og sænska gæðadúóið Wild-
birds & Peacedrums ásamt íslenska kórnum Schola Cantorum, en
seinna um kvöldið er lokahóf á Venue með Captain Fufanu og óvæntu
atriði. Hægt er að kaupa sig inn á hvern viðburð fyrir sig, en passi á
allt saman kostar 3.900 kr. sem hlýtur að teljast mjög sanngjarnt fyrir
jafn mikið af spennandi tónist.
Í kvöld fær Direkt reyndar mjög harða samkeppni. Sing for me
Sandra er með útgáfutónleika á Faktorý, Prins póló kynnir sína plötu á
Bakkusi og þríeykið óviðjafnanlega GRM, (Gylfi Ægisson, Rúnar Þór
og Megas) er með stórtónleika í Austurbæ.
Áfram tónleikaveisla
GÓÐIR GESTIR Danska hljómsveitin
Slaraffenland er á meðal þeirra sem
fram koma á Direkt-tónlistarhátíðinni
sem hefst í kvöld.
Vonbrigðin endurútgefin
Söngkonan og lagahöfund-
urinn Ólöf Arnalds fær
átta í einkunn af tíu mögu-
legum fyrir plötu sína Inn-
undir skinni á bandarísku
tónlistarsíðunni Pitchfork.
„Það er ekki hægt
annað en að heillast af
tónlist Ólafar en það þarf
einbeitingu til að elska
hana,“ segir gagnrýnand-
inn. Platan er sögð litrík
og tónlistarlega flókin
sem skilji gríðarmikið
eftir sig ef hlustandinn
er þolinmóður. Það sama
eigi við um síðustu plötu
bandarísku söngkonunnar
Joanna Newsom, Have
One On Me.
Dómur Pitchfork er
enn einn jákvæði dómur-
inn um Innundir skinni,
sem er önnur plata Ólafar.
Platan fékk fjórar stjörn-
ur í tónlistartímaritunum
Mojo, Uncut og Spin og
einnig hér í Fréttablaðinu.
Ólöf er þessa dagana á
tónleikaferð um Frakk-
land til að fylgja plötunni
eftir. Um miðjan mán-
uðinn fer hún síðan
til Bandaríkjanna þar
sem fjöldi tónleika er
fyrirhugaður. - fb
Ólöf lofuð á Pitchfork
ÓLÖF ARNALDS Tónlistarkonan fær átta í
einkunn á síðunni Pitchfork.
> Plata vikunnar
Bjartmar & Bergrisarnir - Skrýt-
in veröld
★★★★
„Bjartmar stígur aftur inn
í sviðsljósið með sína
bestu plötu í yfir 20 ár.“ TJ
> Í SPILARANUM
Friðrik Dór - Allt sem þú átt
Hjálmar - Keflavík Kingston
Cee-Lo Green - The Lady Killer
Kalli - Last Train Home
Neil Diamond - Dreams
FRIÐRIK DÓR NEIL DIAMOND
TÓNLISTINN
Vikuna 28. október - 3. nóvember 2010
LAGALISTINN
Vikuna 28. október - 3. nóvember 2010
Sæti Flytjandi Lag
1 Páll Óskar og Memfismafían ...Það geta ekki allir verið Gordjöss
2 Kings Of Leon ................................................Radioactive
3 Hjálmar ....................................................Gakktu alla leið
4 Cee Lo Green ....................................... Forget You (F U)
5 Bruno Mars ..................................Just The Way You Are
6 Helgi Björnsson & Reiðmenn vindanna Vinakveðja
7 Lifun ..................................................................Ein stök ást
8 Duffy ...........................................................Well Well Well
9 Hurts ..........................................................Wonderful Life
10 Bjartmar og Bergrisarnir ........................................Negril
Sæti Flytjandi Lag
1 Prófessorinn og Memfismafían ................. Diskóeyjan
2 Helgi Björnsson og reiðmenn vindanna Þú komst í hlaðið
3 Ingó og félagar .............................................Buddy Holly
4 Retro Stefson ...................................................Kimbabwe
5 Jónas Sigurðsson ........................................ Allt er ekkert
6 Friðrik Dór ................................................. Allt sem þú átt
7 Helgi Björnsson ........................... Ríðum sem fjandinn
8 Sálin hans Jóns míns................ Upp og niður stigann
9 Kings Of Leon ........................Come Around Sundown
10 Friðrik Ómar .................................................................Elvis
Þátttakendur í Lagalistanum: Bylgjan, FM957, Xið 977, Rás 2, Kaninn, tonlist.is. Verslanir í Tónlistanum: Skífan, Hagkaup, Penninn/Eymunds-
son, 12 tónar, Smekkleysa plötubúð, Havarí, Elkó, tonlist.is
Listarnir eru teknir saman fyrir Félag hljómplötuframleiðenda. Listarnir eru birtir í heild sinni á Vísir.is.
Stendur í stað síðan í síðustu viku Fellur um sæti síðan í síðustu viku Hækkar á lista síðan í síðustu viku Nýtt á lista
Skýringar:
WEEZER Forsprakki
Weezer, Rivers
Cuomo, var mjög
óánægður með
viðtökurnar sem
Pinkerton fékk á
sínum tíma.
Rolling Stone breytti ein-
kunnagjöf Pinkerton úr 3 í 5
stjörnur.
★★★★★