Fréttablaðið - 04.11.2010, Blaðsíða 74
4. nóvember 2010 FIMMTUDAGUR54
golfogveidi@frettabladid.is
Ekki er úr vegi að velta fyrir sér hvað kylfingar geta gert yfir veturinn (annað en að fara til útlanda til
að spila golf) til að bæta þekkingu sína í golfreglunum. Hinrik Gunnar Hilmarsson, sem annast
hefur eftirlit, vallarvörslu og dómgæslu hjá Golfklúbbi Reykjavíkur, ráðleggur kylfingum að
hafa eftirfarandi í huga:
„Það er ekki spurning að vetrarmánuðina ættu kylfingar að nota, fyrir utan það að æfa
sveifluna, til þess að auka þekkingu sína á golfreglunum.
Í fyrsta lagi geta kylfingar tekið fram golfreglubókina og lesið sér til um atriði sem
hugsanlega hafa þvælst fyrir þeim við golfleik á liðnu tímabili. Eða með öðrum orðum:
Æfa sig í efnisyfirlitinu.
Einnig er hægt að fara á www.randa.org en það er vefur Hins konunglega og forna
golfklúbbs í St. Andrews. Þar er að finna flestar nýjungar sem koma fram hverju sinni
varðandi golfreglurnar og áhugamannareglurnar, reglur um tæki og tól og svo
auðvitað siðareglurnar.
Þar er einnig að finna spurningaleik um reglurnar sem allir geta tekið þátt
í og er skipt eftir getu: lágmarksþekking, miðlungs og lengra komnir. Þetta
er tvímælalaust skemmtileg leið til að auka við þekkingu sína í reglunum
enda koma niðurstöðurnar strax.
Það sama má segja um vef bandaríska golfsambandsins www.
usga.org en þar má einnig finna spurningaleik og fréttir af nýjungum.
Á þessum vefum er einnig að finna almennar fréttir úr golfheim-
inum og því er bæði gaman og fróðlegt að skoða þessar síður og
fylgjast með því sem er að gerast í heimi golfsins.
Það er því alveg ljóst að kylfingar þurfa ekki að leggjast í dvala og
gleyma golfi/golfreglum þótt kólni og ekki sé auðvelt að spila.
G
O
LF
&
H
EI
LS
A
Hollráð Hinna
Veturinn nýttur
Karlalandsliðið í golfi náði
frábærum árangri á heims-
meistaramóti áhugamanna
sem er nýlokið í Argentínu.
Liðið náði 19. sæti, sem er
besti árangur karlaliðs Ís-
lands á mótinu frá upphafi.
Íslenska liðið lék hringina þrjá á
447 höggum, sem skilaði 19. sætinu
af 69 þjóðum. Nýkrýndir heims-
meistarar eru Frakkar, sem léku
á 423 höggum. Sigur Frakka var í
hættu fram á síðustu holu en Danir
sóttu hart að þeim. Þeir enduðu í
öðru sæti á 427 höggum. Í þriðja
sæti urðu Bandaríkjamenn, sem
spiluðu frábært golf á lokadegin-
um og komu inn á einu höggi undir
pari þrátt fyrir erfiðar aðstæður.
Þeir luku leik á 428 höggum.
Ragnar Ólafsson, landsliðein-
valdur í golfi, segir niðurstöðuna
vera yfir settu markmiði sem var
20. sætið, en þeim árangri náði
liðið í Berlín árið 2000. „Það er til
marks um góðan árangur að liðið
var aðeins tveim til þrem höggum
frá því að ná inn á topp tíu. Þegar
horft er til innbyrðisviðureigna
Íslands kemur það sama í ljós. Við
vorum að stríða Svíum og Finnum,
sem við höfum löngum borið okkur
saman við. Hér áður fyrr töpuðum
við yfirleitt stórt fyrir Svíum en
það er liðin tíð.“
Aðstæður voru erfiðar í Argent-
ínu; mikill vindur, þrumuveður og
rigning setti svip sinn á mótið frá
upphafi og mótsstjórn tók að lokum
ákvörðun um að stytta mótið um
einn hring. Ef skor keppenda er
skoðað er augljóst að veðrið lék
marga keppendur grátt. Hins
vegar virðist rok og rigning ekki
hafa sett eins mikið strik í reikn-
inginn hjá íslenska liðinu, sem
kemur golfurum hér kannski lítið
á óvart.
Ragnar segir árangurinn undir-
strika hversu sterk kynslóð golfara
hafi verið að vaxa úr grasi á und-
anförnum árum. Það eigi alls engu
síður við um stelpurnar.
„Það er auðvitað alltaf gleðilegt
þegar lið spilar betur en áætlan-
ir gera ráð fyrir. Við vorum með
blöndu af reynsluboltum í Óla og
Hlyni og síðan Guðmundi sem mun
láta meira að sér kveða í framtíð-
inni,“ segir Ragnar. Heimsmeist-
aramótið nú var síðasta mót Hlyns
sem áhugamanns, en hann mun
á næstunni byrja að sinna golf-
kennslu og fleiru í föstu starfi. Í
því tilliti, og því að Ólafur er ofar-
lega á heimslista áhugamanna,
telur Ragnar að Guðmundur hafi
öðlast dýrmæta reynslu þó að
spilamennskan hafi ekki verið
eftir væntingum. „Guðmundur er
mikið efni en það eru mikil við-
brigði að fara úr unglingagolfi og
keppa við þá bestu í áhugagolfinu.“
Í einstaklingskeppninni náði Ólaf-
ur Björn 24. sæti en Hlynur Geir
31. sæti. Keppendur voru alls 207.
svavar@frettabladid.is
Besti árangur á HM frá upphafi
LANDSLIÐ ÍSLANDS Ragnar Ólafsson landsliðseinvaldur, Guðmundur Ágúst Kristjánsson, Ólafur Björn Loftsson og Hlynur Geir
Hjartarson. MYND/GSÍ
Hreyfigreining er góð aðferð til
að átta sig á hvað er best að gera
í vetur til að bæta sig líkamlega
og auka þannig líkurnar á betri
árangri næsta sumar, og minnka
um leið líkurnar á meiðslum,
segir Magni Bernhardsson,
kírópraktor hjá Kírópraktorstofu
Íslands, sem hefur sérhæft sig í
golfmeiðslum og öðrum íþrótta-
meiðslum.
„Ef sömu meiðslin taka sig upp á
hverju sumri er greinilega þörf á
að athuga hvað er að gerast í lík-
amanum. Ég kalla verki oft gula
spjaldið sem líkaminn er að gefa
okkur; þá er best að hugsa sinn
gang. Bólga í vöðvum og sina-
festum er ekki eðlilegt ástand.
Ef það ástand er langvarandi er
nauðsynlegt að gera ráðstafanir.
Golf-hreyfigreining fer þannig
fram að einstaklingur er greindur
eftir aðferðum sem Titleist Per-
formance Institute hefur þróað
með öllum þeim leikmönnum
sem nota Titleist-golfboltann.
Upphafsmaður TPI er Craig Rose
kírópraktor, sem hannaði kerfið
með þeirri hugsun að ákveðin
hreyfigeta verði að vera til staðar
svo að eðlileg golfsveifla sé
möguleg. Það er staðreynd að
liðir hafa upphaflega ákveðna
hreyfigetu en með árunum og
eftir slys minnkar þessi hreyfi-
geta.
Eftir að hreyfigreining hefur
farið fram fær einstaklingurinn
æfingamöppu með sér og
leiðbeiningar um hvernig best er
að framkvæma æfingarnar. Mikil-
vægt er að hver og einn fái þær
æfingar sem eru bestar fyrir sig
svo að hámarksárangur náist.“
Höfundur starfaði með PGA-golfkenn-
aranum Justin Stout í Bandaríkjunum
árið 2007 við að hreyfi- og styrktar-
greina nemendur hans.
TPI
hreyfigreining
Magni M. Bernhardsson,
kírópraktor með sérhæfingu í
golfmeiðslum og öðrum íþrótta-
meiðslum.
Íslenska kvennalandsliðið í golfi endaði í 42. sæti ásamt Brasilíu á heims-
meistaramótinu í Argentínu. Íslenska liðið lék samtals á 609 höggum. Signý
Arnórsdóttir GK, Guðrún Brá Björgvinsdóttir GK og Tinna Jóhannsdóttir
skipuðu lið Íslands.
Lið Suður-Kóreu vann nokkuð öruggan sigur en það lék á 546 höggum; í
öðru sæti varð bandaríska liðið á 563 höggum. Frændur okkar Svíar urðu í
þriðja sæti ásamt Frökkum og Suður-Afríkumönnum á 573 höggum. - shá
Stelpurnar náðu 42. sæti á HM
Úrslit á HM í Argentínu
Karlaflokkur
1 Frakkland -7 423
2 Danmörk -3 427
3 Bandaríkin -2 428
4 Nýja-Sjáland +5 435
5 Skotland +6 436
6 Írland +9 439
7 Þýskaland +10 440
J8 England +11 441
J8 Belgía +11 441
J8 Kanada +11 441
J11 Sviss +12 442
J11 Kólumbía +12 442
J13 Suður-Kórea +15 445
J13 Noregur +15 445
J13 Svíþjóð +15 445
J13 Portúgal +15 445
19 Ísland +17 447
SÆTIÐ Á HEIMSLISTA ÁHUGAMANNA í golfi
er Ólafs Björns Loftssonar hjá Nesklúbbnum. Hann er efstur
Íslendinga á listanum.
129. SÆTIÐ SKIPAR HINN UNGI og efnilegi kylfingur úr GR, Guðmundur Ágúst Kristjánsson. Hann er næsthæst-
ur Íslendinga á listanum.
3000.
Bíldshöfða - Sími 585 7220 - OPIÐ ALLA DAGA
Verð frá: 19.990
49.990 (fullt verð 54.990)
FRÉTTIR VIÐSKIPTI ÍÞRÓTTIR LÍFIÐ UMRÆÐAN
STÝRÐU UMRÆÐUNNI Í ÁTT TIL ÞÍN
Meiri Vísir.